ملی استخبارات تشکیلاتی
تحلیل و تیکشیروو
ملی استخبارات تشکیلاتی
ملی استخبارات تشکیلاتی نینگ 97 – قورولیش ییللیگی، تورکیه نینگ گلوبال جیوپولیتیکاده آرتیب بارگن کوچی نی اثباتله یدی. تورکیه نینگ استخبارات سکتوری نینگ 2010 ییلیدن بیری اوتکزگن اوزگریش نینگ کمسیتیلمه یشی کیره ک. عرب بهاری نینگ باشلشی تورکیه نینگ خوفسیزلیک و ستراتیژیک فضاسیده بویوک بیر اوزگریش گه سبب بولگن و کینگ بیر ستراتیژیک ینگیلیک ضرورتینی آلیب چیققن دیر. سوریه ایچکی ارورشی نینگ قرمه قرشی لیگیاینیقسه دولت نینگ حیاتی ظرفیتلرینی کوچه یتیریشینی ضروری قیلگن دیر.
تورلی غیر توازنلی کوچ تهدیدلری و ترورچیلیک نینگ کوپه یشی منطقه نی بیر استخبارات اوروشی میدانی گه ایلنتیرگن دیر. بونگه قرشی تورکیه هم حربی و استخبارات ستراتیژیلرینی جوده یوتوقلی آلیب باردی. جمهور باشلیغی ایردوغان نینگ باشچیلیگیده ستراتیژیک اولویتلر قیته دن انیقلندی و استخبارات ظرفیتلری ملی خوفیسزلیک و تشقی سیاست هدفلری بیلن ماس روشده یوقاری کوتریلدی.
تشقی پولیتیکا بوییچه تیکشیرووچی و یازووچی پروفیسور دوکتور مراد یشیل تاش نینگ موضوع حقیده گی تحلیل یازووینی تقدیم ایته میز.
تورکیه نینگ تشقی سیاستده ری اکتیف اکتوردن پرواکتیف اکتورگه اوزگریشی دقت تارتماقده دیر. جمهور باشلیغی ایردوغان ملکی – حربی مناسبتلریده انقلاب قیلیب داها کوچلی و تهدیدکار بیر حربی یانداشوونینگ تشویق ایتیلیشیده رول اوینه دی. بو ستراتیژیک اوزگریش نینگ مهم تامانی تشقریگه باغلیلیک نی کمه یتیریب تورکیه نینگ مدافعه آست قورولیشینی رواجلنتیریب اوزی اوزینی اکمال قیلووچی مدافعه صنایعی تشبثلریگه ماسلنگن وضعیتعده دیر. استخبارات سکتوری نینگ انقلابی یوتوقلری داها کینگ ستراتیژیک نینگ بیر پارچه سی دیر.
خاقان فیدان تامانیدن باشقریلگن تورکیه استخبارات ریفورمی بیر نیچه باسقیچده عملگه آشیریلدی. بیرینچیسی استخبارات هدفلری نینگ قیته دن تعیینلنیشی بیلن ایچکی استخباراتدن کینگنراق بیر استخبارات وظیفه سیگه اوتیش بولدی. بو ینگیلیک انسان استخبارات منبعلری نینگ کوچه یتیریلیشی گه سبب بولدی و تورکیه ملی استخبارات تشکیلاتی میت نینگ اوپراسیونل ظرفیتینی کوچه یتیردی.
کوپراق بیرلیک و براربرلیک ایکوسیستمی ایچیده بیر ینگیلیک کیریتیلدی. اداره لر اورته سیده گی رول و مسؤلیتلرنینگ قیته دن توزولیشی کوپراق بوتونلیک بیر استخبارات یانداشووینی آسانراق قیلگن دیر. ملی استخبارات تشکیلاتی میت نینگ جمهور رئیسلیک که باغلنیشی ادار اوپراسیونلرنی آسانراق قیلرکن شونده ی بولیب ملی استخبارات تشکیلاتی میت نینگ یوتوقلرینی و جواب بیریش ظرفیتینی کوچه یتیرگن دیر.
