یقینده انسان لر آی گه جایله شیب آله دی

امریکا قوشمه ایالتلری ملی هواچیلیک و فضا اداره سی ناسا, ینگی دن آی گه انسان لر بیلن اوچیش و آی ده حیات اوچون تدقیقات لر آلیب بارماقده. 

ناسا ده ایشلیاتگن آستروفیزیکچی امید ییلدیز, بیر نیچه هفته آلدین تورکیه نینگ تی آر تی خبر تلویزیونی بیلن قیلگن مصاحبه سیده آی گه باریش پروژه سی دن عبارت آرتمس نینگ جزئیاتی حقیده معلومات بیردی. 

انسان لرنینگ آی ده یشه یدیگن کونلرنی ساغینچ بیلن کوتیب تورگن لیگی نی بیلدیرگن ییلدیز, بونینگ جوده یقینده حقیقت گه ایله نیشی نینگ ممکن ایکن لیگی نی معلوم قیلدی. 

"آلدین آی نینگ تیگره گیدن ایله نیله دی"

ایلک پروژه نینگ آی گه قدر کیتیب آی نینگ آرقه سیدن ایله نیب دنیا گه کیلیش ایکن لیگی و اوشبو پروژه نینگ 25 کون دوام ایته دیگن لیگی نی معلوم قیلگن ییلدیز, "بو ییرده گی مقصدی میز فقط گینه او ییرده گی انسان لرنی تشووچی کاپسول دنیا گه قیتیب کیلرایکن, ساغلام بیر شکلده انسان لر نی توشیره دی می؟ منه شوو سئوال نی سوره یمیز" دییه قید ایتدی. 

ایکّینچی دن حقیقی فضانورد لرنینگ کیته دیگن لیگی و آی گه قونمسدن, آی گه یقین له شیب آی نینگ تیگره گیدن ایله نیب قیته دیگن لیک لری نی بیلدیرگن ییلدیز, اوز سوز لری نی, "بو موفقیتلی بولگندن سونگ میلادی 2025- ییلده ینگی دن آی گه قیتیش نی کورگن بوله میز" شکلیده دوام ایتدیردی. 

ایلک پروژه دن عبارت آرتمیس 1 دایره سیده رادیشن (نورله نیش) اولچه لیب فضانورد لرنینگ کییه دیگن کییم لر تست ایتیله دی. 

ییلدیز, فضا ده گی نورله نیش مقداری نینگ انیقله نیشی بوییچه قیلینگن دیزاین دن بحث ایترایکن, اوز سوز لری نی قوییده گیچه دوام ایتدیردی:

"حاضرگی آرتمس 1 پروژه سی نینگ ایچیده گی اوریون کاپسولی ده 3 ته مدل موجود. بیر ته مدل نینگ اوستی ده برچه کییم لر بار. بیر مدل نینگ اوستیده ایسه رادیشن کییمی موجود.  ینه بیرته سیده هیچ کییم یوق.  هر قیسی سی گه سنسور لر تقیلدی و فضاده گی یولاوچیلیک جریانیده حقیقی فضانورد او ییر گه اوتیرگنده آلیشی ممکن بولگن رادیشن مقداری نی انیقلش اوچون بو میتود دن فایده لندی لر". 

"آی بیلن علاقه لی فعالیت لر بوندن آرتیق دوام ایته دی"

ناسا تامانیدن بوندن کیین پلانلنگن آی بیلن علاقه لی فعالیت لر ینه ده کوپراق مدت دوام ایته دی. 

اوشبو پروژه آرتیدن کالونی پروگرامی نینگ مطرح بوله دیگن لیگی نی بیلدیرگن ییلدیز, "اوشبو کالونی پروگرامی بیلن بیرگه آی نینگ تیگره گیدن ایله نه دیگن بیر استیشن قوریله دی و دنیا دن باره دیگن انسان لر خوددی شوو استیشن گه کیته دی.  او ییرده بیر مدت قالیب کیین آی گه باریب قونه دی لر" دییه قید ایتدی. 

"نهائی مقصد دنیا دن چقیش دن عبارت"

خوب هدف آی دن کیین مریخ ده کالونی له شیش دن عبارت می؟

نهائی هدف نینگ دنیا دن چیقیش دن عبارت ایکن لیگی نی بیلدیرگن ییلدیز, همه انسان لرنینگ فرقلی سیاره لر گه کیتیشی کیره ک کبی بیر نرسه نینگ مطرح ایمس لیگی نی معلوم قیلدی. 

ییلدیز, باشقه سیاره لرده هم تدقیقات مرکز لری نینگ قوریلیشی نینگ ممکن ایکن لیگی نی بیلدیردی.