تورکیه نینگ انرژیده مرکزی بولیش اوچون آتگن آدیملری
برنامه
تورکیه نینگ انرژیده مرکزی بولیش اوچون آتگن آدیملری
انرژیده مرکزی دولت تورکیه
انرژی ساحه سیده مرکزی دولتگه ایلنیش یولیده شیخدم قدم تشله یاتگن تورکیه، خلقارا طبیعی گاز قووور ترماق پروژه لری آرقه لی روسیه، آذربایجان و ایراندن طبیعی گاز ییتکزیب آلماقده.
تورکیه خلق ارا طبیعی گاز پروژه لری بیلن منطقه دهگی انرژی تأمیناتی خوفسیزلیگیگه حصه قوشگن حالده، طبیعی گاز سوداسی عملگه آشیریله دیگن و نرخی بیلگیلنه دیگن مرکز بولیش اوچون سعی - حرکتلرینی دوام ایتتیرماقده.
روسیه نینگ اوز طبیعی گازینی تشقی بازارلرگه صادر قیلیش اوچون تورکیه ده گاز مرکزی تشکیل ایتیش حقیده گی تکلیفی آرتیدن، بو ایشلر بوییچه یول خریطه سی اوچون تیارگرلیکلر دوام ایتماقده.
تورکیه، تراکیا منطقه سیده قوریلیشی ریجه لشتیریلگن طبیعی گاز مرکزی بیلن اروپا نینگ اینگ کتّه گاز ییتکزیب بیرووچیسی و ایشلب چیقرووچی مملکتلرنینگ انرژی صادراتینی آشیریش مرکزی بولیشگه تیارلنماقده.
تراکیاده بونگه مخصوص جای اجره تیش ایشلری یکونلنر ایکن، مقصد بو ییل ایچیده مرکزنی تشکیل ایتیشدیر.
هیئتلر دایمی روشده مسکو- انقره یونه لیشی بوییچه کیلیب – کیته یاتگن بیر پیتده، پروژه نی یکونلش بوییچه ایشلر جدللیک بیلن آلیب باریلماقده.
تورکیه حاضرده توپلم 7 ته خلق ارا طبیعی گاز قووور پایپ لاینی، 4 ته سویوقلشتیریلگن طبیعی گاز (ل ن گ) کارخانه سی، 2 ته سی سوزووچی سقلش و گازلشتیریش قوریلم سی و 2 ته ییر آستی طبیعی گاز ذخیره سی بیلن کوچلی آست قوریش توزیلمه گه ایگه.
خلق ارا پروژه لردن بیری بولگن «تورک آقیمی» روسیه نینگ اناپا شهریدن قیرقلر ایلی نینگ قییکوی حدودیگچه چوزیلگن هر بیری 930 کیلومتر اوزونلیکدهگی ایکّیته دینگیز خطیدن عبارت. خطلردن بیری تورکیه نینگ ملی ترماغیگه اولنر ایکن، ایکّینچیسی تورکیه دن ترانزیت گازنینگ اروپاگه اوتکزیلیشینی تأمینله یدی. هر بیر خط ییلیگه 15،75 میلیارد مکعب متر گازنی تشیش قوّتیگه ایگه..
روسیه دن قاره دینگیز آرقه لی تورکیه گه ییتیب کیلگن «ماوی آقیم» طبیعی گاز پایپ لاین ییلیگه 16 میلیارد مکعب متر گاز ییتکزیب بیره دی..
آذربایجان گازینی تورکیه آرقه لی اروپاگه آلیب باره دیگن «ترانس-اناطولی» طبیعی گاز قووور پایپ لاین (تناپ) حاضرده ییلیگه 16 میلیارد متر مکعب، تورکیه گه 6 میلیارد مکعب متر و اروپاگه 10 میلیارد مکعب متر گاز ییتکزیب بیره دی.
حاضرده اوشبو خط نینگ قوّتینی 32 میلیارد مکعب مترگچه آشیریش بوییچه فعالیتلر دوام ایتماقده.
تناپ پایپ لاین، یونان چیگره سیده گی اروپا دولتلریگه گاز اوزه تووچی «ترانس-ادریاتیک» قووور پایپ لاینگه اولنگن.
