ژئوترمال انرژی سکتوری رواجلنماقده

ژئوترمال انرژی, ییر نینگ یقین طبقه لریده گی ماگما دن, سوو, بخار و ایسسیق قایه لردن تامین ایتیله دیگن و دنیا باریچه استفاده ایتیله آله دیگن بیر انرژی توری دن عبارت...

هوا شرایطی گه قره مسدن ژئوترمال انرژی منبع لری هفته نینگ 7 کونی 24 ساعت برق تولید ایتیش ظرفیتی گه ایگه. 

برق تولیدی ایسه ژئوترمال ساحه لرده قازیلگن قودوق لردن بخار و سوو اوله راق اجره تیلیشی آرتیدن توربین و جنراتور دن فایده له نیلیب عملگه آشیریلماقده. 

دوام ایتدیریله آله دیگن, ایشانرلی و اطراف- محیط دوستی ایکن لیگی باعث خلق ارا مقیاسده ژئوترمال انرژی گه کتته اهمیت بیریله باشلندی. 

تورکیه میلادی 2023- ییلده برق تولیدیده 36,3 فایز کومیردن, 21,4 فایز طبیعی گاز دن, 19,6 فایز هایدرولیک انرژی دن, 10,4 فایز شمالدن, 5,7 فایز قویاش دن, 3,4 فایز ژئوترمال انرژی دن و 3,2 فایز ایسه باشقه منبع لر دن استفاده ایتدی. 

تورکیه ژئولوژیک و جغرافی جهت دن فعال بیر تکتونیک نقطه ده جایلشگن لیگی باعث ژئوترمال اوله راق دنیا نینگ بای اولکه لری قطاریده اورین آلگن وضعیتده.  تورکیه نینگ فرقلی جای لریده بولگن تقریباً بیر مینگ ژئوترمال موجود. 

تورکیه حاضرگی کونده ژئوترمال ظرفیتی جهتی دن اروپا نینگ بیرینچی اولکه سی ایکن, قوریلگن کوچی نقطه نظری دن ایسه دنیا ده 4- اورین نی ایگلله ماقده...

ژئوترمال انرژی دن برق تولیدی بوییچه ایلک بیش اولکه؛ امریکا قوشمه ایالتلری, اندونزیا, فلیپین, تورکیه و ینگی زیلاند دن عبارت. 

تورکیه میلادی 2030- ییل گه کیلیب تولیداتی نی 4 قَوتگه آرتیررایکن, انرژی ضرورتی نینگ تقریباً 10 فایزی نی ژئوترمال منبع لردن قولگه کیریتیب اوشبو کتگوریده دنیا ده بیرینچی اورین نی ایگللش نی هدف قیلیب آلگن وضعیتده. 

تورکیه نینگ ژئوترمال ظرفیتی نینگ هم انچه یوقاری ایکن لیگی بیلدیریلماقده. 

اوشبو توغریده ظرفیت ایگه سی بولگن ساحه لرنینگ 78 فایزی غربی انادولو, 9 فایزی ایچکی انادولو, 7 فایزی مرمره منطقه سی, 5 فایزی شرقی انادولو و 1 فایزی ایسه باشقه منطقه لرده اورین آلماقده. 

ژئوترمال منبع لرنینگ 90 فایزی پس و اورته ایسسیق لیق صنفی ده اورین آلماقده.  شوباعث ایسیتیش, ترمال توریزم و صنایع ده فایده له نیلماقده. 

بولردن 10 فایزلیک بولیمی ایسه برق تولیدیده استفاده ایتیلماقده. 

تورکیه ده ژئوترمال انرژی دن ایلک برق تولیدی میلادی 1975- ییلده 0,5 میگاوات کوچ گه ایگه قیزیل دره سنترالی بیلن باشله دی. 

میلادی 1990- ییلدن 2004- ییل گه قدر آلیب باریلگن سیاست لر سببلی تقریباً توختب قالگن ژئوترمال انرژی بوییچه ایش لر میلادی 2005- ییلدن کیین قیدیریش فعالیت لری نینگ آرتیریلیشی بیلن تیزلشتیریلدی.  برمه لی ژئوترمال انرژی قیدیریش لری 2000 متر دن 28000 متر گه قدر کوپه یتیریله باشلندی. 

ژئوترمال انرژی قیدیریش بوییچه معدن تدقیق باشقرمه سی گه اجره تیلگن بودیجه هم 10 قَوَتگه آرتیریلدی. 

میلادی 2023- ییل نینگ باشیده فرقلی منبع تور لری نینگ تامین ایتیلیشی بیلن بیرگه برق تولیدی بیر مینگ 686 میگاوات گه ییتدی.

عینی دمده, 150 مینگ دن آرتیق اوی ژئوترمال انرژی دن فایده له نیلیب ایسیتیلماقده. 

تورکیه نینگ احتمالی ژئوترمال ایسسیق لیق ظرفیتی 4500 میگاوات اوله راق تخمین ایتیلماقده.