تورکیه گه خاص بیر قاز گوشتی حقیده قیسقه معلومات

تورکیه نینگ شرقی انادولو منطقه سی نینگ تاریخی ولایتی دن عبارت قارص ولایتی, تورکیه نینگ قاز تولیداتی مرکزی نی تشکیل ایتماقده.   قارص قاز گوشتی قارص ولایتی صنایع و تجارت اتاق لری نینگ طلبی گه بناً میلادی 2023- ییلده تورکیه نینگ ثبت قیلینگن جغرافی محصولاتی لیستی گه کیریتیلدی. قاز گوشتی, قارص ولایتی نینگ چیککه حدود لریده اوکتوبر آییده ییم بیریله دیگن قاز لرنینگ نوامبر آییده سویلیشی, گوشتی نینگ بوتون بیر شکلده باستیریلیب سووی نینگ چیقریلیشی و توزله نیب آچیق هواده 5 الی 10 کون قوریتیلیشی بیلن تولید ایتیله دی.  قارص ولایتیده قاز لر اوستی یاپیق جای لرده ییتیشتیریلمه یدی.  ارگانیک ماده جهتی دن بای بولگن قارص نینگ چیککه حدود لری قاز ییتیشتیروچیلیگی نقطه نظری دن کتته اهمیت گه ایگه.  اوشبو جغرافیه ده بیر مینگ 6 یوز دن آرتیق اوسیملیک توری موجود.  خوددی شوو اوسیملیک دن ییگن قاز لر نینگ گوشتی ده یوکسک مقدارده فاسفورس, تیمیر, کلسیم و پتاشیم موجود بوله دی.  اوشبو قاز لر گه اوکتوبر آییده اوزی گه خاص ییم لر بیریله دی.  خوددی شوو دور نینگ اوزیده ارپه دن استفاده ایتیله دی.  اوکتوبر آیی دن کیین هوا نینگ ساووشی و قاز لر گه اوشبو دور نینگ اوزیده ارپه بیریلیشی قاز گوشتی ده گی پروتین و توینگن یاغ مقداری نی آرتیره دی.  نوامبر آییده سویلگن قاز لرنینگ آغیرلیگی نینگ ایسه تقریباً 4 الی 5 کیلوگرام بولیشی کیره ک.  قاز گوشتی نینگ ایچکی قسمی قیزیل رنگ گه ایگه.  اوشبو گوشت نینگ اوزی گه خاص بیر هیدی بار.  آچیق هوا ده قوریتیلیب اوشبو قاز گوشتی نینگ نم مقداری کمه یتیریله دی.  شوباعث قاز گوشتی پیشیریلگنده تیتیلیب کیتیب یومشاق بوله دی.  اینیقسه قارص قاز گوشتی و گوشت سوویدن تیارلنگن برنج لیک طعام, تورکیه ده حقلی بیر شکلده جوده مشهور.