هسته ای کوچ و انرژی خوفسیزلیگی

هسته ای انرژی, اینیقسه محدود مقدارده طبیعی گاز گه ایگه بولگن اولکه لر جهتی دن جوده کتته اهمیت گه ایگه.  روسیه بیلن اوکراین اورته سیده بولگن اوروش اوشبو حقیقت نی کورسه تیب بیردی.  کوپلب اولکه لر یاپیب قوییش گه حرکت قیلیاتگن پیتده هسته ای سنترال لری نینگ فعالیتی مدتی نی تمدید قیلدی.  بوگون هسته ای کوچ نینگ انرژی امنیتی گه قالدیره دیگن تاثیری حقیده سوز یوریته میز عزیز دوستلر.

تورکیه هم, هسته ای تکنالوژی گه ایگه بولگن اولکه لر قطاریده اورین آلیش اوچون سعی و حرکت قیلماقده. تورکیه نینگ آق قویو هسته ای کوچ سنترالی نینگ دستلبکی ریکتوری دن اوکتوبر آییدن باشلب استفاده ایتیلیشی ریجه لنماقده. 

اوشبو مرکز, قوریلیش ایشلری نینگ تکمیل بولیشی آرتیدن, میلادی 2023- ییل 23- اپریل کونی سنترال گه یاقیلغی جهاز لری نینگ کیلتیریلیشی بیلن هسته ای مرکز خصوصیتی گه ایگه بولدی. 

مرکز 1200 میگاوات ظرفیت گه ایگه 4 ریکتور دن تشکیل تاپماقده.  آق قویو هسته ای سنترالی نینگ میلادی 2026- ییلده بوتونله ی فعالیت گه باشله شی ریجه لنماقده. 

اوشبو سنترال, بوتونله ی فعالیت گه باشله شی بیلن بیرگه ییلده تقریباً 35 میلیارد کیلوات ساعت برق تولید قیله آله دی.  آق قویو هسته ای کوچ سنترالی, تورکیه نینگ انرژی ضرورتی نینگ 10 فایزی نی تامین ایتیب بیره دی.  لیکن آق قویو تورکیه نینگ بیرته گینه هسته ای کوچ سنترالی دن عبارت بولمه یدی البته که.  قیسقه بیر مدت کیین بیری سینوپ و باشقه سی ایسه تراکیا ده بوله دیگن شکلده ینه 2 ینگی هسته ای مرکز نینگ تهدابی نینگ قوییلیشی کوتیلماقده. 

هسته ای سنترال لر اویلنگن لیگی دیک ایسسیق خانه گاز لرینی ترقه تمه یدی.  شوباعث خلق ارا مقیاسده هسته ای ریکتور لر نینگ سانی نینگ آرتیریلیشی بیلن ایسسیق خانه گاز لری نینگ ترقه لیشی نینگ ییللیق توپلم 17 فایز گه آزه یتیریلیشی ریجه لنماقده. 

میلادی 1970- ییلده گی پطرول بحرانی آرتیدن هسته ای سنترال لرنینگ قوریلیشی ایشلری تیزله شیب کیتدی. پطرول و باشقه هایدروکاربن منبع لری گه ایگه بولمه گن اولکه لر, انرژی بوییچه ضرورت لری نی تامین ایتیش اوچون هسته ای سنترال لر گه اهمیت بیره باشله دی. 

حاضرگی کونده,32 اولکه ده 441 هسته ای ریکتور دن استفاده ایتیلرایکن, 17 اولکه ده ایسه 53 هسته ای ریکتور قوریلماقده.  هسته ای سنترال لر ده تولید ایتیلیاتگن برق دنیا ده گی برق نینگ تقریباً 10 فایزی نی تشکیل ایتماقده. 

فرانسه برقی نینگ 70 فایزدن آرتیق بیر قسمی نی و اوکراین, سویدن, بلجیم, اروپا اتفاقی, جنوبی کوریا و امریکا قوشمه ایالتلری تقریباً 51, 30, 40, 26, 30 و 20 فایزی نی هسته ای انرژی دن تامین ایتماقده. 

دنیا ده هسته ای انرژی دن اینگ کوپ فایده له نیاتگن اولکه لر امریکا قوشمه ایالتلری, فرانسه, چین, جاپان و روسیه دن عبارت. 

خوب هسته ای کوچ دن فایده له نیش جهتی دن جوده یخشی وضعیتده بولگن اولکه لرده نیچه ته ریکتور بار؟ قنچه انرژی تولید ایتماقده؟

امریکا قوشمه ایالتلری

اوشبو اولکه ده 92 فعال ریکتور برق ضرورتی نینگ 20 فایزی نی تامین ایتماقده.  حاضرگی کونده ایکی ریکتور نینگ قوریلیشی بوییچه ایش دوام ایتماقده. 

فرانسه

فرانسه ده, برق تولیدی نینگ 70 فایزی 56 هسته ای ریکتور دن فایده له نیلیب قیلینماقده.  فرانسه انرژی شرکتی دن عبارت ای دی اف قیش آیلریده ینه ده کوپراق ریکتور نینگ فعال بولیشی اوچون ایشلری نی تیزلشتیردی.  جمهوررئیس امانوئل مکرون 14 ینگی هسته ای ریکتور قوریش نی ریجه لیاتگن لیکلرینی بیلدیردی. 

