تورکیه ده ایشلب چیقریلگن بیر ایپ توغریسیده معلومات

قدیم دنیانینگ فابریکه شهری: لائودیسه

قدیم زماندن بیری دینگیزلی ولایتیده اساسی عاید منبعی تکستیل دیر.

بوگونگی کونده 185 اولکه گه تکستیل صادر قیلگن بو ولایت نینگ تکستیل بیلن بولگن مناسبتی تصادف ایمس. چونکه قدیم دنیانینگ تکستیل جایی بوگونگی کونده گی دینگیزلی ولایتیده جایلشگن لائودیسه قدیم شهری ایدی.

قدیم دنیانینگ فابریکه شهری: لائودیسه

قدیم زماندن بیری دینگیزلی ولایتیده اساسی عاید منبعی تکستیل دیر.

بوگونگی کونده 185 اولکه گه تکستیل صادر قیلگن بو ولایت نینگ تکستیل بیلن بولگن مناسبتی تصادف ایمس. چونکه قدیم دنیانینگ تکستیل جایی بوگونگی کونده گی دینگیزلی ولایتیده جایلشگن لائودیسه قدیم شهری ایدی.

دینگیزلی ده اینگ قدیم تاپیلغیلرگه کوره 7 مینگ ییلدن بیری تکستیل سکتوری بار. بوگونگی کونده هم شهرگه اینگ بویوک پول کیریش – چیقیشی تکستیل آرقه لی بولماقده. البته کی تکستیل تولیدی بولگن یگانه شهر ایمس بیراق تکستیل آرقه لی بیر مدنیت ایجاد ایتیش یولیدن اوتگن یگانه ولایت دییش ممکن. شونده ی بولیب یولی دینگیزلی گه توشگنلرنینگ کوزی بیر تکستیل محصولی گه توشگن دیر.   

قدیم پیتلرده دینگیزلی و تیگره گیده گی بایلیک نینگ منبعی تکستیل و بونگه باغلیق رواجلنیب بارگن تجارت دیر. قدیم دنیانینگ اینگ مهم تکستیل مرکزی دینگیزلی ده جایلشگن لائودیسه قدیم شهری ایدی.

بو منطقه ده ایشلب چیقریلگن تکه لردن آلیش بیر اعتباردن کیلیب چیقماقده ایدی. تکه لر انسانلرنینگ ذوقی و ییل نینگ مودیگه کوره تیکیلماقده ایدی.

لائودیسه ده مینگلب ییللیک تکه یوزه گه چیقریلدی

توقیش اسبابی و لائودیسه ده اورین آلگن دستلبکی تکه قالدیقلری توقیش تاریخی نینگ قدیم چاغلرگه تیانگن لیگینی کورسته دی.

7 مینگ ییللیک توقیش کارگاهی نینگ پارچه لری

آلدینلر دینگیزلی نینگ تکستیل اوتمیشی 2 مینگ ییللریگه تیانماقده ایدی. بیراق لائودیسه قدیم شهری قازوویده 7 مینگ ییل آلدیندن قالگن لیگی تخمین ایتیلگن توقیش کارگاهی پارچه لری یوزگه چیقریلدی.

لائودیسه نینگ بایلیگی بوتون قدیم زمانیده تن آلینماقده ایدی. بو بایلیک نینگ اینگ بویوک منبعی ییتیشتیریلگن بیر قوی توری و بو قویلرنینگ یونگیدن قولگه کیریتیلگن ایپلردیر. قولگه کیریتیلگن بو ایپلر کیین چوب کارگاهلرده تکه توقیلماقده ایدی.

توقیش مدنیتی تاریخچیلرگه کوره تاریخدن آلدینگی پیتلرده انچه اویغارلیکده بار ایدی.

دینگیزلی منطقه سیده اینیقسه میلاددن کیین 2-3 عصرلرده رواجلنیش جهتیدن آلتین ییللرینی اوتکزگن. شهرده توقیلگن تکه لر ایتالیاگچه صادر قیلینگن دیر. تکستیل محصوللری نینگ تولیدی و بویش قالین – گیلم توقیش هیراپولیس، لائودیسه و کولوسائی شهرلری قدیم چاغ نینگ فابریکه سی کبی ایدی.

لائودیسه تکه لری حلی هم ایشلب چیقریلماقده

قدیم زمانده مشهور بولگن لائودیسه ایپلری بوگونگی کونده عنعنوی توقیش شکلی بیلن ایشلب چیقریلماقده. بو خاص ایپلر بیلن ایشلب چیقریلگن محصوللرگه تیگره کده گی ولایت و تومنلرده کوپ علاقه کورستیلماقده دیر.

بوگونگی کونده دینگیزلی تکستیل تولیدی کونسایین کوپه ییب بارگن بیر مرکز وضعیتیده. البته کی ایندی ایشلر انچه رواجلنیب ییریک صنایع منطقه لریده، فابریکه لرده آلیب باریلماقده. دینگیزلی تکستیل ساحه سیده دنیا مقیاسیده بارگن یوتوغی 7 مینگ ییللیک اوتمیشیدن کیلیب چیقه دی.

185 اولکه ده دینگیزلی محصوللری

قدیم چاغده بولگندیک بوگونگی کونده هم دینگیزلی دنیاگه تکستیل محصوللری صادر قیلماقده. 2022 ییلی دینگیزلی دن 185 اولکه گه صادر قیلیندی. اینگ کوپ صادرات بولگن اولکه ایسه 624 میلیون دالر بیلن انگلستان بولدی.

بوگونگی کونده دنیانینگ تورلی اولکه سیده میدین دینگیزلی یازیلگن محصول کوریش ممکن.