کروناویروس و خلق ارا همکارلیک

کروناویروس و خلق ارا همکارلیک

کرونا ویروسی بوتون دنیاگه تاثیر قالدیریش گه دوام ایتماقده. بونینگ قچان و قیسی مرحله ده واداغگه ییته جگی بوییچه یخشی یمان تخمینلر بار. یخشی سناریو بو ویروس نینگ می آییده کنترول آستیگه آلینیشی دیر. یمان سناریونینگ ایسه ایریم بعدده قولگه آلیش کیره ک. شونده ی بولیب بو ویروس نی کنترول آستیگه آلیش بیر ییل دوام ایتیشی ممکن و بو بیر ییل ایچیده ایکیینچی بیر واقعه نینگ یوزه گه چیقیشی هم ممکن. باشقه تاماندن یمان سناریونینگ کوپ بعدلی نتیجه لری هم بولیشی ممکن. کرونا، گلوبال مقیاسده همچمعیت لرگه اورته گه چیقره دیگن ساغلیق تخریباتی و گلوبال اقتصادگه گه کتته تاثیر قالدیریشی ممکن.

ویروس نینگ مرکزیگه ایلنگن امریکا قوشمه ایالتلریگه قره ب وضعیت نینگ یمانلیگینی کوریش ممکن. ترامپ نینگ ایتگن لریگه قره گنده امریکا قوشمه ایالتلریده آلینگن چاره – تدبیرلر سایه سیده 2 میلیون انسان نینگ اولیشی گه مانع بولگن. بیراق ترامپ بیلدیرگن موجود رقم هم هیچ قانیقرلی ایمس. امریکا قوشمه ایالتلری بو ویروس عاقبتیده 100 الی 200 مینگ وطنداشی نینگ حیاتینی یوقاتیشینی اویله ماقده. ویروس نینگ مرکزی بولمیش و وضعیت نینگ یخشی بولیب بارگن لیگینی اعلان قیلگن چین نینگ قنچه شفاف ایکن لیگی نا معلوم. انچه کیشی و متخصص چین نینگ تلفات رقملرینی یشیرگن لیگینی ادعا ایتماقده. هر اولکه اوزی ملی کورش ایچیده بولسه هم ینه ده خلق ارا مقیاسده ییچیم تاپیش مجبوریتی بار. ایندی برچه اولکه لر بونی بیلیب آلگن. ایندی نیمه بوله دی؟

اصل سوال بو در حقیقت.   

خوفسیزلیک بوییچه تیکشیرووچی یازووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز.

خلق ارا همکارلیک، ویروس نینگ اینیقسه فبروری و مارچ آیلریده گی جریانی گه قره گنده وضعیت هیچ یخشی ایمس. هر اولکه اوز معماسینی برطرف ایتیش بوییچه آدیملر آتیش گه حرکت قیلدی. دنیا ساغلیقنی سقلش گروهی کبی ویروس توغریسیده اینگ صلاحیتلی و اینگ تاثیرلی بولیشی کیره ک بولگن اداره هم چاره – تدبیر آلینیشی توغریسیده تیزلیک بیلن حرکت قیلالمه دی. بو ایسه تشکیلات نینگ تنقید ایتیلیشی گه سبب بولدی.

خلق ارا همکارلیک توغریسیده حاضرچه چین انچه اولکه گه ویروس نی کنترول آستیگه آلگن لیگینی ادعا ایتیشی نینگ آرتیدن یاردم ییتکیزیب بیریش گه باشله دی. چین اولکه سی ایتالیا بیلن بیر قطارده اروپانینگ انچه اولکه سیگه طبی مواد ییتکیزیب بیردی. اروپا بیرلیگی بیر نهاد اوله راق قرار آلیب عملی قیلیش بوییچه ضعیف قالدی. اتیالیا، اسپانیا و فرانسه نینگ بعضی بیر شهرلری نینگ دولت اداره لریده اروپا بیرلیگی بیراقلری توشیریلدی و اولکه بیراقلری آسیلدی. اروپاگه یاردم ییتکیزیب بیرگن اولکه فقط چین بیلن چیکلنیب قالگن ایمس. روسیه هم یاردم ییتکیزیب بیرگن اولکه لر قطاریده. اوز وضعیتی قانیقرلی بولمسه هم روس عسکری واسطه لری طبی یاردم بیریش اوچون روم کوچه لریده کوریلدی. اروپانینگ تاریخی جهتیدن کوریلمه گن بیر وضعیت. تورکیه هم انچه اولکه گه یاردم ییتکیزیب بیرگن اولکه لر قطاریده اورین آلماقده. ویروس چینده اوچ سالگن پیتده تورکیه یاردم ییتکیزیب بیرگن بیرینچی مملکت بولگندی. انقره باشده امریکا قوشمه ایالتلری بیلن بیر قطارده اروپا و اورته شرق اولکه لریگه طبی مواد ییتکیزیب بیردی.

