تورکیه بیلن عراق اورته سیده گی مناسبتلر و انرژی مسئله سی

تورکیه و عراق اورته سیده گی مناسبت لر ایکّی تامانلمه سفر لر بیلن سونگّی پیتلرده انچه یخشی بولیب قالدی.  مناسبت لر بغدادده بولیب اوتگن 3 تامانلمه ییغیلیش بیلن ینگی بیر بُعد کسب ایتدی.  بیر نیچه کون آلدین تورکیه جمهوریتی تشقی ایشلر وزیری خاقان فیدان, ملی مدافعه وزیری یاش گولر و ملی استخبارات اداره سی باشلیغی ابراهیم قلین عراققه تشریف بویوردی.  اوشبو کیشی لر عراقده کسبداش لری بیلن اوچره شدی. 

ییغیلیش آرتیدن ترقه تیلگن اورتاق بیلدیروده, تورکیه جمهوریتی جمهوررئیسی رجب طیب اردوغان نینگ هم رمضان آیی دن کیین عراققه تشریف بویوره دیگن لیگی بیلدیریلدی. 

اورتاق بیلدیروده, تروریزم گه قرشی کوره ش موضوعی گه کینگ اورین اجره تیلدی.  لیکن گپ فقط گینه بوندن عبارت ایمس ایدی.  انقره بیلن بغداد اورته سیده گی همکارلیک نینگ رسمی بیر شکلده بولیشی کیره ک ایکن لیگی توغریسیده همفکرلیک بیلدیریلدی. 

مذکور بیلدیروده, قوییده گیچه قید ایتیلدی:

"ایکله اولکه اورته سیده گی مناسبت لرنینگ فرقلی ساحه لر بوییچه بیر چوکات تشکیل ایتیش و شونده ی قیلیب منظم تماس میکانیزم لری اورنه تیش مقصدی بیلن بیر کیلیشوو حقیده ایشلر نینگ جدللشتیریلیشی گه قرار قیلیندی.

تورکیه جمهوریتی و عراق جمهوریتی, مناسبت لر اوچون ستراتیژیک بیر چوکات تشکیل ایتیلیشی فکری بیلن تیارله یدیگن بو متن دایره سیده, ایکله اولکه مسئول لری نینگ همکارلیکده و منظم روشده نتیجه گه اهمیت بیریله دیگن بیر شکلده ایش آلیب باریش لری خصوصیده کیلیشیلیب آلیندی. 

اوشبو دایره ده, تروریزم گه قرشی کوره ش, تجارت, ایکینچیلیک, انرژی, سوو, ساغلیق و ترانسپورت ساحه لری بوییچه ایشله یدیگن اورتاق دایمی کمیته لرنینگ قوریلیشی گه قرار قیلیندی."

بوگون اوشبو ینگیلیکلر دایره سیده تورکیه- عراق مناسبت لری نینگ انرژی بُعدی حقیده کینگ کولملی اوله راق سوز یوریته میز.  ینگی همکارلیک تشبث لری نینگ محتواسی نی یقیندن کوزه ته میز. 

عراق, سونگّی پیتده اینیقسه تورکیه بیلن بوله دیگن ینگی بیر پروژه گه کتته اهمیت بیرماقده: "فاو بندری و رواجله نیش یولی پروژه سی"

رواجله نیش یولی پروژه سی دایره سیده, بیر مینگ 2 یوز کیلومترلیک بیر تیمیریولی و موتر یولی نینگ قوریلیشی ریجه لنماقده. 

شونده ی قیلیب تورکیه نینگ اسکندرون بندری بیلن بصره کورفزی ده گی فاو بندری تیمیر یولی و همده موتر یولی آرقه لی بیر بیر لری بیلن ارتباط قورگن بوله دی. 

اوشبو پروژه, اروپا اتفاقی دن, کورفز منطقه سی اولکه لری گه قدر انچه کینگ بیر ساحه گه تاثیر قالدیره دی. 

عراق دن تشقری, کورفز اولکه لری گازی نینگ اروپا گه انتقال ایتدیریلیشی ینه ده قیسقه راق بیر مدت گه دوام ایته دی و انچه ارزان بوله دی.  شونده ی قیلیب تورکیه نینگ انرژی مرکزی بولیش پلانی گه هم کتته حصه قوشه دی. 

تورکیه, عراق نینگ انرژی منبع لری نینگ دنیا بازار لری گه ییتکزیب بیریلیشی بوییچه بوندن هم کوپراق فعال رول اوینه یدی. 

عینی دمده رواجله نیش یولی پروژه سی, قیزیل دینگیزده یوز بیریاتگن ینگیلیکلر و کیمه سانی نینگ بویوک مقیاسده آزه ییب کیتیشی آرتیدن سویس کانالی گه هم کتته رقیب بوله دی. 

جمهوررئیس رجب طیب اردوغان نینگ بغداد سفری بیلن بیرگه, اوشبو پروژه توغریسیده مهم قدم لرنینگ تشله نیشی ریجه لنماقده. 

عراق نینگ انیقلنگن پطرول ذخیره لری نینگ تقریباً 145 میلیارد بیرل ایکن لیگی تخمین ایتیلماقده. 

دیمک دنیا پطرول ذخیره سی نینگ 8 فایزی اوشبو اولکه ده موجود.  عراق پطرولی, تولید مصرفی و کیفیتی جهتی دن هم دنیا نینگ اینگ ارزان پطرول لری دن بیری نی تشکیل ایتماقده. 

جمهوررئیس اردوغان نینگ عراققه تشریفی بیلن بیرگه عینی دمده, اوتگن اپریل آییده توخته تیلگن عراق- تورکیه خام پطرول قووری نینگ قیته دن ایشله ی باشله شی هم ریجه لنماقده. 

کرکوک یومورتالیک خام پطرول قووری ییللیق 70 میلیون بیرل دن آرتیق پطرول انتقال ایتدیریش ظرفیتی گه ایگه.  کیله جکده, اوشبو قوور نینگ ظرفیتی نینگ آرتیریلیشی هم بحث موضوعی. 

رواجله نیش یولی پروژه سی بیلن بیرگه, ینگی انرژی انتقال ایتدیریش قوور لری نینگ قوریلیشی نینگ بحث موضوعی بولگن لیگی بیلدیریلماقده. 

تورکیه بیلن عراق اورته سیده گی تجارت حجمی ییللیق تقریباً 25 میلیارد دالر دن عبارت.  تامان لر آره سیده گی کونساین آرتیب باریاتگن دیالوگ نتیجه سیده, تجارت حجمی نینگ هم آرتیریلیشی هدف قیلیب آلینماقده.