کورلیک نینگ تداوی سی اوچون فضا ده علمی تدقیقات آلیب باریلماقده

یاروغلیک کوز گه کیرگندن سونگ, فوتورسیپتور لر دیب اته له دیگن نور گه سیزگیر حجره لرنینگ اونی الکتریکی سیگنال لر گه ایلنتیره دیگن اورگان نینگ آرقه سیده گی یوقه بیر طبقه دن عبارت بولگن retina (کوز توری) گه ییتیب باره دی.  کیین ایسه اوشبو سیگنال لر انالیز ایتیلیش اوچون مییه گه یوباریله دی. 

بو ایسه اینگ ساده بیر شکلده قنده ی قیلیب تیگره گی میزده نرسه لرنی کوریاتگن لیگی میز نی توشینتیریب بیرماقده بیز گه. 

کوپلب کوز کسللیک لری فوتورسیپتور لر گه ضرر ییتکزیب کوریش معما لری و حتی کورلیککه سبب بولماقده. 

میلیونلب کیشی نی قیزیقتیریاتگن اوشبو معما نینگ ییچیلیشی اوچون انیق بیر تداوی میتودی موجود ایمس.  بیراق فضا نی هم قمره گن قیزیق پروژه لر موجود. 

مصنوعی retina لر توغریسیده تدقیقات آلیب باریلماقده

لامبدا ویژن (LambdaVision) شرکتی, مصنوعی retina اوچون باتریور اودوپسین (bakteriorhodopsin) دیب اته له دیگن بیر پروتین دن فایده لنماقده.  

اوشبو مصنوعی retina لرنینگ متضرر بولگن رسیپتور لرنینگ اورنی نی آلیب retina لری بوزیلگن کیشی لر نینگ کوریش قابلیتی نی قیتیریب کیتیریش اوچون علمی تدقیقات لر دوام ایتماقده. 

مصنوعی retina لرنینگ هر قیسی سی, بیر ترماق غشاسی اوستیده 200 پروتین قتلمی نی قمره ماقده. 

اوشبو قتلم لر قنچه منظم بولسه, امپلانت شونچه یخشی ایشله یدی.  تولید جریانیده حتی ییر نینگ تارتیشیش کوچی قدر جوده کیچیک بیر کوچ نینگ هم بعضی معما لر گه سبب بولیشی ممکن. 

ییر نینگ تارتیشیش کوچی نینگ صفر بولگن فضا دن فایده له نیله دی

هیچ قنده ی بیر قیین چیلیگی بولمه گن پروتین قتلم لری اوچون اورنه شیاتگن لامبدا ویژن, فضا ده مصنوعی retina لر ایشلب چیقاریش اوچون تدقیقات آلیب باریش گه قرار قیلدی.

لامبدا ویژن شرکتی مسئول لری, بوتونله ی اوتوماتیک سیستم لر گه ایگه کیوب لاب (CubeLabs) لردن فایده له نیب اوشبو توغریده تدقیقات آلیب باریش اوچون فضایی فعالیت لر بوییچه بیر شرکت دن عبارت بولگن Space Tango  نینگ مسئول لری بیلن اوچره شدی. 

ناسا دن 5 میلیون دالرلیک یاردم آلگن ایلک کیوب لابی نی میلادی 2018- ییلده خلق ارا فضا استیشنی گه یوباردی و اوندن کیین تورت تجربه عملگه آشیریلدی.

بیشینچی کیوب لاب ایندی دنیا گه قیتیب کیلدی و لامبدا ویژن نینگ ایلک انالیزی گه کوره, ایچیده گی 200 قتلم لی retina لر, دنیا ده ایشلب چیقاریلگن retina لردن منظم راق. 

کیلگوسی ییل مابینیده ینه اوچ کیوب لاب نینگ خلق ارا فضا استیشینی گه ییتیب باریشی ریجه لنماقده. 

لامبدا ویژن 2024- ییلده اوشبو retina لر نی فایده له نیش گه تیار بیر وضعیت گه کیتیریش نی امید قیلماقده. 

اوشبو تجربه لرنینگ یوتوقلی بولیشی تقدیرده, قری کیشی لر ده کوز معما لری نینگ تداوی سی بوییچه هم علمی تدقیقات لر باشله یدی.