برقی موترلر یوللرنینگ ینگی حاکمی بوله دی می؟
برنامه
برقی موترلر یوللرنینگ ینگی حاکمی بوله دی می؟
تکنالوژي لرده گی سونگگی اوزگریشلر و اقلیم اوزگریشیگه قرشی چاره - تدبیرلر نتیجه سیده برقی واسطه لریدن فایده لنیش کونیمیزده کینگ ترقه لماقده.
برقی واسطه لریدن فایده لنیش کوپلب حکومتلر تامانیدن قوللب - قوّتلنه باشله دی. مملکتلر برقی واسطه ایشلب چیقرووچیلرنی هم، فایده لنووچیلرنی هم کوپلب مسأله لر، خصوصاً، سالیقلر بوییچه قوللب- قوّتلش گه باشله دی.
خلق ارا انرژی باشقرمه سی راپوریگه کوره، 2030 ییلگه کیلیب بوتون دنیا بویلب برقی واسطه لر سانی 10 برابر آرته دی. دنیا بویلب ساتیله دیگن اتوموبیللرنینگ 60 فایزدن آرتیغی برقی واسطه لری بوله دی.
برقی واسطه لرنینگ 50 فایزدن آرتیغی چینده ساتیلگن. تخمینلرگه کوره، حاضرده مملکتده 8 میلیون برقی واسطه قوللنیلماقده.
اروپا اتفاقی بو موضوعده چیننی کوزه تیب باردی. اروپا اتوموبیل ایشلب چیقرووچیلر بیرلیگی (ACEA) راپورلریگه کوره، اگست آییده اروپا اتفاقی مملکتلریده برقی واسطه لرنینگ توپلم ساتیشده گی اولوشی بیرینچی مرته 20 فایزدن آشدی.
برقی واسطه ساتیشی اگست آییده 2022 ییل نینگ شو دوریگه نسبتاً 118،1 فایزگه آشیب، 165 مینگ 165 ته گه ییتدی و بو اتوموبیللرنینگ توپلم سوداده گی اولوشی 21 فایزگه ییتدی. شونده ی قیلیب، 2022- ییل اگست آییده ساتیلگن هر 5 ته اتوموبیلدن 1 ته سی برقی بولدی.
بالتیق منطقه سیده، اینیقسه اسکاندینوف مملکتلریده برقی بازارده تولیق حکمرانلیک قیله دی. 2022- ییلده ناروی ده ساتیلگن 100 ته مو‌تردن 79 ته سی برقی واسطه دن عبارت.
سویدن و ایزلند‌ده یوللرده گی ترانسپورت واسطه لری نینگ قریب 40 فایزی برقی واسطه لردن عبارتدیر.
جاري ییل نینگ جنوری- سپتامبر دوریده اروپاده اینگ کوپ برقی واسطه ساتیلگن دولت 387 مینگ 289 دانه بیلن آلمان بولدی.
آلمان دن سونگ، انگلستان 238 مینگ 541، فرانسه 204 مینگ 616، هالند 85 مینگ 486، سویدن 81 مینگ 210، ناروی 79 مینگ 672، بلجم 68 مینگ 696، ایتاليا 45 مینگ 758، دنمارک 40 مینگ 828، سویس 36 مینگ 235، اتریش 34 مینگ 894، اسپانیا 34 مینگ 606 ته برقی واسطه ساتگن.
جاري ییل نینگ 9 آییده برقی واسطه ساتیشی اوتگن ییل نینگ شو دوریگه نسبتاً بلجیم ده 165،9 فایز، یونان ده 148 فایز، فینلند‌ده 131،3 فایزگه آشدی. اسپانیا‌ده بو دورده برقی واسطه لر ساتیشی 64 فایز، فرانسه ده 45،3 فایز، آلمان ده 42،1 فایز، انگلستان ده 35،8 فایز، ایتا‌ليا‌ده ایسه 27،6 فایزگه آشگن.
