تورکیه نینگ ارزینجان ولایتی گه منسوب تولوم پنیری توغریسیده قیسقه معلومات

تورکیه نینگ شرقی انادولو منطقه سیده جایلشگن ارزینجان ولایتی نینگ مشهور تولوم پنیری (پیشلاغی), ارزینجان تجارت اتاق لری نینگ طلبی گه بناً میلادی 2000- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  ارزینجان تولوم پیشلاغی, آق و کریمی رنگده, آسانلیک بیلن توزیب کیتمه یدیگن, اوزی گه خاص بیر مزه سی بولگن, یریم قتتیق بیر پیشلاق دن عبارت.  اوشبو پیشلاق آق قهرمان جنسی قوی لر دن قولگه کیریتیلگن و اپریل- سپتامبر آی لری آره سیده ساغیلگن سوت دن تیارلنماقده.  پیشلاق نینگ تولیدی اوچون بیر نیچه مراتبه سوزیلگن سوت گه, تقریباً 2 ساعت دمی نی آلیشی آرتیدن مایه قوشیله دی. مایه لنگن سوت, بیر ساعت کیین خاص بیر شکلده سوزیله دی.  5 کیلوگرام لیک توربه لر گه سالینیب سووی نینگ آقیب کیتیشی ایسته لگن پیشلاق, تقریباً 10 کون کوتتیریله دی.  کیین پارچه لر گه ایلنگن پیشلاق ارزینجان نینگ کماه تومنی دن قولگه کیریتیلگن توز بیلن توزله نه دی. ارزینجان تولوم پیشلاغی, اینگ سونگ ایچکی و قوی تیری سیدن تیارلنگن ایدیش لر گه جایلشتیریلیب ساووق هوالی بیر جای گه آلیب باریب قوییله دی.  اوشبو پیشلاق دن کمیده 4 آی کیین فایده له نیش ممکن.