اسرائیل هجوملری نینگ کلفتی آشیب بارماقده
تحلیل و تیکشیروو
اسرائیل هجوملری نینگ کلفتی آشیب بارماقده
اسرائیل نینگ غزه گه قره ته هجوم تشبثلری و قیرغینلری اوچونچی آیگه بارماقده. غزه ده یوزبیرگن بویوک انسانی تلفات قاله ویرسه منطقوی دینامیکلر و گلوبال سیاست هم تاثیر قالدیریش گه دوام ایتماقده. اسرائیل و اونینگ باش حمایه چیسی بولمیش امریکا قوشمه ایالتلری کونسایین یالغیز قالیب بارماقده. حوثیلرنینگ باب المندب تنگیسی و قیزیل دینگیزده اسرائیل بندرلریگه مال تشووچی کیمه لرنی آماج قرار بیریش گه باشلشی بیلن اوروش نینگ تاثیری کوپراق حس ایتیلیش گه باشلندی. اوکراین اوروشیده ایسه فرصتدن استفاده روسیه یوتوقلر کیریتر ایکن غرب تامانده ایککی توقنه شوونی قوللب – قوتلش جدی معمالر توغدیرگن وضعیتده.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
باب المندب و قیزیل دینگیز دنیا ترانسپورتی نینگ تقریباً 11-12 فایزینی تشکیل ایتماقده. شونده ی بولیب نفت تشووچیلیگی هم شونقه آلیب باریلماقده. اینیقسه اروپا بیلن آسیا اورته سیده گی اینگ یقین یول بوجایدن اوتماقده و لوجستیک آست قوریش هم شونگه کوره توزیلگن دیر. بیراق اسرائیل نینگ غزه ده گی قیرغینلریگه عکس العمل اوله راق یمن ده جایلشگن حوثیلر (انصارالله حرکتی) اسرائیل گه قرشی اوروش باشله تیب اسرائیل بندرلریگه باره دیگن هر کیمه نی آماج قرار بیره جکلرینی اعلان قیلگندن کیین کیتمه کیت بویوک کیمه لرنینگ هدف گه آلینگن لیگینی کوریش گه باشله دیک. حوثیلر وقت وقتی بیلن کامیکازه درونلر و آغیر راکتلر آرقه لی بو کیمه لرنی اوررکن وقت قوتی بیلن توغریدن توغری هجوم اویوشتیریب قولگه آلگن وضعیتده. دنیا مقیاسیده اینگ بویوک لوجستیک شرکتلری بو یولدن ایش آلمسلیکلرینی اعلان قیلدیلر. الترناتیف اوله راق کیپ تاون یولی آرقه لی ایلنیب اوتیشی ممکن. بیراق بو یول ایککی هفته کیچیکتیرر ایکن کوپ مالی کلفت گه سبب بوله دی. اسرائیل جهتیدن جوده جدی تهدید ایکن عین دمده گلوبال تجارت و اروپانینگ بازاری نینگ خوفسیزلیگی جهتیدن هم بیر تهدیدگه ایلندی. امریکا قوشمه ایالتلری، اسپانیا، انگلستان، بحرین کبی اولکه لرینی اوز ایچیگه آلگن بیر وظیفه کوچی ایجاد ایتیب بو تهدیدنی کمه یتیریش گه اورونماقده. بیراق حوثیلرنینگ رهبری عبدالملیک الحوثی نینگ هم بیاناتیده گی کبی حوثیلرنینگ البته گی اونینگ اینگ بویوک حمایه چیسی بولمیش ایران نینگ بوندن وازکیش گه نیتی یوق شکللی. احتمالی هوا عملیاتلری نینگ حوثیلرنی قورقیتیش گه اوخشه مه یدی.
قیزیل دینگیزده بو ینگیلیکلر یوز بیررکن اوکراین جبهه سیده هم مهم ینگیلیکلر یوزبیرماقده. روسیه کونسایین کوچه ییب باررکن اوکراین نینگ غرب تامانیدن بیریلگن وعده لرنی قولگه کیرته آلمه گن لیگی کوریله دی. امریکا قوشمه ایالتلری کنگره سی ینگی یاردم پاکتلری اوچون میللی ایمس. اسرائیل حربی، سیاسی و اقتصادی اوله راق حمایه قیلینر ایکن غرب اولکه لری نینگ اوکراین گه یاردملری ظرفیتیدن آشماقده. موجود وضعیت نینگ دوام ایتیشی ممکن کوریلمه یدی. شونده ی بولیب هم اسرائیل – غزه خطیده همده اوکراین – روسیه خطیده آتشکیسین بیاناتلری تاباره کوچه ییب باره دی.
بیراق ناتانیاهو تامانیدن کیلگن اشاره لر دایمی آتشکیسین امیدی بیرمه یدی. شونده ی بولیب اسرائیل نی یالغیزلشتیریش و امریکا قوشمه ایالتلری نینگ اسرائیل گه باسیمی نینگ آزگینه نتیجه بیریشی ممکن. بیراق غزه ده گی قیرغین نینگ ینه بیر مدت دوام ایتیشینی کوریشیمیز ممکن. اوکراین نینگ ایسه روسیه بیلن موجود حربی ساحه حقیقتی اوستیدن مذاکره گه اولتیریش احتمالی هم بار کوریله دی. بیراق او جایده هم زلنسکی باشقرووی نینگ بونی قبول قیلیش احتمالی نامعلوم.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
