سرطان کسللیگی نینگ تداوی سی بوییچه کتته بیر موفقیت قولگه کیریتیلدی

چین لیک عالملر, یمانله شیب قالگن وضعیتده بولگن کوکره ک سرطانی (سرطان پستان) نینگ تداوی ایتیلیشی اوچون بیونیک نانو تکنالوژی دن استفاده ایتیش گه قادر بولدی.

شینهوا خبر آژانسی, چین عالملری اکادمیسی گه باغلیق طبی مواد انستیتوتی نینگ, وجود نینگ ایچی گه جایلشتیریله دیگن اوشبو تکنالوژی نینگ آتی نی rHS-DTX قویگن لیگی معلوم قیلیندی.

یمان وضعیتده گی کوکره ک سرطانی بولگن سیچقان لرده تجربه قیلینگن اوشبو تکنالوژی, خودی منه شوو حیوان لرده تومور (شیش یاکه غُده) لرنی 98,2 فایز مقیاسیده یوق ایتگن.  کیین چه لیک آلیب باریلگن علمی تیکشیرو لر اوشبو سیچقان لرنینگ اورگان لری و قان حجره لریده هیچ قنده ی بیر زهر له نیش حادثه سی نینگ بحث موضوعی بولمه گن لیگی نی کورسه تیب بیردی.

خودی منه شوو علمی تحقیقات نینگ نتیجه سی Advanced Functional Materials مجله سیده باسیلیب چیقدی.

سونگگی پیتلرده چینده طب ساحه سی بوییچه نانو تکنالوژیدن فایده له نیش میزانی آرتیب کیتگن وضعیتده.  ایککی هفته آلدین هم بیش ییللیک بیر مدت مابینیده چین ملی نانوبیلیم و تکنالوژی مرکزی تامانیدن اویلب چیقاریلگن دی ان ای (DNA) نانوروبوت لری نینگ سرطان کسللیگی نینگ تداوی سی بوییچه موفقیتلی بیر شکلده استفاده ایتیلگن لیگی بیلدیریلگن ایدی.