چین

چین, برق ضرورتی نینگ 5 فایزی نی فعال وضعیتده گی 54 هسته ای ریکتور آرقه لی تامین ایتماقده.  حاضرگی کونده 22 ریکتور نینگ قوریلیش ایشلری دوام ایتماقده.  عینی دمده چین نینگ پلانله نیشی نی تصدیق له گن ینه 38 ریکتور موجود. 

چین, میلادی 2025- ییل گه قدر هر ییل 6 الی 8 هسته ای ریکتور قوریش و اوشبو ساحه ده 2030- ییل گه قدر دنیا نینگ اینگ کوپ ظرفیت گه ایگه بولگن اولکه سی بولیش نی هدف قیلیب آلگن وضعیتده. 

اپریل آییده 6 ینگی ریکتور نی تصدیق له گن چین, جاری هفته ده هم 2 هسته ای سنترال گه 4 ینگی ریکتور نینگ قوریلیشی نی تصدیقله دی. 

آلمان

هسته ای سنترال لرنینگ فعالیت لرینی باسقیچ مه باسقیچ توخته تیش نی ریجه له ماقده ایدی.  بیراق روسیه بیلن اوکراین اورته سیده اوروش باشله شی آرتیدن روسیه دن گاز نینگ کیلیشی نینگ توختب قالیشی احتمالی گه قرشی تدبیر آله باشله دی. 

اوتگن ییلده 6 هسته ای ریکتور دن توپلم برق تولیدی نینگ 12 فایزی نی تامین ایتگن ایدی. 

انگلستان

اوشبو اولکه ده 9 هسته ای ریکتور فعالیت کورستماقده.  اوشبو ریکتور لر انگلستان نینگ برق ضرورتی نینگ 15 فایزی نی تامین ایتماقده. 

انرژی بحرانی بیلن بیرگه انگلستان 30 میلیارد سترلین لیک هسته ای پروژه نی تصدیق له دی.   

بلجیم

ایکی هسته ای سنترالده 7 ریکتور ایشله ماقده. هسته ای ریکتور لرنینگ تولید ایتیاتگن برق, اولکه ضرورتی نینگ تقریباً یریمی نی تامین ایتیب بیرماقده. 

انرژی بحرانی بیلن بیرگه آلدین میلادی 2025- ییلده یاپیلیشی ریجه لنگن 2 هسته ای سنترال نینگ فعالیت مدتی 10 ییللیق بیر مدت بیلن تمدید ایتیلدی. 

هالند

حاضرگی کونده بیر ریکتوری بولگن هالند, 2 ینگی هسته ای ریکتور قوریش نی پلانلب باشله دی. 

پولند

پولند 6 ریکتور پلانی بیلن کیچیک مقیاسلی هسته ای ریکتور سرمایه گذارلیک لری بیلن علاقه لی فعالیت گه باشله دی. 

هندوستان

هندوستانده 22 هسته ای ریکتور موجود.  اوشبو اولکه برق ضرورتی نینگ 3 فایزی نی هسته ای امکانیت لردن تامین ایتماقده.  خوددی شوو ییر نینگ اوزیده 8 ریکتور نینگ قوریلیش ایشلری دوام ایتماقده.  هندوستان, هسته ای امکانیت دن فایده له نیب برق تولیدی نی 10 ییلده 3 قَوَتگه آرتیریش نی خواهله ماقده.  12 ینگی ریکتور قوریش نی ریجه له ماقده. 

جاپان

حاضرگی کونده جاپانده فعالیت قیله آله دیگن 33 ریکتور موجود. اوشبو اولکه ده, فعال 7 ریکتور دن تشقری ینه 9 ریکتور نینگ فعالیت گه اوتکزیلیشی گه قرار قیلیندی.  شونده ی قیلیب خوددی شوو اولکه برق ضرورتی نینگ 10 فایزی نی هسته ای امکانیت لردن تامین ایتگن بوله دی. 

جنوبی کوریا

جنوبی کوریاده برق ضرورتی نینگ 28 فایزی هسته ای سنترال لر آرقه لی تامین ایتیلماقده.  اوشبو اولکه ده 25 فعال ریکتور موجود ایکن ینه 3 ریکتور نینگ قوریلیش ایشلری دوام ایتماقده.  جنوبی کوریا میلادی 2030- ییل گه قدر 10 هسته ای سنترال قوریش نی ریجه له ماقده.  شونده ی قیلیب هسته ای انرژی برق تولیدیده 30 فایز حصه قوشگن بوله دی. 

پطرول و طبیعی گاز جهتی دن بای اولکه لر هم برق تولیدیده هسته ای انرژی دن فایده لنماقده.  حاضرگی کونده دنیاده 54 هسته ای ریکتور نینگ قوریلیش ایشلری دوام ایتماقده.  قوریلیاتگن اوشبو هسته ریکتور لرنینگ 11 ته سی چین, 7 ته سی هندوستان, 4 ته سی روسیه, 4 ته سی بیرلشگن عرب امیرلیک لری, 4 ته سی جنوبی کوریا , 2 ته سی امریکا قوشمه ایالتلری و 1 ته سی ایسه فرانسه ده اورین آلماقده.