گالاته قلعه سی

گالاته قلعه سی نینگ دنیانینگ اینگ قدیم قلعه لریدن بیرته ایکن لیگینی بیلرمیدینگیز؟

یونسکونینگ دنیا میراثی موقتی رویخطیده اورین آلگن و دنیانینگ اینگ قدیم قلعه لریدن بیرته سی بولمیش گالاته قلعه سی، عیندمده استانبول نینگ سمبوللریدن بیرته سی دیر. استانبول نینگ اروپا تامانیدن جایلشگن بی اوغلی تومنیده بوغزگه حاکم بیر جایده اورین آلماقده.

گالاته قلعه سی اولاً بیزانس امپراتوری جستینی آنوس تامانیدن میلاددن کیین 508 ییلیده قوریلگن دیر. انچه اوروش گه شاهد بولیب و زیان ییتگن قلعه 1349 ییلی جنویزلیکلر تامانیدن قیته دن قوریله دی. 1500 ییللریده ییر قیمیرلش حادثه سیدن زیان کوریب قیته قوریلگن قلعه نینگ اوست قواتی گه 3- سلیم دوریده بیر بولیم قوشیله دی. 1831 ییلی قلعه ده بیر یانغین یوز بیره دی و تکرار قیته قوریله دی. 2 – محمود قلعه نینگ اوستیگه ینه ایککی قوات قوشه دی و قلعه نینگ تیپه سیده گی کلاه شکلیده یاپیله دی. 1976 ییلی قیته قوریلگن قلعه 2020 ییلیده سونگگی مرته قولدن اوتکزیله دی.

عصرلردن بیر استانبول نی بیزه گن گالاته قلعه سی بیر چیراغ قلعه سی ایتیب قوریلر ایکن تاریخ بویلب زندان، یانغین قلعه سی کبی ایریم مقصدلرده ایش آلینگن دیر. توپلم 11 قواتدن عبارت قلعه نینگ یوکسک لیگی 69 متر زمین ساحه سی ایسه 208 متردیر.

استانبولده کوریله دیگن جایلردن بیرته سی بولگن گالاته قلعه سی بوگونگی کونده موزیم ایتیب ایش آلینماقده و هم محلی همده چیت ایللیک سیاحلر کیلماقده.