کرونا ویروس گه قرشی واکسین انسان لرده سینه له باشله دی

آلمان ده تورک عالم پروفیسر داکتر اوغور شاهین نینگ شریک بولگن بیوتکنالوژی شرکتی BioNTech نینگ فایزر دوا شرکتی بیلن مشترک روشده ایشلب چیقرگن کرونا ویروس گه قرشی واکسین امریکا قوشمه ایالتلریده انسان لرده سینه له باشله دی. 

فایزر تامانیدن بیریلگن بیاناتده, " BNT162" ناملی واکسین نینگ کلینیک تست لری نینگ آلمان آرتیدن امریکا قوشمه ایالتلری ده هم عملگه آشیریلگن لیگی بیلدیریلدی.

بیاناتده, واکسین نینگ ماریلند و نیویورک عالی بیلیم یورتی طب فاکولته سی ده گی کونگللی کیشی لر ده سینَلگن لیگی معلوم قیلیندی. 

عینی دمده بیاناتده, اوشبو واکسین نینگ دستلب امریکا قوشمه ایالتلری ده 18-55 بیلن 65-85 یاش لری ده گی انسان لر ده ایککی کتگوری شکلده 360 کیشی ده تست ایتیله دیگن لیگی بیلدیریلدی. 

تست لرنینگ 18-55 یاش لری ده گی کیشی لرده موثریتی نینگ انیقله نیشی آرتیدن واکسین نینگ 65-85 یاش لری ده گی کیشی لر ده هم سینه له دیگن لیگی معلوم قیلیندی.

خوددی شوو واکسین نینگ مفید ایکن لیگی نینگ انیقله نیشی تقدیرده, جاری ییل نینگ سونگگی گه قدر امریکا قوشمه ایالتلری ده کینگ کولملی ترقه تیله دیگن لیگی بیلدیریلدی.