ساعت لر بیر ثانیه توخته له دی

ساعت لر بیر ثانیه توخته له دی
دنیانینگ قویاش اطرافیده اینه لیشی اثناسیده استه بولیشی باعث، ایرته گه ساعت لر 1 ثانیه توخته له دی. اوشبو بیانات ترکیه بیلگی و تکنالوژی تحقیق مرکزی (TÜBİTAK) محققی و استانبول عالی بیلیم یورتی استرونومی و فضا بیلیم لری بولیمی استادلریدن بولگن دوکتور حسن ایسن اوغلی تمانیدن انادولو خبر آژانسی گه بیریلگن دیر. مذکور متخصص نینگ ایتیشیچه 30 نچی جون – 01 جولای کیچه سی ساعت 23:59:59 ده ساعت لر ایکّی بار عینی ثانیه نی کورسه ته دی. اوشبو حادثه نینگ 1972 نچی ییل دن بیری 25 بار یوز بیرگن لیگی نی معلوم قیلگن ایسن اوغلی دنیانینگ استه بولیشی باعث کون و فصل اوزگریشی دن اورته گه چیققن آرتیق زمان نینگ شو شکلده برطرف ایتیش ممکن بولگن لیگی نی بیلدیرماقده دیر. ایسن اوغلی اوشبو حادثه گه ماس کمپیوتر پروگرامی بولگن لیگی اوچون تکنالوژیک اسبابلرگه ضرر ییتیشتیرمه گن لیگی نی معلوم قیلیب، بو حادثه هر 5 ییل جریانیده 3 بار یوز بیرگن لیگی نی اورغوله دی.