انرژی بوییچه ینگی یوللر

تورکیه, پطرول و طبیعی گاز ذخیر لری جهتی دن بای اورته شرق و خزر منطقه سی اولکه لری بیلن انرژی منبع لری دن جوده کوپ فایده له نیلیاتگن اروپا اولکه لری اورته سیده اوته مهم بیر موقعیت گه ایگه.  اروپا بیلن آسیا اورته سیده کوپریک بولگن تورکیه, طبیعی گاز قوور لری بیلن هم مهم بیر اولکه دن عبارت.  7 خلق ارا طبیعی گاز قووری بیلن 2 بین المللی پطرول قووری تورکیه دن اوتماقده.  کیلگوسیده اوشبو رقم نینگ آرتیب کیتیشی و همده قوور لرده گی ظرفیت نینگ آرتیریلیشی کوتیلماقده. 

اوکراین بیلن روسیه اورته سیده گی اوروش بیلن بیرگه اروپا گه طبیعی گاز انتقال ایتدیریلیشی نینگ مهم مقیاسده آزه یگن لیگی تورکیه نینگ اهمیتی نی ینه ده آرتیردی.

اوشبو پروژه لردن اینگ مهم لری, آذربایجان بیلن آلیب باریلیاتگن تاناپ و روسیه دن انادولو گه کیلگن ماوی آقیم و تورک آقیم قوور لری دن عبارت. 

خوب خوددی شوو قوور لرنینگ جزئیاتی قنده ی؟

غرب قووری (روسیه – تورکیه طبیعی گاز قووری)

توپلم 845 کیلومتر اوزونلیکده گی اوشبو قوور,  بلغاریا چیگره سیده مالکوچ لردن اوتیب انقره گه کیلماقده.  قوور, میلادی 1993- ییلده اعظمی مقدار بولگن 6 میلیارد متر مکعب گه ییتدی. 

ماوی آقیم (روسیه- سامسون- انقره طبیعی گاز قووری)

میلادی 2003- ییلده فایده له نیله باشلنگن ماوی آقیم پروژه سی نینگ تورکیه توپراق لریده گی بولیمی سامسون دن باشلب آماسیا, چوروم و قیریق قلعه آرقه لی انقره گه ییتیب کیلماقده.

ماوی آقیم طبیعی گاز قووری بیلن, ییللیق 16 میلیارد متر مکعب طبیعی گاز تورکیه گه کیلتیریلماقده. 

تورک آقیم قووری

اوشبو قوور میلادی 2020- ییل 8- جنوریده آچیلدی... تورک آقیمده, هر بیریده 15,75 میلیارد متر مکعب بولگن توپلم 31,50 میلیارد متر مکعب گاز انتقال ایتدیریش ظرفیتی گه ایگه ایکّی قوور موجود.  15,75 میلیارد متر مکعب لیک قوور  تورکیه نینگ, قالگن 15,75 میلیارد متر مکعب لیک قوور ایسه اروپا نینگ ضرورت لرینی تامین ایتماقده. 

تاناپ آذربایجان- تورکیه طبیعی گاز قووری

آذربایجان شاه دینگیز 1 ساحه سیده تولید ایتیله دیگن طبیعی گاز نینگ گرجستان آرقه لی تورکیه گه انتقال ایتدیریلیشی مقصدی گه ایگه آذربایجان- تورکیه طبیعی گاز قووری, میلادی 2007- ییلده فعالیت گه باشله دی. 

تاناپ نینگ گرجستان- تورکیه چیگره سیدن ایسکی شهر ده اورین آلگن چیقیش نقطه سی گه قدر بولگن بولیمی میلادی 2018- ییل 30- جون کونی فعالیت گه باشلرایکن, ایسکی شهر دن تورکیه- یونان چیگره سی گه قدر بولگن قسمی ایسه میلادی 2019- ییل اوکتوبر آیی نینگ سونگّیده ایش گه باشله دی.  اروپا ده گی مرکز لرنینگ فعالیت گه باشله شی بیلن بیرگه میلادی 2020- ییل 31- دسامبردن باشلب تاپ قووری آرقه لی اروپا گه تجاری گاز آقیشی باشله دی. 

اوشبو قوور آرقه لی تورکیه گه ییللیق تقریباً 6 میلیارد متر مکعب, اروپا گه ایسه 12 میلیارد متر مکعب طبیعی گاز یوباریلماقده. 

قوور نینگ انتقال ایتدیریش ظرفیتی نینگ باسقیچ مه باسقیچ آلدین 24 کیین ایسه 31 میلیارد متر مکعب گه آرتیریلیشی هدف قیلیب آلینماقده. 

