ترکیه برقی موتر تولید ایتیب ساته دی

ترکیه میلادی ۲۰۱۶ نچی ییلی ده اوزی نینگ برقی موتر لری نی تولید ایتیب باشلَیدی.
ترکیه نینگ ایسکی شهر ولایتی ده اورین آلگن بیر شرکت, کوپلب عالی بیلیم یورتی دن ۳۰ دن آرتیغراق اکادمیسن بیلن مشترک روشده اویلب چیقارگن وطنی برقی موتر لری نی میلادی ۲۰۱۶ نچی ییلی ده ایشلب چیقاریب ساتیب باشلیدی.
بیگ لر شرکتی نینگ تکنالوژیک تحقیقات لر بوییچه مسئولی مَلیح ییلدیز, خودی منه شو شرکت نینگ میلادی ۲۰۱۳ نچی ییلی ده برقی موتر لر بیلن علاقه لی ایریم تحقیقات لر آلیب باریش اوچون قوریلگن لیگی نی بلدردی.
وطنی بیر برقی موتر تولید ایتیش اوچون باش قاتریب کیلیتگن لیک لری نی بلدرگن ییلدیز, "حاضرگی کون گه قدر یخشی موفقیت لر قول گه کریتدیک. فرقلی موتر لرنینگ تولید ایتیلیشی بوییچه باش قاترماقده میز. حاضرگی کونده ایککی فرقلی برقی موتر باره سیده بحث ایتماقده میز. اوشبو موتر لر اوز آلوچی لری نی تاپه دی. میلادی ۲۰۱۵ نچی ییلی نینگ سونگگی ده اوشبو برقی موتر لری میز نی مشتری لر گه کورسه ته میز. میلادی ۲۰۱۶ نچی ییلی ده ایسه اوشبو موتر لر نی تجارتی شکل ده تولید ایتیب ساتیب باشلیمیز" دییه قید ایتدی.