کرونا ویروس نینگ اومیکرون وریانتی انسان تیریسیده 21 ساعت جانلی قاله دی

ینگی تور کرونا ویروس (کووید 19) نینگ اومیکرون وریانتی نینگ انسان تیریسیده 21 ساعت و پلاستیک سطح لرده ایسه 8 کون گه قدر جانلی قاله دیگن لیگی انیقلندی. 

جاپان ده گی کیوتو طب عالی بیلیم یورتی تدقیقاتچی لری, کووید 19 نینگ چین نینگ ووهان ایالتیده گی بیرینچی نمونه بیلن وریانت لری اورته سیده گی فرق نی تیکشیریب چیقدی. 

اوشبو علمی تدقیقات نتیجه سیده, ویروس نینگ الفا, بیتا, دلتا و اومیکرون وریانت لری نینگ پلاستیک سطح و انسان تیریسیده ووهان ده گی تور دن 2 برابر کوپراق جانلی قاله دیگن لیگی انیقلندی. 

تدقیقات نتیجه سیده, ووهان توری نینگ پلاستیک سطحده اورته چه 56 ساعت, الفا, بیتا, دلتا و اومیکرون وریانت لری نینگ ایسه 191,3, 156,6, 114 و 193,5 ساعت جانلی قاله دیگن لیگی نینگ انیقلنگن لیگی بیلدیریلدی.

انسان تنی ده ووهان ده گی تور نینگ 8,6 ساعت, الفا, بیتا, دلتا و اومیکرون وریانت لری نینگ 19,6, 19,1, 16,8 و 21,1 ساعت جانلی قاله دیگن لیگی انیقلندی. 

تدقیقاتچی لر, برچه وریانت لرنینگ سطح لرده 35 فایزلیک الکول محلولی گه 15 ثانیه دوچ کیلیشی تقدیرده بوتونله ی تاثیرسیز وضعیت گه کیتریله دیگن لیگی نی بیلدیررایکن, قول لر نینگ یوویلیشی کیره ک ایکن لیگی نی معلوم قیلدی.