غزه ده باله لر و چقلاقلر آچلیکدن اولماقده

غزه ده باله لر و چقلاقلر آچلیکدن اولماقده

حماس و ایریم فلسطینلیک مقاومت گروپلری تامانیدن اسرائیل گه قرته باشله تیلگن اقصی طوفانی عملیاتی نینگ آرتیدن اسرائیل نینگ غزه ده گی اشغالی دوام ایترکن، ایککی یرم میلیون انسان نینگ یشه یاتگن 360 کیلومتر مربعلیک ساحه تورلی شکلده محاصره آستیگه آلینگن وضعیتده. اسرائیل هوادن و ییردن هدف قیلیب آلماقده و بیلیب تینچ اهالینی قتل قیلماقده. منطقه گه یاردملرنینگ کیریشی گه توسیق بولماقده، انسانلر اینیقسه باله لر و چقلاقلر آچلیکدن اولماقده. دنیا ایسه فقط تماشا قیلیشماقده.

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.

اسرائیل نینگ غزه ده گی اشغالی دوام ایتماقده. شهرنینگ 80 فایزی ییقیلیب کیتگن وضعیتده. قریب ایککی یرم میلیون انسان نینگ یشه یاتگن 360 کیلومتر مربعلیک ساحه تورلی شکلده محاصره آستیگه آلینگن وضعیتده. اسرائیل هوادن و ییردن هدف قیلیب آلماقده و بیلیب تینچ اهالینی قتل قیلماقده. منطقه گه یاردملرنینگ کیریشی گه توسیق بولماقده. اینیقسه شمال غزه ده تیقیشیب قالگن تینچ اهالی آچلیک یشرکن، بیرلشگن ملتلر تشکیلاتی نینگ راپوریگه کوره کوپلب باله و چقلاق آچلیک و سووسیزلیکدن حیاتینی یوقاتگن وضعیتده. اون مینگلب تینچ اهالی بیلیب بمباردمانلر بیلن قتل قیلینگن خوددی شو منطقه ده ایندی انسانلر آذیق – اوقات و سوو تاپالمه یشی طفیلی حیاتینی یوقاتماقده. بولرنی دنیا ایسه فقط تماشا قیلیشماقده. امریکا قوشمه ایالتلری قاله ویرسه غرب اولکه لری وضعیت نی قوتقریش اوچون تورلی بیانات بیریب حرکت قیلسه ده اسرائیل نینگ اشغالینی هم سیاسی اوله راق همده عسکری اوله راق قوللب – قوتله ماقده لر. اینیقسه امریکا قوشمه ایالتلری هوا کوپریگی قوروب هر کون اسرائیل گه عسکری مهمات ییتکیزیب بیرماقده. بیرلشگن ملتلر تشکیلاتی کبی باشقرمه لر هم اسرائیل گه قرشی اورین آلیش گه دوام ایتماقده. بایدن بیاناتلر بیلن ناتانیاهودن آتشکیس طلب قیلسه ده عملده اسرائیل گه یاردم بیریش گه دوام ایتماقده.

غزه ده یوزبیرگن قیرغینلر، باله و چقلاقلرنینگ ایندی آچلیکدن و سووسیزلیکدن اولیش درجه سیگه ییتگن. اسرائیل نی قوللب – قوتله گن غرب عالمی البته کی برچه بو جرملرگه شریک. غرب ده گلوبال وجدان حرکتی نینگ پارچه سی بولمیش انچه انسان بار، بولر سیس چیقریشدن، حرکتلر اویوشتیریشدن قول تارتمه یدیلر. بیراق دولتلر سطحیده اوزگریش یوزق.

ناتانیاهونینگ اوروش کابینه سی حماس نی حربی یول بیلن یوق قیلیشینی بیله دی، شو اوچون اصل هدف اوله راق حماس نی ایمس غزه نی یوق قیلیب تشلش، تینچ اهالینی قتل قیلیش و انسانلرنی سینا یریم آرالی گه بدرغه قیلیش. تورکیه و جنوبی افریقا کبی اولکه لر بونی بیلیب قوللریدن کیلگن قیلیش و اسرائیل گه قرشی بیر وجدان ائتلافی ایجاد ایتیش اورونیشده دیر. بیراق نی اسلام اولکه لری نی ده ایریم اولکه لر اسرائیل گه قرشی تهدید ایتووچی آدیملر آتمه یدی. شونده ی بولیب غزه ده گی تینچ اهالی، باله و چقلاقلر زیان کورماقده.

ایران نی بیر قوس ایچیده آلیش کیره ک. ایران و وکیل عنصرلری حزب الله بیلن حوثیلر کیچیک قوتلی اوله راق اسرائیل گه قره ته بیر حربی حرکت عملی قیلماقده. حوثیلرنینگ قیزیل دینگیز و باب المندب نی کیسیشلری جوده اهمیت گه سزاوار. بیراق اسرائیل نی قورقیتیش ده فقط بو ییتمه یدی. اینیقسه حزب الله اوروش نینگ باشیده جوده کوچلی حرکت ایتیب بیر اشغال باشله گن تقدیرده بار کوچیمیز بیلن اسرائیل گه قرشی اوروشه میز دیگنینی عملی قیلالمه ی کوتیلگندن قوییده قالدی. البته امریکا قوشمه ایالتلری نینگ منطقه ده یراتگن عسکری موجودیتی و تهدیدلری هم تاثیر قالدیرگن دیر.

نتیجه ده اسلام اولکه لری نی دیپلوماتیک، نی سیاسی نی ده عسکری اوله راق اسرائیل نی قورقیتووچی ظرفیتده بیر حرکت گه اوته آلمه دیلر. غربی اولکه لر ایسه قاله ویره امریکا قوشمه ایالتلری و انگلستان، اسرائیل نینگ قیرغینلریگه اورتاق بوله دیگن روشده عسکری و سیاسی کمک بیریش گه دوام ایتماقده.          

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.