هندستانده اوغیرلنگن نوبل تینچ لیک میدالی خوفسیزلیک کوچلری تامانیدن تاپیب، آلیندی

هندستانده اوغیرلنگن نوبل تینچ لیک میدالی خوفسیزلیک کوچلری تامانیدن تاپیب، آلیندی

باله لر حقلری مدافعه قیلووچیسی هندستان لیک کایلش ساتیارتهی نینگ اوغیرلنگن آتین پوش قیلینگن نوبل تینچ لیک میدالی تاپیب آلینگن لیگی معلوم قیلیندی.

خوفسیزلیک کوچلری اوتگن هفته ساتیارتهی نینگ پایتخت ینگی دلهی ده گی اوییدن اوغیرلنگن مذکور میدال، سرتفکیت و زیوراتی نینگ تاپیب آلینگن لیگینی بیلدیردی.

حادثه بیلن علاقه لی 3 کیشی نضارتگه آلینگن لیگی قید ایتیلدی.

کایلش ساتیارتهی بو اولکه نینگ حکومتی، پولیسی و جمعیتی گه ایشانه من. اویی مدن ییتگن اشیالریم نی تیزلیک ده تاپیب کیلگن دلهی نینگ پولیس اعضالریگه منتدارچیلیک بیلدیره من، دیدی.

پاکستان لیک باله لر حقی مدافعه قیلووچیسی 63 یاشده گی کایلش ساتیارتهی میلادی 2014 – ییل پاکستان لیک انسان حقلری مدافعه قیلووچیسی ملاله یوسفزی بیلن بیرگه لیکده نوبل تینچ لیک جایزه سینی قولگه کیریتگن ایدی.

هندستان ده 1990 – ییل دن بیری اولکه ده ایشچی اوله راق ایشله تیلگن باله لر اوچون کوره شیب تورگن ساتیارتهی تامانیدن قوریلگن باچپان بچه هو اندولان گروهی، غلام اوله راق ایشله تیلگن 80 مینگ دن آرتیق باله نینگ آزاد ایتیلیشی، تداوی ایتیب، معارف ساحه سیگه درس اوقیشی گه سبب بولگن ایدی.