تورکیه چیت ایللرده یشیاتگن تورک لر گه بورسیه بیرماقده

تورکیه جمهوریتی نینگ چیت ایللرده یشیاتگن تورک لر و قرینداش جمعیت لر ریاستی (YTB), چیت لرده گی تورک باله لر اوچون تورک تیلی اوقیتووچی لری ییتیشتیریش مقصدی بیلن و ماستر و دوکتورا قیلیاتگن تورک لرنی قوللب- قوتلش اوچون ایککی فرقلی بورسیه پروگرامی اعلان ایتدی.

اوشبو ریاست تامانیدن بیریلگن یازمه بیاناتده, چیت ایللرده یشیاتگن تورک لرنینگ اکادمیک, اجتماعی و فرهنگی جهت دن یخشی بیر شکلده ییتیشتیریلیشی اوچون فرقلی پروگرام لرنینگ ترتیب له نیاتگن لیگی بیلدیریلدی. 

چیت ایللرده یشیاتگن باله لرنینگ تورک تیلی و فرهنگی نی اورگه نیب آلیش لری گه حصه قوشیش نی مقصدی قیلیب آلگن YTB, خارج ده ماستر و دوکتورا قیلیاتگن تورک لرنی هم قوللب- قوتله ماقده. 

اوشبو دایره ده  YTB, تورک باله لر گه اوقیتووچی ییتیشتیریش اوچون "خارج ده گی تورک باله لر گه تورک تیلی تعلیمی ماستری پروگرامی" بیلن "چیت ایللرده گی تورک لر تز تحقیقات بورسیه سی پروگرامی" نی باشلتدی. 

اوشبو بورسیه لر اوچون 15 اپریل بیلن 15 جون تاریخ لریده https://www.ytb.gov.tr/turkceylp/ و www.ytb.gov.tr/yvburslari وبسایتی آرقه لی مراجعه قیلیشینگیز ممکن.

اوشبو بورسیه لر گه خارج ده یشیاتگن 40 یاشدن کیچیک تورک وطنداش لری, ماوی کارتی و ایککی تابعیتی بولگن تورک لرنینگ مراجعه قیلیشی ممکن.  مراجعه لری قبول قیلینگن کاندید لر تورکیه ده گی ایککی سمسترلیک تحصیلی نی توگه تیشی آرتیدن استقامت قیلیاتگن اولکه ده گی هر قنده ی بیر عالی بیلیم درگاهی ده ستاژ و تز دوری نی قمره گن تورت سمسترنی تکمیل قیلیشی آرتیدن فارغ بوله دی. 

پروگرام گه قبول قیلینه دیگن کیشی لرنینگ عالی بیلیم یورتی ده گی تعلیمی برنامه لری بوییچه مصرف لری YTB تامانیدن بیریلیب, کاندید لر گه بیر مقدار آی لیک و قالیش لری اوچون جای هم تامین ایتیلیب بیریله دی.