تورکیه گه خاص سیگیر گوشتی بیکنی توغریسیده قیسقه معلومات

تورکیه نینگ قاره دینگیز قیرغاغیده گی ولایتیدن عبارت کاستامونو, منطقه ده گی سیگیرلرنینگ گوشتی دن تیارله نه دیگن مشهور "کاستامونو بیکنی" بیلن تانیلماقده.  کاستامونو اصناف و صنعتکارلر اتاقی نینگ طلبی گه بناً میلادی 2021- ییلده تورکیه نینگ ثبت قیلینگن جغرافی محصولاتی لیستی گه کیریتیلگن "کاستامونو بیکنی" اوشبو ساحه ده قیصری و آفیون قاره حصار شهرلری نینگ هم اینگ کتته رقیبی دن عبارت.  کاستامونو بیکنی نینگ ایشلب چیقریلیشی اوچون, سویه کسیز آرقه سیگیر گوشتی, تاش توزی بیلن توزله نیب 3 کون کوتتیریله دی.  کوتتیریش پروسه سیده سووی نی بویوک مقیاسده قولدن بیریب قویگن گوشت پارچه لری, آغیرلیک یاردمی بیلن باستیریله دی کیین یویلیب قویاشده قوریتیله دی.  سونگره منطقه گه خاص تاش کوپری سریمساغی قوشیمچه قیلینیب تورک تیلیده چمن دیب ناملنگن بیر لعاب بیلن قاپله نه دی.  اوشبو بیکن نینگ تیارله نیشیده فقط گینه 2 الی 2,5 یاشیده گی سیگیرلرنینگ گوشتی دن فایده له نیله دی.  عموماً آلیب قره گنده سپتامبر- اپریل آیلری آره سیده تولید ایتیله دیگن کاستامونو بیکنی نینگ مزه سی اورته درجه ده توزلی و ینگیل اسیدیک بولیب, انیق سویه ده قیزیل رنگ گه ایگه.