اسرائیل قولدن بیرگن مشروعیت

اسرائیل قولدن بیرگن مشروعیت

اسرائیل نینگ غزه گه قره تیلگن هجوملری اوزلکسیز دوام ایترکن، نتانیاهو باشقرووی تاریخیده کوریلمه گن بیر چیکلاوگه دوچ قالگن وضعیتده. بایدن باشقرووی و و بیرقطار اروپا اولکه سینی چیقرگنده اسرائیل نینگ قیرغین پولیتیکالریگه آچیق روشده کمک بیرووچی اولکه قالمه دی. اسرائیل گلوبال و منطقوی اولچکده بوتونله ی یکه بولیب قالماقده. بو ایسه اسرائیل نی خوفسیز بولیشدن چیقرماقده. 7 اکتوبردن کیین اوزیچه خوفسیزلیگی اوچون 70 فایزی خاتین – قیز و باله لردن عبارت 40 مینگدن آرتیق انسان نی قتل قیلگن اسرائیل اوزی سبب بولگن عاقبت بیلن یوزلشه دیگن بیر جریان گه کیرماقده. بو جریان گه فقط اسرائیل دولتی اوچون ایمس عیندمده یهودی همجمعیتی اوچون هم چقور بیر خوفسیزلیک بحران نی کورستماقده. نتانیاهو حکومتی غزه ده بربرلیک که دوام ایتگن تقدیرده اسرائیل نینگ خوفسیزلیک بحرانی نینگ توزه تیلیشی ممکن بولمه گن وضعیت گه کیله دی و اسرائیل دولتی نینگ موجودیتی گه تیگیشلی هم بیر بحران یوزه گه کیلیب چیقه دی.    

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع حقیده گی تحلیل یازووینی تقدیم ایته میز.

7 اکتوبردن کیین اسرائیل مشروعیتی بوتونله ی اورته دن کوتریلگن وضعیتده. اسرائیل نه فقط بیر اشغالچی کوچ عین حالده قیرغین عیبلاوی بیلن هم خلق ارا عدالت سودیده محکمه بولگن، اولکه نینگ ییتکچیلری خلق ارا جزا سودی تامانیدن قولگه آلیش قراری بیریلگن، خلق ارا تشکیلاتلرده و خلق ارا دیپلوماسیده چیتلنگن بیر دولت وضعیتده دیر. بو یکه بولیب قالیش و چیتلنیش نینگ ایککی ته مهم نتیجه سی بوله دی. مشروعیت نی قولدن بیریش و چقورلشیب بارگن خوفسیزلیک بحرانی.

اسرائیل نینگ خوفسیزلیک بحرانینی چقورلشتیرگن و بونی بار بولیشی گه سبب بولگن ایلک مسئله نتانیاهو باشقرووی نینگ غزه ده یشه گن فلسطینلیکلرگه قره ته آلیب بارگن قیرغین، اوروش جرمی و انسانلیک قرشی قول اورگن جرملردن عبارت وحشیانه ایشلری دیر. شونده ی قیلیب اسرائیل غزه ده نورمال بیر اوروش آلیب بارمه یاپتی. اسرائیل تامانیدن 7 اکتوبردن بیری آلیب باریلگن نی اوروش دییش ممکن ایمس. اسرائیل اردوسی کوپراغی خاتین – قیز و باله لردن عبارت تینچ اهالینی هدف قیلیب آلماقده. او ایش آلگن برچه تجهیزات اوزیدن مدافعه قیلیش حقی حدودینی قیزیل چیزیغینی آشیب کیتگن وضعیتده. شونده ی قیلیب کوریب بیلیب بیر اتنیکی و دینی همجمعیت نی پلانلی روشده یوق قیلیب تشلش دیر. اسرائیل تامانیدن "خوفسیز منطقه" ایتیب اتلگن رفح ده تینچ اهالی سیغینگن وقتینچه لیک باش پناهگا ساحه سینی هم آماج قرار بیریشی خلق ارا حقوق جهتیدن بوتونله ی قصدی و بیلیب قول اوریلگن جرمدن عبارت دیر. 7 اکتوبردن بیری اسرائیل اردوسی تامانیدن آلیب باریلگن اوزیچه عسکری عملیات بیلن اسرائیل حکومتی اوروش جرمی، قیرغین و انسانیت گه قرشی جرملر قطاریگه کیره دیگن کوپلب حرکت گه قول اورگن دیر. خلق ارا عدالت سودی گه جنوبی افریقا تامانیدن قیرغین عیبلاوی بیلن آچیلگن دعوا اسرائیل قیرغین قیلووچی بیر اولکه گه ایلنتیرگن وضعیتده. سود بیره دیگن قراردن علیحده اسرائیل نینگ غزه قیرغینی اوز تاریخی حادثه لریدن بنا قیلگن دولت کیملیگی نینگ هم گلوبال مقیاسده گی اعتبارینی یوق قیلگن دیر. خلق ارا عدالت سودی تامانیدن قیرغین دعواسیگه قوشیمچه اوله راق خلق ارا جزا سودی تامانیدن هم اسرائیللیک ییتکچیلرگه تیگیشلی قولگه آلیش و سود بولیش قراری آلیندی. شو نقطه نظردن شونده ی قیلیب اسرائیل نینگ خلق ارا حقوق تامانیده دوچ قالگن ایریم بیر تهدیددیر. بو قرار بیلن اسرائیل هم بیرلشگن ملتلر تشکیلاتیدن تشقی ایککی ته ایریم سود بولیش بیلن دوچ قالیب خلق ارا حقوق قاشیده مشروعیت بحرانی چقورلشیب بارگن وضعیتده.