خلق ارا همکارلیک نینگ اینگ مهم نقطه سی شبهه سیز ویروس گه قرشی کوره ش موضوعی دیر. کروناگه قرشی کوره ش بوییچه واکسین تاپیلیشی توغریسیده بعضی بیر یخشی خبرلر بولسه هم هنوزگچه قانیقرلی بیر ییچیم تاپیلگن ایمس. طب مشترک بیلگی پایلشیلگن ساحه لرنینگ باشیده اورین آلماقده. بیراق اولکه لر شو وقت پاندمی گه قرشی کوره بوییچه واکسین نی اوزلری کشف ایتیش اوچون اورونماقده لر. کرونا تستی انیقلش کیتلری نینگ تیز و انیق نتیجه بیریشی اوچون بیر بیرلری بیلن رقابت قیلیب بارماقده لر. شونده ی بولیب بو گلوبال داری بازاری اوچون هم انچه اهمیت گه ایگه. یشیرنچلیک، جریان نینگ اوزون بولیشی و ایشانرلیک بو ساحه ده گی همکارلیکدن ایلگری توره دی.

خلق ارا همکارلیک نینگ کرونادن کیین اینگ کوپ احتیاجی بولگن ساحه ایسه اقتصاددیر. امریکا قوشمه ایالتلری 2 تریلیون دالردن آرتیق پول اجره تیب ویروس نینگ تاثیرینی کمه یتیریش گه اورونماقده. گلوبال مقیاسده ویروس گه کوره ش اوچون اجره تیلگن پول مقداری 5 تریلیون دالرگه بارگن. بیراق ویروس نینگ گلوبال اقتصادگه قنداغ تخریب قیلیشی نامعلوم. بنا هم ملی اقتصادلر همده گلوبال اقتصاد بوییچه خساره تثبیتی نینگ قیلینیشی نینگ آرتیدن گلوبال اقتصادی تیزیم نینگ نورمال وضعیت گه باریشی بیر ییلدن کوپراق وقت آله دی. شو وقت اینگ کوپ احتیاج بولگن نرسه خلق ارا همکارلیک. شو اوچون چین – امریکا قوشمه ایالتلری تجارت اوروشی نینگ تیزلیکده نهائی بولیشی و ایککی سوپر کوچ نینگ اقتصادی تیزیمی نینگ ایشلب توریشی اوچون توقنه شوو ایمس، همکارلیک ترجیح ایتیلیشی کیره ک. باشقه تاماندن آی ایم ایف و دنیا بانکی و ایریم اقتصادی نهادلرنینگ مشترک بیر کوره ش شکلی انیقلشتیریشی کیره ک.

خلق ارا همکارلیک نینگ ضرورتی بولگن ایریم بیر موضوع ایسه توقنه شوو دوام ایتیب تورگن ساحه لر بولیشی کیره ک. لیبیادن یمن گچه، اورته شرق و شمالی افریقا منطقه سیده توقنه شوولرنینگ ادغگه ییتکیزیلیشی اوچون کرونانینگ ارتیدن انیق قانیقرلی ادیملر اتیلیشی کیره ک. گلوبال مهاجر بحرانی نینگ اینگ مهم سببی ایچکی اوروش دیر. کرونا کبی ییره شی تیز بولگن بیر گلوبال کسل لیک نینگ مهاجر بحرانی کبی بیر بحران بیلن بیرلشیشی دنیا سیاستینی ناجبران بیر دورگه توشیریشی ممکن.

کرونانینگ تاثیرلری اوزاق مدت مطرح بولیب دوام ایته دی. کرونانینگ آرتیدن حیات کیچیریب تورگن دنیانینگ اوستیده قیته باشدن ایلش گه مجبور بوله میز. بو درس بولیب انسان اوغلی نینگ خطالرینی توزه تیشی اوچون کتته فرصت بار.

خوفسیزلیک بوییچه تیکشیرووچی یازووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.