شمالی کوریا امریکا قوشمه ایالت لری گه قتتیق بیر شکلده هوشدار بیردی

شمالی کوریا, امریکا قوشمه ایالتلری و جنوبی کوریا نینگ مشترک حربی تطبیقاتی سببلی منطقه ده هستوی اوروش نینگ باشلب کیتیشی نینگ ممکن ایکن لیگی نی بیلدیردی. 

شمالی کوریا نینگ بیرلشگن ملتلر تشکیلاتی دایمی نماینده سی جا سونگ نام تامانیدن اوشبو تشکیلات نینگ خوف سیزلیک کینگشی گه یوباریلگن مکتوبده, امریکا قوشمه ایالتلری نینگ مارچ آیی نینگ بیرینچی کونیدن بیری جنوبی کوریا بیلن مشترک روشده آلیب باریتگن حربی تطبیقات لر ده, هستوی طیاره کیمه لری, سوو آستی کیمه لر و اوروش طیاره لری دن استفاده ایتیلیتگن لیگی بیلدیریلدی. 

اوشبو وضعیت نینگ کوریا یریم ارالی و شمالشرقی آسیاده هستوی اوروش نینگ باشلب کیتیشی گه سبب بولیشی نینگ ممکن ایکن لیگی نی بیلدیرگن جا, امریکا نینگ اوشبو تطبیقات لری باره سیده خوف سیزلیک کینگشیده بحث ایتیلیشی کیره ک ایکن لیگی نی معلوم قیلدی. 

جا, شمالی کوریا نینگ آلدین بولگن لیگی دیک, ینه بیر مرتبه اوشبو طلبی نینگ رد ایتیلیشی تقدیرده, خوف سیزلیک کینگشی نینگ امریکا نینگ سیاسی بیر وسیله سی دن عبارت ایکن لیگی نینگ اثبات بوله دیگن لیگی نی بیلدیردی. 

عینی دمده, شمالی کوریا نینگ 4 بالستیک راکتی نی آزمایش قیلیشی آرتیدن, امریکا و جاپان هم خوف سیزلیک کینگشی نینگ اوشبو خصوصده عاجل بیر شکلده ییغیلیش اوتکزیشی نی طلب ایتدی. 

هستوی فعالیت لری سببلی میلادی 2006 نچی ییلیدن بیری شمالی کوریا خوف سیزلیک کینگشی نینگ تحریمی گه دوچ کیلیب قالگن وضعیتده.