استخبارات تامانده گی تکنالوژیک آلغه باریش اینیقسه ترورچیلیک که قرشی کوره ش ده ریفورم نینگ اهمیتینی کوپراق نمایان قیلگن دیر. مثال اوچون تورکیه ملی استخبارات تشکیلاتی میت نینگ ینگی هیداوچیسیز هوا واسطه سی درون ظرفیتلری تروریست گروپلرنی مهم درجه ده ظعیفلتگن دیر و استخبارات اوپراسیونلریده ستراتیژیک بیر آلغه باریش نی کورستماقده دیر.
بوگونگی دنیا دینامیکلری نینگ اوزگریشی و یوزبیرگن جیوپولیتیک بحرانلر بیلن کیسکینلیک نینگ کوچه یشی بیلن اجره لیب توره دی و ستراتیژیک استخبارات نینگ مهم رولینی نمایان قیلماقده دیر. ملی استخبارات تشکیلاتی نینگ هیبریت تهدیدلرگه قرشی جواب بیریش و کیلگوسی سناریولرنی تخمین ایتیش ظرفیتی تورکیه نینگ ملی، منطقوی و گلوبال میدانده گی منفعتلری نینگ قوریقلنیشیده جوده مهم دیر.
ملی استخبارات تشکیلاتی نینگ قورولیشی نینگ 97 – ییل لیگیده ابراهیم قلین میت نینگ رواجلنیب بارگن استخبارات دوکترینینی بیلیش نینگ اهمیتینی تاکییدله دی. گلوبال توقنه شوولرنینگ کوپه ییب بارگن معمالریگه، جیوپولیتیک روایتلرنینگ انیقلنیشیده تکنالوژی نینگ اهمیتی گه و اورته گه چیققن کوپ قطبلی دنیاگه دقت تارتدی.
قلین نینگ ینگی کوچ مرکزلری نینگ و اتفاق ساختارلری نینگ یوزه گه چیقیشی گه تیگیشلی یانداشووی، اوزگرووچی گلوبال منظره بیلن علاقه لی وضعیت نی عکس ایتماقده دیر.
تورکیه استخبارات دوکتریتی نینگ مرکزیده ایککی ته اساس باردیر: بولر اوزی اوزینی ییتیش و قورقوتووچیلیک دیر. قلین کوپ بعدلی تهدیدلرگه قرشی ملی خوفسیزلیک و حاکمیت نینگ قوریقلنیشیده بو اساسلرنینگ اهمیتینی تاکییدله ماقده. شونده ی بولیب استخبارات، سیبر خوفسیزلیک، اقلیم اوزگریشی، بیولوژیک تهدیدلر، انرژی، آذیق – اوقات و اقتصادی خوفسیزلیک کبی تورلی ساحه لرنی اوز ایچیگه آلگن کینگ ستراتیژیک ظرفیتلردن اجره لمه یدی.
تهدیدلرنینگ آلدیندن انیقلنیشی و کمه یشتیریلیشی مقصدی بیلن تهدیدکارلیک جوده مهم بیر هدف بولیش گه دوام ایتماقده دیر. بو یانداشوو میت نینگ تورکیه نینگ عمومی معناده خوفسیزلیک دایره سیده گی ستراتیژیک قدریتینی کوترماقده دیر.
گلوبال بحرانلر کوپه یگن سری استخبارات نینگ دیپلوماسیده گی رولی هم تاباره حیاتی وضعیت گه کیله دی. تورکیه نینگ سوریه، عراق، لیبیا و قاره باغ کبی منطقه لرده گی تجربه لری، استخبارات اولویتلریده گی دیپلوماسی نینگ اهمیتینی کورستماقده دیر. قلین نینگ ییتکچیلیگیده استخبارات دیپلوماسیسی، غیر توازن تهدیدلرنینگ قرمه قرشیلیگی گه و ایجاد ایتیلگن گلوبال اتفاقلرگه ماسلنیب انیقراق بیر رول آلیش گه تیارلنماقده دیر.
تشقی پولیتیکا بوییچه تیکشیرووچی و یازووچی پروفیسور دوکتور مراد یشیل تاش نینگ موضوع حقیده گی تحلیل یازووینی تقدیم ایتدیک.