تورکیه، شونینگدیک، باکو- تیفلیس - ایرزوروم طبیعی گاز قوووری آرقه لی آذربایجاندن گاز ییتکزیب بیریشی ممکن.
شرقی اناطولی طبیعی گاز اوزه تیش پایپ لاین هر ییلی ایراندن تورکیه بازاریگه 10 میلیارد مکعب مترگچه طبیعی گاز ییتکزیب بیره دی.
تورکیه، کیلگوسیده شرقی اورته ییر دینگیزی، تورکمنستان و عراق گازینی اروپا بازارلریگه ییتکزیب بیریش نقطه ی نظریدن هم جوده مهم اهمیتگه ایگه.
تورکیه، کونیمیزده مرکزی آسیا دولتلری بیلن شرطنامه لر امضالب، طبیعی گاز خیلمه-خیللیگینی کینگه یتیرماقچی. بو باره ده «زنگیزور» یوله گی نینگ آچیلیشی بیلن تورکمنستان طبیعی گازینی خزر دینگیزی آرقه لی تورکیه گه ییتکزیش مقصد قیلینگن.
بو خط نینگ تورکیه ملی تیزیمیگه اولنیشی بیلن اروپانینگ انرژی تأمیناتی خوفسیزلیگیده تورکیه نینگ اوته مهم بولگن رولینی ینه ده آشیریش مقصد قیلینگن.
تورکیه نینگ ایلک سوزووچی سویوقلشتیریلگن طبیعی گاز سقلش و گازلشتیریش قوریلمه سی بولگن و ایزمیرده فعالیت کورسته یاتگن تاسیس کونیگه 20 میلیون مکعب متر گازنی ترماققه ییتکزیب بیریش قوّتیگه ایگه.
تورت یول حدودیدهگی بو FSRU ترمینل و تورکیه تامانیدن تاپشیریلگن سونگگی پروژه لردن بیری ایرتوغرل گازی کیمه سی دنیاده تخمیناً 40 ته موجود بولگن سوزووچی سویوقلشتیریلگن طبیعی گاز سقلش و گازلشتیریش قوریلمه لری نینگ سونگگی نمونه لریدن دیر.
ییلیگه تخمیناً 2،5 میلیارد مکعب متر گازلشتیریش قابلیتی گه ایگه «ایرتوغرل گازی» کیمه سی 170 مینگ مکعب متر سویوقلشتیریلگن طبیعی گاز سقلشی ممکن. طبیعی گاز نینگ زیچلشتیریلگن شکلی بولگن سویوقلشتیریلگن طبیعی گاز، تخمیناً 600 قوات سیقیلیشی و سویوقلیک شکلیده تشیلیشی ممکن.
«ایرتوغرل گازی» کیمه سی سقلشی ممکن بولگن سویوقلشتیریلگن گاز تخمیناً 110 میلیون مکعب مترنی تشکیل قیله دی و کیمه نینگ اینگ کوپ کونلیک گازلشتیریش قوّتی 28 میلیون مکعب مترنی تشکیل قیله دی.
ایزمیردهگی «ایگی دینگیز» سویوقلشتیریلگن طبیعی گاز ترمینلی هم 170 میلیون مکعب متر گاز سقلش ظرفیتی و کونیگه 40 میلیون مکعب متر یوک تشیش قوّتی بیلن تورکیه نینگ سویوقلشتیریلگن طبیعی گاز آست قوریش توزیلمسیگه حصه قوشماقده..
بوتاش تامانیدن باشقریله دیگن «مرمره ایریغلیسی» سویوقلشتیریلگن طبیعی گاز ترمینلی کونیگه 37 میلیون مکعب متر گازلشتیریش قوّتی و هر بیری 85 مینگ مکعب متر ظرفیتی گه ایگه اوچته سقلش تانکی بیلن انرژی تأمیناتی خوفسیزلیگینی تأمینلشده مهم رول اوینه یدی..
2022 ییل آخریده آچیلگن «سروس FSRU » سوزووچی سویوقلشتیریلگن طبیعی گاز سقلش و گازلشتیریش قوریلمه سی هم مرمره منطقه سی نینگ تأمینات خوفسیزلیگی گه کتّه حصه قوشماقده.