ایران تورکیه طبیعی گاز قووری

اوشبو قوور آرقه لی ایران و شرقده گی منبع لردن آلینگن طبیعی گاز نینگ انتقال ایتدیریلیشی هدف قیلیب آلینگن.  میلادی 2001- ییل نینگ سونگّیده فعالیت گه باشله گن تقریباً 1,491 کیلومتر اوزونلیککه ایگه شرقی انادولو طبیعی گاز اساسی انتقال قووری نینگ ییللیق ظرفیتی 10 میلیارد متر مکعب دن عبارت.  لیکن تهران دن کیلیب چیقیاتگن ایریم ینگیلیک لر سببلی اوشبو ظرفیت کوپینچه تکمیل بوله آلمه یدی. 

تورکیه, کیلگوسیده قوور لرنینگ ظرفیتی نی آرتیریش و همده طبیعی گاز پطرول بازار لریده سوز ایگه سی بولگن بیر اولکه بولیش نی هدف قیلیب آلماقده. 

شوباعث تراکیا ده بیر طبیعی گاز مرکزی نینگ قوریلیشی ریجه لنماقده.  روسیه بیلن اورتاق آلیب باریله دیگن بو پروژه دن تشقری, قوور لر بیلن پطرول انتقال ایتدیریش شرکتی دن عبارت بوتاش تامانیدن هم تورکیه گه قوور لر آرقه لی کیلتیریلگن طبیعی گاز نینگ ساتیلیشی بیلن علاقه لی قانونی ایش لر تکمیل بولدی. 

شوباعث انقره, جنوب ده گی قوشنی لریدن تشقری, اینیقسه اورته آسیاده گی تورک اولکه لر گه هم اهمیت بیره باشله دی. 

تورکمنستان طبیعی گازی نینگ, تاناپ و تاپ قوور لری واسطه سی بیلن تورکیه آرقه لی اروپا گه ساتیلیشی بیلن علاقه لی ایلک حجت تورکیه و تورکمنستان تامانیدن امضالندی.  اورته آسیاده گی تورک دولت لری بیلن انرژی ساحه سی بوییچه ینگی کیلیشوو لرنینگ هم امضاله نیشی نینگ کوتیلیاتگن لیگی بیلدیریلماقده. 

تورک کینگشی اولکه لری نینگ هایدروکاربن ظرفیتی جوده جدی سویه ده...

تورکمنستان

تورکمنستان ییر نینگ تگیده گی منبع لری جهتی دن انچه بای بیر اولکه دن عبارت...تورکمنستان نینگ 15 تریلیون متر مکعب بیلن اینگ کوپ طبیعی گاز ذخیره سی گه ایگه 4- اولکه ایکن لیگی اویلنماقده.  اوشبو اولکه ییللیق تقریباً 100 میلیارد متر مکعب گاز تولید ایتماقده.  طبیعی گازی نی صادر قیلیش اوچون کینگیش بیر گاز قووری ترماغی گه ایگه بولگن تورکمنستان, میلادی 2009- ییلده آچیلگن تورکمنستان- اوزبیکستان- قزاقستان- چین قووری آرقه لی ییللیق تقریباً 40 میلیارد متر مکعب طبیعی گاز ساتیب حاضرگی کونده چین نینگ اینگ کوپ گاز آلیاتگن جغرافیه گه ایلنگن وضعیتده...

اوزبیکستان

اوشبو اولکه توپراق لری نینگ 60 فایزی گه ترقه لگن پطرول و طبیعی گاز کان لری, 5 فرقلی منطقه ده 78 قودوق دن چیقریلگن پطرول و گاز بیلن اولکه اقتصادیده کینگ بیر حصه گه ایگه.  92 قودوقده برمه کارلیک ایشلری نینگ موجود بولگن اوزبیکستانده توپلم پطرول ذخیره سی نینگ تقریباً 5 میلیارد 300 مینگ تن و طبیعی گاز ذخیره سی نینگ ایسه 5 تریلیون 95 میلیارد متر مکعب ایکن لیگی بیلدیریلماقده...

قزاقستان

اوشبو اولکه ده توپلم 5 میلیارد تن دن آرتیق پطرول ذخیره سی موجود.  اوشبو ذخیر لرنینگ 75 فایزی کاشاگان, قاره چاغاناق و تینگیز پطرول ساحه لریده اورین آلماقده. قزاقستان طبیعی گاز ذخیر لری نینگ هم 3 تریلیون متر مکعب ایکن لیگی بیلدیریلماقده.