قتیق حقیده بیر یازوو
برنامه
قتیق حقیده بیر یازوو
سونگگی ییللرده فابریکه محصولی آذیق – اوقاتلرنینگ ییترلی درجه ده یاقمه یدی دیگن ادعالر طفیلی کوپلب انسان قتیق، پنیر، نان، تورشی و مربانی اوییده قیلماقده. اینیقسه پاندیمی پیتیده اویده اولتیریب قالگن میلیونلب انسان شوقدن باشله دی بو ایش گه اینیقسه قتیق بیلن نان گه دوام ایتدی. قتیق اویوتیش درحقیقت آسان بیر ایش دیر، سوتگه آزگینه قتیق تشلب قویه سیز اوزی اویویب قتیق بولیب قاله دی. قتیق اوقات نینگ یانیده مصرف بوله دی، اوندن سوپ، عیران (چلاپ) قیلینه دی. قتیق بیر آذیق – اوقات بولیشیدن قطعی نظر عین حالده انچه فایده لی محصول دیر. قویاشده یانگن جلدگه داری صفتیده ایش آلینماقده. شونده ی بولیب یاز فصلیده قویاش نینگ آستیده ایشلش گه مجبور بولگنلر ویا دینگیز – حوض ده سووگه توشگنلر باله لری و اوزلری تینچ اوخلش اوزچون قتیقدن ایش آله دیلر. خوف قتیق ایلک مرته قنداغ قیلیب اوییتیلدی و کیم اختراع قیلدی؟
بو سوال فقط قیزیقووچیلر ایمس عین حالده محققلرنینگ هم علاقه سینی تارتیب آلدی و تحقیق قیلیش گه سزاوار بیر موضوع بولدی. ملی بیر تورک ییملیک بولگن و دنیا مقیاسی گه ییره ب کیتگن قتیق نینگ اویوتیلیشیده تورلی روایتلر بار. بولردن اینگ کوپ رواج کورگن حضرت ابراهیم تامانیدن اویوتیلگن لیگی و حضرت ابراهیم نینگ قتیق اویوتیش نی ملائیکه لردن اورگن لیگی دیر. روایتگه کوره، ملائیکه لر حضرت ابراهیم گه سوت گه چومالی اویه سی توپراغی قوشیب اره لشتیریشی اورگتگندی. شونده ی بولیب ایلک قتیق بو شکلده اویوتیلیب یوزه گه چیققندی. بو دینی حکایه نی توغری بولیش احتمالینی کوزگه توتیب محققلر بیر تحقیق اوتکزگن و سوتگه چومالی اویه سی توپراغی قوشیب اره لشتیرگنلر و سوت نینگ اویوگن لیگی کوریلگن دیر. بونینگ علمی تامانی ایسه چومالیلرنینگ بارگن جایلردن آلگن باکتریلرنی اویه لریگه تشیب کیلتیریشلری دیر. شونده ی بولیب اویه لریده گی توپراق باکتری جهتیدن جوده بای دیر. سوت نینگ مایه لنیب قتیق قیلیش اوچون کیره ک بولگن نرسه باکتری دیر.
آلیب باریلگن علمی تحقیقلر و ارکیولوژیک قازوولر ایسه قتیق نینگ ایلک کشف ایتگن نینگ کوچی تورکلر بولگن لیگی انیقلنگن دیر. اینیقسه اورته آسیاده اورین آلگن قبرستانلرده ایچیده قتیق بولگن تباق و حیوان تیریلری بولگن لیگی بو ادعانی تایید ایتماقده دیر. بوگوندن مینگلب ییل آلدین یشه گن ایلک تورک قوملری نینگ آذیقلنیش منبعی حیوانچیلیک، سوت و سوتدن قولگه کیریتیلگن محصوللردیر. حیوانلردن قولگه کیریتیلگن ایسّیق سوت نینگ سقلنیشی اوچون حیوان تیریسیدن توزه تیلگن میشلرگه قوییلماقده ایدی. سوت قیسقه مدت ایچیده مصرف قیلینگنده بوزولمه یدی بیراق حیوان تیریسی نینگ ایچ تامانیده باکتری بولگن لیگی طفیلی سوت بیر مدت کیین اویوییب تصادفاً قتیق بولیب قالردی. کوپلب بیلیم آدمی قتیق نینگ بو شکلده تصادفاً یوزه گه چیققن لیگی معلوم قیله دی. بوگونگی کونده اناطولیده گی مزه لی قتیق و پنیرنینگ کوپراق قوی ویا اوچکی تیریسی نینگ ایچی گه تشلنگن سوت نینگ طبیعی حالده اویوتیلیشی نتیجه سیده قولگه کیریتیلگن لیگینی ایسدن چیقرمسلیک کیره ک.
خوف بیر عادت بولیب قالگن اوقات نینگ یانیده قتیق ییش ویا چلاب – عیران ایچیش هم اورته شرق دشتلریدن بوگونگه قالگن بیر مدنیت دیر. اسپلاق قاله ویرسه کوپلب اوقات نینگ یانیده قتیق و چلاب مصرف بولماقده. شونده ی بولیب تورک کبابی نینگ یانیده هم قتیق و چلاب کبی سوت محصوللری استفاده بولماقده. شونده ی بولیب قتیق – چلاب اوقاتلرنینگ ایچیده گی ضررلی نرسه لرنی وجوددن آتیشی گه یاردمچی بوله دی.