اسرائیل نینگ مشروعیت بحرانی فقط قول اورگن حرکتلر طفیلی خلق ارا حقوقدن کیلیب چیققن غیر مشروع قیرغینچی بیر رژیم بولیش عیبلاوی گه دوچ قالیشی بیلن محدود ایمس دیر. گلوبال و منطقوی اولچکده اسرائیل دیپلوماتیک اوله راق چیتلنگن بیر دولت گه ایلنگن دیر. 7 اکتوبردن آلدین منطقوی یکه قالیشینی ابراهیم کیلیشوولری بیلن اوتماقچی بولسه ده 7 اکتوبردن کیین منطقوی نورماللشوو اداغگه ییتگن دیر. شونده ی قلیب اسرائیل قیته دن دیپلوماتیک اوله راق چیتلنیب قالگن دیر. بو باسقیچده کوپلب دولت اسرائیل بیلن بولگن مناسبتینی قیته دن کوزدن اوتکزیب فلسطین نی و ایککی دولتلی ییچیم نی قوللب – قوتلش گه باشله گن دیر. قطاردن اسپانیا، ایرلند و ناروی نینگ فلسطین نی دولت ایتیب تن آلیشلری اسرائیل نینگ دیپلوماتیک جبهه ده اوتیلگن لیگینی کورسته دی. شونده غکی فلسطین نی تن آلگن اولکه سانی 142 گه ییتدی.

اسرائیل نینگ دیپلوماسی جبهه ده چیتلنگن لیگی نینگ باشقه بیر ساحه سی خلق ارا تشکیلاتلر بعدیده دیر. بیرلشگن ملتلر تشکیلاتی قاله ویرسه کوپلب خلق ارا تشکیلات تامانیدن تنقید ایتیلگن بیر دولت گه ایلنگن دیر. بیرلشگن ملتلر تشکیلاتی نینگ عمومی جلسه سیده اسرائیل نینگ کوزه تووچی مقامی گه اوزگریش کیلتیرووچی قراری اسرائیل نینگ پولیتیکالریگه اقرشی نقلابی بیر آدیم دیر. بو قرار خوفسیزلیک کینگشیدن اوتگن بولمسه ده سمبولیک اوله راق اسرائیل نینگ غزه ده آلیب بارگن غیر مشروع عملیاتلری نینگ عاقبتی دیر. کوپلب منطقوی تشکیلات هم اسرائیل نینگ غزه ده قول اورگن اوروش جرملرینی و قیرغینلرینی کون ترتیبی گه کیریتگن و اسرائیل دولتی گه قره ته قتّیق بیاناتلر بیرگن دیر.

خلق ارا حقوق تامانیده قانونی، خلق ارا سیاست جبهه سیده دیپلوماتیک اوله راق مشروعیتینی قولدن بیرگن اسرائیل گلوبال انسانلیک نینگ وجدانیده هم مشروعیتینی وقلدن بیرگن دیر. امریکا قوشمه ایالتلری قاله ویرسه اروپا پایتختلریده و دنیانینگ کوپلب اولکه سیده اسرائیل غزه گه آلیب بارگن قیرغین طفیلی قاره لنماقده. اسرائیل نی قوللب – قوتله گن کوپلب شرکت هم تحریم بولماقده دیر. امریکا قوشمه ایالتلریده یوز بیره یاتگن ایککی یوزلمه چیلیک ایرکینلیکچی فضاسی اسرائیل نینگ منفعتی اوچون محدودلشتیریلگن بولسه ده اسرائیل و امریکا قوشمه ایالتلری نینگ اسرائیل گه بیرگن قوللب – قوتلشلری محکوم ایتیلماقده دیر. بو مظاهره دالغه سی سونگگی 20 ییلده کوریلگن اینگ کینگ مظاهره لردن سنله دی.

نتیجه ده اسرائیل نینگ چقور بیر مشروعیت بحرانی نینگ ایچیده ایکن لیگی کوریلماقده دیر. بو بحران هر تامانلمه خلق ارا دیپلوماسی، گلوبال انسانلیک وجدانیده دیر. اسرائیل مشروعیتینی قیتریب قولگه آلیشی جوده قیین. شونده ی قیلیب غزه ده آلیب بارگن قیرغینی انسانلیک ذهنیدن اصلان یوقه لیب کیتمه یدی.     

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع حقیده گی تحلیل یازووینی تقدیم ایتدیک.