یونسکو: مکتب لرده موبایل نینگ ممنوع قیلینیشی کیره ک

بیرلشگن ملتلر تشکیلاتی تعلیم, بیلیم و مدنیت بولیمی (یونسکو) نینگ راپوری گه کوره حددن تشقری موبایل دن فایده له نیش بیلن پس تعلیم سویه سی اورته سیده مستقم تناسب موجود. بیر نیچه ساعت دوام ایته یاتگن اسکرین لرنینگ آچیق توریش مدتی ایسه باله لرنینگ تویغو برقرارلیگی گه منفی تاثیر قالدیرگن لیگی بوییچه دلیل لرنینگ موجود ایکن لیگی بیلینماقده.  یونسکو موبایل نینگ مکتب لرده ممنوع قیلینیشی نی پیشنهاد قیلماقده. 

راپورده, دیجیتال تکنالوژی نینگ هردایم "انسان نینگ تعلیمی بیلن علاقه لی" بولیشی کیره ک ایکن لیگی و هیچ قچان اوقیتووچی بیلن یوز مه یوز تعلیم نینگ اورینی نی آلمس لیگی نینگ ضروری ایکن لیگی اورغولنماقده.

یونسکو عمومی باشلیغی ادره آزوله, "دیجیتال انقلاب اولچه له آلمه یدیگن بیر ظرفیت گه ایگه, لیکن جمعیتده بوندن قنده ی فایده له نیلیشی کیره ک ایکن لیگی توغریسیده هشدارلرنینگ بحث موضوعی بولگن لیگی دیک تعلیم بوییچه استفاده ایتیلیشی حقیده هم بونگه اوخشش اهمیت نینگ بیریلیشی کیره ک" دییه قید ایتدی. 

اولکه لرنینگ 14 فایزی نینگ سمارت تلفن لرنی ممنوع قیلگن سیاست لری موجود

یونسکو نینگ خلق ارا تلفن ممنوعیتی بوییچه پیشنهادی اصلی گه قره گنده حاضرگی کونده کوپلب اولکه لرده قانون بیلن تطبیق ایتیلماقده.  فرانسه میلادی 2018- ییلده مکتب لرده قانون بیلن سمارت تلفن لرنی ممنوع قیلگن ایلک اولکه دن عبارت بولدی.  گینه هم میلادی 2021- ییلده خوددی شونده ی بیر یول نی تعقیب ایتدی.  لتونیا, مکسیکو, پرتگال, اسپانیا, سویس, امریکا قوشمه ایالتلری, کانادا و اسکاتلند ده هم بوتونله ی یاکه قسمی ممنوعیت بحث موضوعی بولدی. 

بنگلدیش فرقلی بیر یول نی تعقیب ایتدی.  میلادی 2011- ییلده صنف لرده اوقووچی لر اورنیگه, اوقیتووچی لر اوچون موبایل ممنوع قیلیندی.  میلادی 2017- ییلده ایسه اوقووچی لر و همده اوقیتووچی لرنینگ صنفده موبایل دن فایده له نیش لری ممنوع قیلیندی. 

تاجیکستانده گی تعلیم قانونی نینگ 25- ماده سی گه کوره باشلنغیچ و اورته مکتب لرده اوقووچی لرنینگ موبایل دن فایده له نیش لری ممنوع قیلینگن وضعیتده.  اوزبیکستانده مکتب لر گه کیریله یاتگن پیتده برچه قوریلمه لرنینگ اوچیریلیشی مجبوری. 

میلادی 2024- ییلده ایسه فندلند بیلن هالند مکتب لرده موبایل دن فایده له نیش نی ممنوع قیله دی. 

سمارت قوریلمه لردن فایده له نیش اونومدارلیکنی پسه یتیره دی

خلق ارا اوقووچی لرنی بهالنتیریش پروگرامی کبی کتته و بین المللی ارزیابی لردن قولگه کیریتیلگن معلوماتلردن فایده له نیلیب قیلینگن تدقیقاتلر سمارت تلفن لر گه معتادلیک نینگ کوپینچه پسه ییب باره یاتگن اکادمیک اونومدارلیک بیلن متناسب ایکن لیگینی کورستماقده. 

بلجیم, اسپانیا و انگلستانده قیلینگن تدقیقات لر, سمارت تلفن لرنینگ مکتب لرده ممنوع قیلینیشی نینگ اینیقسه اونومدارلیگی پس بولگن اوقووچی لر اوچون اکادمیک اونومدارلیک نی آرتیرگن لیگینی کورسه تیب بیرماقده. 

تورکیه ده مکتب لرده سمارت تلفن لر بیلن علاقه لی ممنوعیت نی اوقیتووچی لر کینگشی انیقله یدی

تورکیه ده ایسه میلادی 2019- ییلده رسمی روزنامه ده باسیلیب چیققن قرار دایره سیده معارف وزیرلیگی گه باغلیق اورته مکتب لر نینگ باشقریلیشی نینگ کوپلب ماده لری اوزگرتیریلدی. 

بولردن اوقووچی لر جهتی دن اینگ دقت سزاوار بولگن قسمی سمارت تلفن لرنینگ ممنوع قیلینیشی دن عبارت بولدی. 

اوشبو دایره ده سیس و تصویر ثبت قیله آله دیگن سمارت تلفن, کمره, تابلیت, کمپیوتر, سمارت ساعت و بونگه اوخشش قوریلمه لردن درس آره لریده فایده له نیش یاکه فایده لنمس لیک مکتب رهبریتی گه باغلیق. 

درس جریانیده سمارت تلفن لردن استفاده ایتیلیشی و ایتیلمس لیگی گه ایسه اوقیتووچی لر کینگشی قرار قیله دی.