تنیقلی تورک یازووچی یاشار کمال توغریسیده قیسقه معلومات

ادبیات ساحه سی بوییچه کوپلب اثرلر یازگن و عموماً آلیب قره گنده انادولو حقیده بحث ایتیلگن حکایه لری بیلن تن آلینگن تنیقلی یازووچی یاشار کمال میلادی 1923- ییل 6- اکتوبر کونی دنیا گه کیلدی. 

باله لیک دوری جوده یمان اوتگن یاشار کمال نینگ چپ کوزی او 3 یاشیده پیتده بیر کسللیک باعث کوره آلمه یدیگن بیر وضعیت گه کیلدی.  سکیز یاشیده یازیش گه قیزیقه باشله گن تنیقلی ادبیاتچی نینگ طبیعت, تیگره گیده گی ینگیلیکلر و جمعیت گه قیزیقیشی اونینگ اوچون اینگ کتته الهام منبعی بولدی.

چقور اووا و توروس لر منطقه سیدن توپلنگن مرثیه لر نی قمره گن "مرثیه لر" ناملی ایلک کتابی میلادی 1943- ییلده باسیلیب چیقدی. 

یاشار کمال, میلادی 1946- ییلده قیصریده عسکرلیک قیلیاتگن پیتده ایلک اوزون حکایه کتابی "یمان حکایه" نی یازدی. 

میلادی 1951- ییلده استانبول گه کیلگن تنیقلی یازووچی, یازووچیلیککه "یاشار کمال" اسمی بیلن دوام ایتدیریش گه قرار قیلدی. 

اثرلریده انادولو یشاوچیلری نینگ اقتصادی و اجتماعی مسئله لری نی توشینتیریب بیرگن یاشار کمال, اثر لری نینگ ایریم لری نینگ باشقه تیل لر گه اوگیریلیشی نتیجه سیده اوروپا ده هم تانیله باشلندی. 

"چقه لاق", "دوکاندار" و "محمد" ناملی حکایه لرینی قمره گن "سریغ ایسسیق" کتابینی میلادی 1952- ییلده یازگن تنیقلی یازووچی, اوشبو اثریده یوقسیللیک, زورانلیک, همکارلیک, طبیعت محبتی و انسان بیلن طبیعت اورته سیده گی کیلیشمووچیلیک حقیده سوز یوریتدی. 

یاشار کمال نینگ بیرینچی جلدی نی میلادی 1955- ییلده یازگن 4 جلدلیک "اینجه محمد" رمانی, تنیقلی یازووچی نینگ اینگ مهم اثرلریدن بیری گه ایلندی.  تورت جلدلیک اوشبو کتاب 40 دن آرتیق فرقلی تیل گه اوگیریلدی. 

یازووچی, اثرلریده ساده بیر اسلوب دن فایده له نیش گه حرکت قیلرایکن, رمان و حکایه لریده کوپینچه چقور اووا منطقه سیده انسان لرنینگ دوچ کیلیب قالگن معما لر گه اورین اجره تگن. 

یاشار کمال نینگ "اینجه محمد" داخل 9 اثری سینما فلمی گه ایلنتیریلدی و کوپلب اثری دن ایسه تیاتر اوین لریده استفاده ایتیلدی.  کتاب لریده انادولو نینگ افسانه و ایرتکلریدن هم فایده لنگن یازووچی, میلادی 1970- ییلدن کیین یازگن رمان لریده ایسه شهرده یشیاتگن انسان لرنینگ دوچ کیلیب قالگن معما لر حقیده سوز یوریتدی. 

توپلم 7 بیلیم یورتی دن فخری دوکتورا عنوانی گه ایگه بولدی.  اوشبو بیلیم لری دن ایکّی ته سی ایسه چیت ایللرده گی بیلیم درگاه لریدن عبارت ایدی.  یازووچی میلادی 1973- ییلده ادبیات ساحه سی بوییچه نوبل ساورینی گه نامزد قیلیب کورسه تیلدی.  شونده ی قیلیب تنیقلی ادبیاتچی جهان بویلب تن آلینگن بیر یازووچی گه ایله نیب قالدی.  بوندن کیین هم بیر نیچه مراتبه نوبل ساورینی اوچون کاندید قیلیب کورسه تیلدی. 

شعر, حکایه, رمان, خاطره, راپورتاژ, مصاحبه, اوین, فکاهی, مقاله و سناریو کبی کوپلب ادبی تورده اثرلر یازگن یاشار کمال, تورک ادبیاتی گه 26 رمان, 11 تجربی اثر, 9 راپورتاژ, 2 حکایه و شعر ساحه سیده ایسه بیر اثر کسب ایتدیردی. 

یاشار کمال, میلادی 2015- ییل 28- فبروری ده 92 یاشیده وفات ایتدی.