پامدورنینگ اناطولی گه کیلیب چیقیشی
بولرنی بیله سیزمی؟
پامدورنینگ اناطولی گه کیلیب چیقیشی
پامدور ایشلب چیقریشده دنیا مقیاسیده مهم اولکه لردن بیرته سی بولمیش تورکیه توپراقلریده انچه کیچ یوزه گه چیققن لیگینی بیلرمیدینگیز؟
کیلیب چیقیشی جنوب و اورته امریکانینگ غرب قیرغاقلریده جایلشگن تاغلر بولمیش پامدور، امریکاده کشف ایتیلگندن کیین تورت عصر ایچیده برچه دنیاگه ییره ب کیته دی و اینگ کوپ ییتیشتیریلگن نباتاتلردن بیرته سی بوله دی.
پامدور اروپاگه بیزش نباتاتی ایتیب کیلتیریله دی. قیزیل پامدورلر زهرلی دیب ایتیلگن لیگی اوچون 16- عصرگچه آشخانه لرده ایش آلینمه گن. عثمانی آشخانه سیگه ایسه ینه ایککی عصر کیین کیرگن. اناطولی گه کیلیب چیقیشی 1723 ییلی اولاً سرای نینگ مصرف رویخطیده کوریلیشی بیلن باشلنه دی. عثمانی آشخانه سیگه کیرگن دستلبکی پامدور کیچیک قیزیلچه گه اوخشه گن پامدورلردیر. اولاً فرنک آلمه سی ایتیب اتلگن پامدور یشیل غوره لیک پیتیده سوپ، تورشو و دولمه قیلینر ایکن، قیزیل رنگ گه ایلنگنده بوزیلگن لیگی توشونچه سی بیلن آتیلماقده ایدی. قیزیل رنگده گی پامدور 19 – عصرده ایش آلینیب باشلنه دی. پامدور بیر مدت کیین عثمانلی آشخانه سیده مهم اورین گه ایگه بوله دی. روب نینگ بو باسقیچده کیلیب چیققن لیگی ایتیلماقده.
بیرینچی جهان اوروشیدن کیین آدانا و تراکیا منطقه لریده باشلنگن پامدور تولیدی قیسقه مدتده تورکیه گه ییره ب باره دی. بوگونگی کونده پامدور، تورک آشخانه مدنیتی نینگ وازکیچیلمس بیر عنصری و شونده ی بولیب تورکیه دنیانینگ اینگ کوپ پامدور ایشلب چیقرگن اولکه لردن بیرته سی دیر.