اروپا دولتلری برقی واسطه لرنینگ بازارگه کیریب کیلیشینی رغبتلنتیریش اوچون تورلی مالیوي یاردملر تکلیف قیلماقده. بیراق، بو ساحه ده اعضا مملکتلر تامانیدن تقدیم ایتگن مالیه امتیازلری و ساتیب آلیش امتیازلری جوده فرق قیله دی.
برقی واسطه لرنی ساتیب آلیشنی قوللب - قوّتلش اروپا اتفاقی گه اعضا 20 ته دولتده عملگه آشیریلماقده. بلجم، بلغاريا، دنمارک، فینلند، لتونيا و سلواکيا ساتیب آلیشلر اوچون تشویق امتیازی بیرمه یدی، لیکن مالیه امتیازلرینی قوللب- قوّتله یدی.
2023 ییلیده چین، اروپا و امریکا قوشمه ایالتلریدن باشقه مملکتلرده برقی واسطه لر ساتیشی اولوشی 6،5 فایزنی تشکیل ایتدی.
تورکيه بو موضوعده، اینیقسه توگگ نینگ ایشگه توشیریلیشی بیلن ایجابي کورستگیچ گه ایریشدی. سونگگی 1،5 ییل ایچیده برقی واسطه لر سیزیلرلی درجه ده آشدی.
تورکيه ده 2022-ییلیده 14 مینگ 552 ته برقی واسطه موجود ایدی. 2024-ییلگه کیلیب برقی واسطه لر سانی بیر نیچه برابر آرتیب، 100 مینگ ته گه ییتدی.
2023 ییلده تورکيه ده ترافیک رویخطدن اوتگن (ثبت بولگن) اتوموبیللر آره سیده برقی واسطه لری نینگ اولوشی تخمیناً 7 فایزنی تشکیل ایتدی. خلق ارا انرژی باشقرمه سی (IEA) نینگ گلوبال برقی واسطه کورینیش راپوریگه کوره، 2022 ییلده برقی واسطه لری نینگ توپلم اتوموبیل ساتیشیده گی اولوشی 14 فایزگه ییتدی. بو کورستگیچ 2020- ییلیده 4 فایزنی، 2021-ییلده ایسه 9 فایزنی تشکیل ایتدی.
میلادی 2024 ییلگه کیلیب، برقی واسطه لری نینگ ساتیلیشی بوتون دنیا بویلب 15 میلیونگه یقینلشیشی کوتیلماقده و هر 5 اتوموبیلدن بیری برقی بولیشی کوتیلماقده. 2030- ییلده دنیاده گی برقی واسطه لر ذخیره سی 350 میلیون اطرافیده بولیشی تخمین قیلینماقده.
برقی واسطه لری نینگ سانی تیز سرعتلر بیلن اوسیب باره یاتگن بولسه ده، فایده‌ل نووچیلرنینگ اینگ کتّه معماسی - چارچلش استیشن لری و چارچلش وقتلری...
2024 ییل می آیی حالتیگه کوره، تورکيه‌ده گی توپلم چارچلش استیشن لری سانی 7 مینگ 949 ته دن عبارت. توپلم ساکتلر سانی 18 مینگ 454 ته دیب قید ایتیلگن.
بو ساکتلرنینگ 6 مینگ 474 ته سی تیز چارچلشنی قوللب- قوّتله سه، 11 مینگ 980 ته سی اوزگرووچی تاکنی، یعنی عادي برق قوّتینی قوللب-قوّتله یدی.
بو شونی انگله ته دیکی، تورکيه ده هر 5،4 ته برقی واسطه اوچون بیرته چارجلش نقطه سی موجود.
بو باره ده تورکيه اروپاده یوقاری ا‌ورینلرده توره دی. هالند و بلجیم ده هر بیر استیشن گه 3 ته مو‌تر توغری کیله دی. اولر بو جهتدن جهان ییتکچیلری حسابلنه دی. دنیاده گی اینگ ییریک اتوموبیل ایشلب چیقرووچی دولت آلمان ده بو رقم 11 ته دن عبارت.
