آتاتورک نینگ اولیمی و دنیا
برنامه
آتاتورک نینگ اولیمی و دنیا
اتاتورک نینگ اولیمی نینگ دنیا مقیاسیده عکس ایتگنلیگینی بیله سیزمی؟
تورکیه جمهوریتی قورووچی رهبری مصطفی کمال آتاتورک نینگ 1938 – ییلی 10 نوامبرده اولیشی فقط تورکیه ده ایمس عیندمده بوتون دنیا قیغوگه چومیلگن دیر. بو خبر بیلن انچه اولکه ده بیراقلر یریم گه توشیریلگن، بیر آیلیک ملی یاس ایتیب اعلان قیلینگن، بعضی بیر اولکه لرده مکتبلر تعطیل ایتیلگندی. حتی یقین پیتده تورکیه نینگ قرشیسی گه دشمن بولیب چیققن اولکه لر هم آتاتورک نینگ اولیشی بیلن قیغوگه چومیلگن دیر.
مصطفی کمال تورکیه جمهوریتی نینگ تشقی سیاستینی ملی حاکمیت و یورتده تینچلیک دنیاده تینچلیک اساسیده قورگن و ایریم اولکه لر بیلن دوستانه بیر مناسبت قوریش نی مقصد قیلیب آلگن دیر. جمهوریت نینگ اعلان ایتیلیشیدن کیین او اولگن کونگچه انچه دولت آدمی تورکیه گه سفر اویوشتیرگندی. حتی اونی یقیندن تنیمه گن اولکه لر هم اونینگ ییتکچیلیگیده تورکیه نینگ رواجلنیشینی تن الیب آلقیشلردی. شونده ی بولیب اولیم خبری دنیا مقیاسیده گزیته لرنینگ سرلوحه سیده اورین آلدی. دولت بویوکلری و آیدینلر آتاتورک نینگ اولیمی طفیلی گزیته لرگه بیاناتلر بیردی. منه اولردن بیر قطاری شولردن عبارت:
1928 ییلیده تورکیه گه تشریف بیورگن و آتاتورک بیلن اوچره شگن افغانستان قرالی امان الله خان "آتاتورک فقط تورکیه نی ایمس، بوتون شرق نینگ آته سی ایدی" دیب قیغوسینی تیلگه آلگندی.
ایککینچی دنیا حربی پیتیده آلمان تاریخچی پروفیسور هربرت ملزیگ " عذاب چیکه یاتگن دنیاده تینچلیک و فراوانلیک نی قیته تیکلش نی و انسانیت نینگ نفقت مادی، بلکه معنوی رواجلنیش نی هم تامینلش نی ایسته گنلر آتاتورک نینگ ایمان و
