اروپا فُسیل یاقیلغی دن واز کیچماقده

انرژی بوییچه مفکور موسسه سی دن عبارت ستراتیژیک تفکر نینگ اروپا یشیل کیلیشووی نینگ بلوک نینگ انرژی خوفسیزلیگی, برق نرخ لری, استخدام و سرمایه گذارلیک ضرورت لری گه قنده ی تاثیر قالدیره دیگن لیگی بیلن علاقه لی تحلیلی گه کوره, تازه انرژی اوزگریشی بیلن اروپا بیرلیگی اقتصادی ده جدی بیر اوزگریش کوتیلماقده. 

یشیل کیلیشوو دایره سیده میلادی 2030- ییل گه قدر کمیده 55 فایز گلخانه ای گاز ترقه لیشی نینگ کمه یتیریلیشی بوییچه قانون لرنینگ تطبیق ایتیلیشی بیلن, شمال و قویاش انرژی سی نینگ توپلم برق ضرورتی نینگ 55 فایزی نی تامین ایته دیگن لیگی اویلنماقده. 

اروپا بیرلیگی نینگ فسیل یاقیلغی دن قیتمه یدیگن شکلده اوزاقله شه دیگن لیگی و اروپا بیرلیگی ده گاز دن فایده له نیش نینگ کمیده 31 فایز مقیاسیده کمه یه دیگن لیگی تخمین ایتیلماقده.  اوشبو کمه ییش نینگ آلمان نینگ اوکراین اوروشی دن آلدینگی ییللیک گاز مصرفی بیلن تقریباً بیر سویه ده ایکن لیگی اویلنماقده. 

یشیل کیلیشوو آرتیدن اروپا بیرلیگی اولکه لریده کمیده 58 میلیون ایسسیق لیک پمپی نینگ قوریلیشی و تقریباً 29 میلیون برقی موتر دن فایده له نیلیشی کوتیلماقده. 

تازه انرژی سیاستی نینگ قبول قیلینیشی بیلن اروپا ده هر عایله نینگ انرژی بوییچه مصرفی اوتگن ییلده 8,6 فایز ایکن, میلادی 2030- ییل گه قدر 6,1 فایز گه توشه دیگن لیگی تخمین ایتیلماقده.  خوددی شوو دور نینگ اوزیده برق نرخی نینگ اورته چه 7 فایز گه توشه دیگن لیگی معلوم قیلینماقده. 

تازه انرژی سیاستی نینگ اروپا بیرلیگی اولکه لریده کمیده 447 مینگ کیشی نی ایش بیلن تامین له یدیگن لیگی بیلدیریلماقده. 

ستراتیژیک تفکر نینگ اجرا باشلیغی لیندا کالچر, اوشبو انالیز بیلن علاقه لی بیرگن بیاناتیده, یشیل کیلیشوو نینگ حقیقت گه ایلنتیریلیشی نینگ انرژی خوفسیزلیگی و اقتصادی رفاه نی رواجلنتیره دیگن لیگینی بیلدیررایکن, "سونگّی 20 ییل بیلن سالیشتیریلگنده قویاش و شمال انرژی سیدن ینه 3 قوت کوپراق فایده له نیله باشله نه دی.  بو هم بولسه صنایع جهتی دن برق نرخی نی توشیره دی و رقابت کوچی نی آرتیره دی.  اروپا بیرلیگی گه گاز, کومیر و پطرول صادر قیلماقچی بولگن اولکه لر اوزلرینی الده تمه سین, اوشبو ساحه بوییچه مصرف قیتمه یدیگن بیر شکلده آزه یماقده" دییه قید ایتدی. 

ستراتیژیک تفکر نینگ باشلیغی نیل ماکاروف ایسه کیلیشوو نینگ نرخ لرنینگ کوتریلیب کیتیشی گه قرشی بیر تدبیر دن عبارت ایکن لیگینی بیلدیردی. 

پطرول, گاز و کومیر نینگ یوقاری تورم نینگ اینگ اساسی سبب لری دن بیری ایکن لیگینی بیلدیرگن ماکاروف, "محدود گاز و پطرول منبع لری گه ایگه بیر قطعه اوله راق اروپا بیرلیگی, جیوپلتیک تهدید لر گه قرشی انرژی خوفسیزلیگی آرقه لی اویغون بیر ستراتیژی تعقیب ایتماقده. یشیل کیلیشوو فقط گینه 7 ییلده گاز دن فایده له نیش میزانی نی آلمان نینگ ییللیک مصرفی گه قدر آزه یتیره دی" دییه قید ایتدی.