رنگلی و یاپیشووچی ایسلتمه کاغذلری حقیده بیر یازوو
برنامه
رنگلی و یاپیشووچی ایسلتمه کاغذلری حقیده بیر یازوو
اونتیش ایندیکی زمانه ده حیاتیمیزده کیریب قالگن بیر وضعیت بولدی. کونده لیک حیاتده ایریم نرسه لرنینگ اوستیده باش قاتیرگن لیگیمیز طفیلی میه میز بعضی بیر نرسه لرنی اوچیریب تشله یدی. بیز ایسه بونی ایسدن چیقریش دیب اته یمیز، بیراق بو ایسه یمان نتیجه لر توغدیره دی. خوددی شو سبب طفیلی قیلگنلریمیز و قیلیه دیگن ایشلرنی ایسدن چیقرمسلیک اوچون نوتلر یازیب بیر کوشه گه قویه میز. چونکه بیله میز گپ اوچوب کیته دی بیراق یازوو قاله دی. بعضی بیر پیتده موزله تگیچ نینگ ایشیگیده یاپیشتیرگن بیر نوت ویا مپیوترنینگ چیکه سیگه یاپیتیرگن کاغذده گی ایسده لیک حیاتی اهمیت گه ایگه بولیب قاله دی. شونده ی بولیب post-it دیب اتلگن رنکلی و یاپیشووچی ایسلتمه کاغذلر 1980 – ییللردن بیری حیاتیمیزگه کیریب کیلگن.
اوشبو حکایه نینگ اصلی 1968 ییلیدن کیلیب چیقماقده. 3م شرکتی تحقیق بوییچه مسؤل مدیری دوکتور اسپنسر سیلور، همراهیده گی انجنیرلر بیلن امریکانینگ هواچیلیک سکتوری اوچون دنیا مقیاسید اینگ کوچلی بولگن چیریش نی کشف ایتیش اوچون اورونماقده ایدی. بو تحقیقلر جریانیده انجنیرلر کوپلب ضعیف چیریش کشف ایتدیلر بیراق اولر کوچلی چیریش گه ماسلنگن لیگی طفیلی بو کشفلرنی ضعیف دیب تشلب یوباردیلر. حال بوکی بو چیریشلر انچه ایش گه یره ماقده ایدی. تحقیقلری نینگ باشلریده بو فورموللرگه علاقه کورستمه گن دوکتور سیلور بیر مدت کیین بو کشفلری نینگ ایریم ایشلرگه ایش آلیشلری نینگ ممکن ایکن لیگینی تصادفاً اورگنیب قالدی و 1973 ییلیدن اعتباراً کوچسیز چیریش اوستیده باش قاتیریش گه باشله دی. دوکتور سیلور و همراهیده گی تیمی ایش جایلریده ایش آلینگن سینجاق، تخته ویا فیته دن فایده لش اورنیده نوت یازیش اوچون بو ینگی پایشووچیلردن فایره لنیش نی کشف ایتدی. بیراق او پیتده امریکا قوشمه ایالتلریده دیوار تخته لری نینگ ساتیشلری آز بولگن لیگی طفیلی خواهلنگن نتیجه آلینمه دی. خوددی شو پیتده دوکتور سیلور اویوشتیرگن کوچسیز یاپیشووچیلر موضوعلی سمینارگه تصادفاً قتنشگن آرت فری آتیده گی انجنیر بونی کشف ایتدی.
فری درحقیقت دیندار بیر انسان ایدی و یکشنبه کونلری کلیسا موسیقی گروهیده نعت اوقیماقده ایدی. بیراق نعت کتابی نینگ ایچی گه اشاره قیلیب قویگن چوب خط کاغذلری توشرکن فری اشاره قیلگن صحیفه لرنی تاپالمس ایدی. شونده ی بولیب فری اوز اورتاغی دوکتور سیلور کشف ایتگن کوچسیز چیریشدن کاغذگه سورتدی و کتابده اشاره قیلگن صحیفه لرگه یاپیشتیریب قویدی. باشلرده ناموفق کوریلگن و آتیب تشلنگن خوددی شو کوچسیز چیریش تصادفاً بیر یاپیشووچی کاغذ یعنی نوت کاغذی وضعیتی گه ایلنیب قالدی. کیین فری خوجعینی گه جونتگن راپورنینگ اوستیگه یاپیشووچی کاغذنی یاپیشتیریب بیر نوت یازدی و شو بیلن نوت کاغذی رواجلنیب کیتدی. 1970 ییللریده ایش جایلری ایگینه (سینجاق)، دیوار تخته سی و فیته لردن تولیب تاشگندی. ایشلاوچیلر ایش بیلن تیگیشلی نوتلرینی بیر بیریگه بو شکلده ییتکیزماقده ایدی. بیراق فری بیلن خوجعینی تصادفاً هم بولسه شرکت ایچیده ینگی بیر خبرلشوو سیستمی تاپدیلر.
فری ایشله یاتگن شرکت 1980 ییلی نوت کاغذلریدن عبارت 3 ته ایریم محصول ایشلب چیقردی و بولرنینگ رخصتنامه سینی آلدی. بیراق ایشلاوچیلر بو رنکی کیچیک یاپیشووچی نوت کاغذلریدن قنداغ قیلیب ایش آلیش نی بیلمه ی سابقگی تیزیم بولمیش ایگینه (سینجاق) فیته، دیوار تخته سی کبی نرسه لردن ایش آلیش دوام ایتدیلر. تورلی بازاریابلیک اورنیشلری قیلگن حالده 10 ییلگچه موفق بولمه گن شرکت باشقرووی بو محصول گه ایشانماقده ایدی و بو محصول نی امریکا قوشمه ایالتلریده گی کتته شرکتلرگه بی پول بیردی. قیسقه مدت ایچیده برچه شرکتلر تامانیدن رغبت کوریش گه باشله دی و کینگ ییره ب کیتدی. شونده ی بولیب امریکا قوشمه ایالتلری و اروپا اولکه لریده اینگ کوپ ساتیلگن قرطاسیه محصولی بولیب قالدی.
