چت جی پی تی: فایده لی می یاکه ضررلی می؟

آره سیده ایلان ماسک نینگ هم موجود بولگن مینگ دن آرتیق متخصص لر تامانیدن امضالنگن مصنوعی ذکا گه قرشی مکتوبده, مصنوعی ذکا نینگ رقابت لری بوییچه ریسک لر حقیده هشدار بیریلرایکن, خوددی شوو ساحه ده گی فعالیت لرنینگ 6 آیلیک بیر مدت بیلن معطل قیلینیشی طلب ایتیلدی.

دیالوگ شکلیده ارتباط قوره دیگن بیر تیل شکلی گه ایگه چت جی پی تی, سونگّی پیتلرده اینگ کوپ بحث ایتیلیاتگن مصنوعی ذکا اپلیکیشنی دن عبارت.  اوشبو اپلیکیشن هر خیل سئوال گه جواب بیره آله دی.  لیکن بیرگن جوابلری ایریم پیتلرده شبهه گه سبب بولماقده. 

حاضرگی شکلی 175 میلیارد دیتا لیستی گه ایگه بولگن اپلیکیشن, سئوال لر گه توغری جواب بیره آلیش اوچون میلیاردلب معلومات و دیتا نی تیکشیریب چیقه دی. 

اوشبو اپلیکیشن نینگ ایشلرنی آسانلشتیروچی بیر تامانی نینگ موجود ایکن لیگی انسان لرنینگ خرسندچیلیگی نی آرتیرماقده. لیکن بیره دیگن جواب لری نینگ همه سی هم توغری ایمس. 

فایده لنووچیلرگه ناتوغری معلومات بیریلیشی ممکن

مختصص لر اوشبو اپلیکیشن نینگ معلوم ریسک لر گه ایگه ایکن لیگینی بیلدیرماقده.  دیجیتال میدیا متخصصی اوغوزخان سروخان, صحبت رباتی نینگ ایریم پیتلرده فایده لنووچیلرگه ناتوغری معلومات بیریشی نینگ ممکن ایکن لیگینی بیلدیرماقده. 

مذکور دیتا سیتی ایچیده توغری بولمه گن معلومات نینگ موجود بولیشی نینگ ممکن ایکن لیگینی بیلدیرگن سروخان, "بو معلومات سیتی ایچیده عِرقچیلیک, فاشیزم یاکه باشقه یمان تویغولر بیلن علاقه لی دیتا نینگ موجود بولیشی ممکن و بونی سیز گه قبول قیلدیریشی احتمالی موجود" دییه قید ایتدی. 

مسلکلرنی تهدید ایتماقده

چت جی پی تی نینگ مسلکلرنی تهدید ایتیش ظرفیتی هم موجود.  متخصص لر قیلینگن تدقیقات نینگ بحث موضوعی واقعیت نی کورسه تیب بیرگن لیگینی بیلدیررایکن, اوشبو توغریده هشدار بیرماقده. 

سروخان, "قیلینگن بیر تدقیقات گه کوره, بیر مینگ مسلک نینگ حاضرگی شکلی نینگ یوق بولیب کیتیشی ممکن" دییه قید ایتدی. 

متخصصلر, کیلگوسیده بوندن هم کوپراق بحث ایتیله دیگن باشقه موضوع نینگ ایسه تالیف حقیدن عبارت بوله دیگن لیگینی بیلدیرماقده.  زیرا تولید ایتیلگن محتوا نینگ توپلنگن معلومات بیلن پیدا بولیشی, ایگه سی نینگ کیم ایکن لیگی بوییچه سئوال نینگ توغیلیشی گه سبب بوله دی. 

چین بیلن ایتالیا ممنوع قیلدی

اوشبو اپلیکیشن دن خرسند بولگن لر بولگنی دیک, خوددی شوو اپلیکیشن نینگ ریسکلر گه ایگه ایکن لیگینی بیلدیریاتگن لر هم موجود.  چین بیلن ایتالیا چت جی پی تی نی ممنوع قیلدی.  تویتر نینگ ایگه سی ایلان ماسک و بعضی مصنوعی ذکا متخصص لری هم اوشبو اپلیکیشن نینگ توخته تیلیشی نی طلب ایتدی.