تورکیه گه خاص بیر مربا توغریسیده قیسقه معلومات

تورکیه نینگ توریزم مرکزی بولگن آنتالیا, آقدینگیز منطقه سی گه خاص بیر مربا گه هم میزبانلیک قیلماقده. سیتروس عایله سی نینگ کوپ بیلینمه گن بیر توری دن عبارت بولگن برگاموت درختی میوه سی قابیغی دن تیارله نه دیگن برگاموت قابیغی مرباسی, آنتالیا تجارت اتاق لری نینگ طلبی گه بناً میلادی 2021- ییلده تورکیه نینگ ثبت قیلینگن جغرافی محصولاتی لیستی گه کیریتیلدی. اوشبو مربا نینگ تیارله نیشی اوچون سکیز پارچه گه بولینگن برگاموت میوه سی نینگ قابیغی, ایچ قسمیدن پیچاق بیلن اجره تیله دی.  قابیق لر, اوره لگن حالتگه کیتیریلیب پخته دن تیارلنگن ایپلرگه یاییله دی و اچچیق لیگی نینگ یوق قیلینیشی اوچون سووده قینه تیله دی.  بو شکلده تیارلنگن برگاموت قابیق لری ساووق سووده یووییلیب ساووتیله دی و اچچیق لیگی یوق بولگونگه قدر 3 الی 4 کون اتاق ایسسیق لیگیده سوزیله دی.  کیین سوو بیلن شکر شربت گه ایلگونگه قدر بیر قازانده قینه تیله دی. تیار وضعیت گه کیتیریلگن برگاموت قابیق لری خوددی شوو شربت نینگ ایچی گه تشله نه دی.  مربا تیار وضعیت گه کیله باشله گچ لیمو سووی قوشیمچه قیلینه دی.  قینه تیش پروسه سی نینگ سونگّی بولیمیده برگاموت قابیغی نینگ ایپلری کیسیله دی و شونده ی قیلیب مربا ایسسیق بیر شکلده مرتبان لر گه تشله نه دی.  برگاموت قابیغی مرباسی نینگ قویاش آیدینلیگی دن اوزاق و ساووق بیر جایده سقله نیشی کیره ک.  مرتبان نینگ آچیلمس لیگی تقدیرده, اوشبو مربا نی بو شکلده ایکّی ییل سقلش ممکن.