خارجی تیل اورگه نیش

بوگون خارجی بیر تیل نی اورگه نیش حقیده بحث ایته میز عزیز دوست لر.  تورک تیلیده, "بیر تیل نی بیلگن بیر کیشی, ایکّی تیلنی بیلگن ایسه ایکّی کیشی" دیگن بیر آته سوزی بار. خوددی شوو آته سوزی بیز گه همه گپ نی خلاصه قیلیب بیرماقده اصلی گه قره گنده.  20- عصر نینگ دستلبکی ییللریده ویتگنشتاین, "تیلیم نینگ چیگره لری دنیام نینگ چیگره لری دیر" دیگن ایدی.  شونده ی قیلیب ویتگنشتاین, اویلش نینگ حدودی نی انیقلش گه حرکت قیلماقده ایدی.  گپیریلگن هر نرسه اویلش نینگ محصولی ایکن لیگی دیک, اویلنگن نرسه نی توشینتیریب بیره آلیش هم تیل بیلن علاقه لی ایدی...حیات طرز لری یاکه واقعه لرنی فرقلی تیللرده توشینتیریب بیره آلیش نینگ دنیا نینگ چیگره لرینی قنچه لیک رواجلنتیره آلیشی نینگ ممکن ایکن لیگی حاضرگی کونده انیق کورینیب تورگن وضعیتده. 

بیر انسان نینگ اوز تیلی, اونینگ اورگنمه گن, لیکن کسب ایتگن بیر نرسه دن عبارت.  چقه لاق لر تیل نی اورگنمه یدی لیکن کسب ایته دی لر.  اوز تیلی میز بیلن دنیا نی تانیب, یقین تیگره میز بیلن ارتباط قوره میز.  هر قنده ی بیر جانلی کبی یشه شی میز اوچون شرایط تامین ایتیب بیره دیگن اوشبو خصوصیت مدنیت نینگ حاضرگی کونده ییتیب کیلگن نقطه ده, ینه بوگون نینگ تیلی بیلن ایتگنده بعضی ینگیلیک لر گه احتیاج حس ایته دی. 

حاضرگی کونده خواهلنگن وقت ده دنیا نینگ هر قنده ی بیر نقطه سی بیلن ارتباط قوریشی میز ممکن.  هر ثانیه میلیونلب محتوا دنیا ده کینگ ترقه لیب بارماقده.  یوز ییل آلدین فرانسوی اینگ مهم تیل اوله راق قبول قیلینرایکن, حاضرگی کونده ایسه انگلیس تیلی نینگ خلق ارا تیل ایکن لیگی انیق.  حاضر دنیا ده قنده ی ینگیلیک لرنینگ یوز بیریاتگن لیگینی کوزه تیش انچه قولای.  انترنت آرقه لی دنیا ده گی برچه ینگیلیکلرنی کوزه تیشی میز ممکن.  باله لیکدناق خارجی تیل اورگه نه باشلش نینگ ذهنی و فزیولوژیک فایده لری نینگ موجود ایکن لیگی قیلینگن تدقیقات لر نتیجه سیده انیقلنگن وضعیتده. 

دنیا ده گی ینگلیک لر نینگ کوزه تیلیشی اوچون خارجی تیل ایمس بلکه تیللرنی اورگه نیشی میز نینگ ضروری بولگن اوشبو کون لرنی یخشی بهالنتیریش امیدی بیلن...