سودان اوروشلری نینگ سببلری و احتمالی نتیجه لر
تحلیل و تیکشیروو
سودان اوروشلری نینگ سببلری و احتمالی نتیجه لر
سودان ده یوزبیرگن سونگگی توقنه شوولر اولکه ده گی سیاسی بحران نینگ کونسایین کوپه ییب باریشینی کورستماقده. شونده ی بولیب 2023 ییلی 14 اپریل تاریخیده سودان اردوسی تیزکار کوچلر قرارگاهی گه باسقین قیلدی. شو وقت سودان جمهوریتی نینگ اردوسی قاله ویرسه همدی گه باغلیق کوچلری ایککی ایریم حربی ساختار ایجاد ایتگن لیگی بوییچه فکرلر بار. برهان شو وقت همدی نینگ حربی کوچلرینی ضعیفلتیش اورونیشیده. بیراق بونینگ اوچون کیچ گه قالگن شکلی. سودان ده سیاسی بحران نینگ تامانلری اورته سیده ملکی حکومت، حربی باشقروو، سیاسی حزبلر و ملکی همجمعیت تشکیلاتلری اورین آلماقده. سودان ده یوزبیرگن بحرانلرنینگ اساسی سببلری اقتصادی بحران، فساد، اجتماعی عدالتسیزلیک، دموکراتیکلشیش جریانیده گی کمچیلیکلر، اتنیک و دینی توقنه شوولردن عبارت.
خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایته میز.
یوزبیرگن تارتیشوو، سودان ده گی سیاسی بحران نی تاباره کوپه یتیریش و اولکه ده برقرارسیزلیک یراتیش گه سبب بوله دی. اینیقسه سودان تیزکار همکارلیک کوچلری رهبری همدی سودانده کوچلی بیر حربی موجودیتی بولمیش بیر کیشی ایدی. شونده ی بولیب همدی نینگ البرهان بیلن اورته سیده گی بحران حربی توقنه شووگه ایلنگن تقدیرده اولکه ده ایچکی اوروش یوزبیریشی ممکن. قاله ویرسه بو بحران سودان ده گی سیاسی جریانگه سلبی تاثیر قالدیریب اولکه ده گی سیاسی بحراننی تاباره چقورلشتیره دی.
بیراق سودان نینگ جیوپولیتیک اورنی اینیقسه سودان بیلن قوشنی اولکه لر بیلن بیر قطارده منطقه ده گی ایریم اولکه لرنینگ هم سودان ده یوزبیرگن بحران گه اره لیشیشی گه سبب بولیشی ممکن. بو هم سودان ده گی بحران نینگ چقورلشیب اولکه نی و منطقه نی تاباره قرمه قرشی قیلیب تشله یدی.
شونده ی بولیب مصر نیل دریاسی نینگ اوستیده گی سودان نینگ منبعلرینی باشقریش توغریسیده گی خواطرلرینی برطرف ایتیش و سودان ده یوزبیرگن سیاسی برقرارسیزلیک نینگ مصرنینگ خوفسیزلیگی گه تاثیر قالدیرووچی کولمده بولگن لیگی اوچون وضعیت گه اره لشیشی ممکن. بیراق سودان نیل دریاسی اوستیده روزایرس، سنار و مرو کبی توغانلر قورگن دیر. شونده ی بولیب بو توغانلر سودان نینگ هایدرو الکتریک انرژی تولیدیده مهم رولی بولگن و سودان نینگ زراعت سکتوری اوچون سوو تامین ایتیب بیرگن توغانلردیر و سودان نینگ سوو منبعلری باشقرووی جهتیدن اهیمت گه سزواردیر.
ایککینچی ایسه سودان نینگ شمال – شرقیده جایلشگن اتیوپیانینگ تیگرای منطقه سیده گی توقنه شوولر طفیلی سودان بیلن اتیوپیا اورته سیده منفعت توقنه شووی یوز بیرماقده دیر. اوچونچی ایسه سودان و جنوبی سودان اورته سیده حلی هم انچه کیلیشماوسیزلیک بارلیگی دیر. سودان ده یوزبیرگن سیاسی بحران بو کیلیشماوسیزلیکلرنینگ ییچی مه سلبی تاثیر قالدیرماقده. شونده ی بولیب جنوبی سودان نینگ هم سودان ده گی بحرانگه اره لشیشی ممکن.
منطقه دن تشقریده گی کوچلر جهتیدن قره گنده بیرلشگن عرب امیرلیکلری بیلن سعودی عربستان نینگ سودان ده بعضی بیر گروهلر بیلن یقین مناسبتی بارلیگی ایتیلماقده. شونده ی بولیب سودان ده یوزبیرگن بحران بو اولکه لرنینگ منفعتلریگه تاثیر قالدیریشی ممکن و بو اولکه لرنینگ سودان ده گی بحران گه تاباره اره لشیشی گه سبب بولیشی ممکن. بو اولکه لر قاله ویرسه افریقا بیرلیگی، عرب دولتلری لیگی و ایریم منطقوی تشکیلاتلر هم سودان ده گی بحرانگه ییچیم تاپیش اوچون اره لشیشی ممکن. بیراق برچه اره لشوولرنینگ سودان نینگ حاکمیتی گه حرمت قیلگن و سودان خلقی نینگ منفعتی گه بولگن صلح آمیز بیر شکلده بولیشی جوده مهم.
شونده ی بولیب سودان ده گی باشقروو ایچیده گی بحران گه ییچیم اوچون تامانلرنینگ دیالوگ و کیلیشوو یولی بیلن همکارلیگی اولکه ده براقرارلیک نی تامین ایتیشده جوده اهمیت گه ایگه. قاله ویرسه سودان نینگ برچه سینی اوز ایچی گه آلووچی بیر سیاسی جریان نینگ باشله تیلیشی و بو جریاننی دایمی بیر ییچیم اوچون قوللب – قوتلنیشی شرط. سودان ده یوزبیرگن توقنه شوولرنینگ سودن نینگ برقرارلیگینی تهدید ایتگن لیگی انیق. بیراق بو بحران گه ییچیم تاپیش اوچون جدی بیر سیاسی اراده و مذاکره جریانی گه کیره ک بار. عکسی تقدیرده سودان لیبیا کبی بحران نینگ ایچیده چومیلیب قالیشی ممکن.
سودان بیلن مصر، جنوبی سودان و اتیوپیا کبی قوشنیلری اورته سیده هم بحرانلر بار. منطقه ده تیرمه لب بارگن بحران سودان نینگ کیلجگی جهتیدن کتته تهدید ایجاد ایتماقده.
خلق ارا همجمعیت نینگ سوداننی قوللب – قوتلشی و توقنه شوولرگه یکون یسش اوچون اورنیشی کیره ک. بیراق سودان دوچ قالگن اقتصادی معمانی هم ایسدن چیقرمسلیک کیره ک. بو بحران اولکه ده گی سیاسی بحراننی تاباره چقورلشتیرماقده و ییچیم جریانینی قیینلشتیرماقده. سودان نینگ کیلجگی اوچون امیدلی بولیش قیین بولسه ده تینچلیک بیر ییچیم اوچون امید قیلیشدن وازکیچمسلیک کیره ک.
خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایتدیک.
