جزالنتیریش عملیاتلری و پ ک ک نینگ شُوم نفت ترماغی
تحلیل و تیکشیروو
جزالنتیریش عملیاتلری و پ ک ک نینگ شُوم نفت ترماغی
ترور تشکیلاتی پ ک ک نینگ عراق نینگ شمالیده گی تاغلیک ساحه لرده تورک اردوسیگه قره ته آلیب بارگن ترورچیلیک هجوملری نینگ آرتیدن تورکیه هوا کوچلری، میت گه باغلیق درونلر عراق و سوریه ده هوا بمباردمانلری بیلن جزالنتیریش عملیاتلری اوتکزدی. تورکیه ینگی بیر دوکترین ایتیب ترور تشکیلاتی اویوشتیرگن هجوملرنینگ آرتیدن سوریه بیلن عراق ده کینگ هوا عملیاتلری اجرا ایتماقده. شونده ی بولیب اینیقسه سوریه ده ترور تشکیلاتی نینگ انرژی آست قوروشی و کارخانه سی نینگ نشان آلینیشی دقتلرنی پ ک ک نینگ سوریه ده گی نفت و طبیعی گاز آرقه لی کوچه ییشی گه تارتگن وضعیتده.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
ترور تشکیلاتی پ ک ک قیش فصلیده عوماً قیش تیارگرلیگی اورونیشی بیلن جیم اولتیریب بو باسقیچده تعلیم و آیدولوژیک فعالیتلر اوتکزردی. بیراق سونگگی پیتلرده اینیقسه عراق نینگ شمالیده گی تاغلیک ساحه لرده تورکیه قوراللی کوچلریگه قره ته کیتمه کیت هجوملر اویوشتیردی. شونده ی بولیب هوا شرطلری طفیلی کیلیب چیققن قیینچیلیکلر، ترور تشکیلاتی نینگ اوتیلگن روحیه سیدن قوتیلیش اورونیشلری و آستده گیلریگه حلی هم ایاقده میز پیامی بیریشی اوچون بو "خودکش" هجوملریگه قول اورگن لیگی کوریله دی. نتیجه ده ترور تشکیلاتی بو هجوملرده جدی تلفات هم بیردی. بیراق خلق ارا شرطلر و اسرائیل نینگ غزه ده گی هجوملری بیلن یوزه گه چیققن ینگی منطقوی کوچ کوره شینی هم کوزگه توتیش و ترور تشکیلاتی گه یاردم بیرگن کوچلرگه حلی هم بارلیگینی کورستیش اورونیشلری بیلن بو کوچلرنینگ تورکیه نینگ انرژیسینی تکرار ترورچیلیک بیلن ضعیفلتیش اورونیشلری نینگ تاثیری بارلیگینی ایسدن چیقرمسلیک کیره ک. نتیجه ده بو هجوملر یوزبیردی و تورکیه ایسه آرتیدن کوچلی جواب بیردی. شونده ی بولیب بونی جزالنتیریش عملیاتلری دییش ممکن.
اولاً استانبول ده استقلال جاده سیده اویوشتیریلگن ترورچیلیک هجومیدن کیین عملی قیلینگن بیر دوکترین اوله راق پ ک ک نینگ تورکیه، عراق ویا سوریه ده قول اورگن ترورچیلیک هجوملری نینگ آرتیدن ترور تشکیلاتی نینگ اینیقسه سوریه ده گی ترماقلریگه جوده کوچلی هوا بمبارمان اجرا ایتیب هجوملرنینگ جوابینی ترور تشکیلاتی گه کورستگن بیر دوکترین. بو سونگگی ترورچیلیک هجوملریدن کیین تورکیه قوراللی کوچلری بیلن میت گه باغلیق درونلر سوریه ده مهم آست قوریش و اوست قوریشلرنی نشان آلیب اونلب هوا بمباردمانی اوتکزدی. اینیقسه ترور تشکیلاتی نینگ کنترولی آستیده گی ستراتیژیک نفت و طبیعی گاز تولید مرکزلری نشان آلیب اوریلدی. سویداده گی نفت و طبیعی گاز ایشلب چیقریش و ترقه تیش مرکزلری، اودیح نفت ساحه سی بولردن بیر قطاری. پی ک ک امریکا قوشمه ایالتلری بیرگن همکارلیک بیلن سوریه ده گی انرژی منبعلری نینگ قریب 70 فایزیدن کوپراغینی قولگه توتماقده. بو ظرفیت اوله راق کونده لیک 300 مینگ واریل نفت تولیدی و میلیاردلب دالر ظرفیتی معناسیگه کیله دی. بیراق ساحه ده گی شرطلر تورکیه نینگ عسکری مداخله لری بو ظرفیت نینگ عملی بولیشی گه توسیق بولماقده، نفت ساتیشی بیلن ترور تشکیلاتی نینگ اوزینی مالی تقویه قیلیشی گه بیرآز مانع بولینماقده. کیلگوسی باسقیچلرده تورکیه نینگ تیگیشلی هوا عملیاتلرینی تاباره کوچه یشینی کوریشیمیز ممکن.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
