آلمان ده کروناویروس گه قرشی واکسین ایشلب چیقریش گه باشلندی

تورک بیلیمدان پروفیسور دوکتور اوغور شاهین و تورموش اورتاغی اوزلیم توره جی تامانیدن قوریلگن آلمان بیوتکنالوژی شرکتی بیونتیک توزگن ینگی تور کروناویروس (کوید-19) واکسینی نی آلمانده ایشلب چیقریش گه باشله دی.

بیونتیک شرکتی تامانیدن بیریلن بیاناتده واکسین ماربورگ شهریده گی کارخانه ایشلب چیقریش گه باشلنگن لیگی، جاری ییل نینگ بیرینچی یرمیده 250 میلیون دوز واکسین ایشلب چیقریله جگی بیلدیریلدی. خوددی شو واکسین نینگ بیرینچی باسقیچی نینگ اپریل آییده تسلیم ایتیلیشی نینگ کوتیلگن لیگی معلوم قیلیندی.

بیونتیک جاری ییلده دنیانینگ تورلی اولکه لریده گی 6 ته کارخانه ده توپلم 2 میلیارد دوز واکسین ایشلب چیقریش نی مقصد قیلیب آلگن.