تورکیه - چین مناسبتی

اوّلگی دستوریمیزده تورکیه ده چین گه قره ته بیر نا باورلیک موجود ایکن لیگینی بیلدیررایکن، چین انقره بویوک ایلچی لیگی نینگ دعوتی گه بناً بولگن چین سفریمیز نقطه‌ی نظریدن اعتبار قره‌تگن ایدیک. اوشه جایدن دوام ایته میز.

 انقره ییلدیریم بایزیدعالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.

ایککی اولکه نینگ حدودلرنی آشیش فعالیتی: تورکیه بیلن چین اوزاق مدتلی تاریخی، مدنی و مدنیت اوتمیشی بولگن بیراق 20 – عصرده بو تاریخی اوتمیش تجربه سی محدودلشتیریلگن ایککی مملکت. کوتیلگن نینگ عکسینچه ایککیسی هم گلوبال لشیش جریانیدن غربی مملکتلرگه کوره کوپراق یوتوق قولگه کیریتدی. حاضرگی اورینلری 20 عصرده اولرگه تعیین قیلینگن حدودلرنی آشیب بارماقده لر. تورکیه بونی علنی قیلرکن چین سیس سیز صداسیز آلیب بارماقده.

ایککی مملکت نینگ بیر بیری گه بولگن ضرورتی: تورکیه هم چین کبی سرعتلی رواجلنیب بارگن، کیلگوسی ییللرده دنیانینگ بیرنیچه کوچلی اقتصادگه ایگه مملکتی قطاریده آتی توتیلگن مملکتلردن دیر. چین هم تورکیه هم گلوبال سویه ده کوپراق رول آلیش اوچون اورونماقده ایکن گلوبال اکتورلر تامانیدن محدودلشتیریش قیین چیلیگی بیلن دوچ قالگن. گلوبال اکتورلر بیلن بیر تامانلمه ایمس، توازنلی مناسبت قورماقچی بولگن ایککی اولکه اوله راق بیر تینگ استراتیژیک قیین چیلیکلر گه دوچ قالگن. ایککی مملکت هم طبیعی منبع جهتیدن تشقریگه باغله نیب قالگن. انچه گلوبال اوزگریش و ینگی لیکلرگه قره ته ایککی اولکه نینگ تینگ سیاست آلیب بارگن لیگی کوریلماقده. ایککی مملکت نینگ هم امریکا قوشمه ایالتلری نینگ چیکلاو و تهدیدی آستیده بولیشی امریکا قوشمه ایالتلری نینگ دایره سیده گی اورته شرق سیاستلرینی قبول قیلمس لیکلری، تولید قیلووچی و تجارت قیلووچی مملکت بولیشلری، بناً اورته شرق مملکتلری بیر قطار محصولات ساتیش اوچون دنیاده اوریش ایمس، تینچ لیک و بیرملیک که ضرورتی بولگنی، ترقی قیلگن اکتورلر بولگن لیکلری اوچون ایچی گه یاپیق ایمس، آچیق لیک سیاستینی اولویت گه قرار بیریشلری قرشی لشیب قالگن دالردن ایش آلیش بحرانینی برطرف قیلیش ملی پول استفاده قیلیش فعالیتلری (چین – روسیه اورته سیده ملی پول استفاده قیلیش اوچون بیر کیلیشووگه قول قوییلدی) جمهور باشلیغی طیب ایردوغان چین ده گی گلوبال تایمزگه یازگن یازوویده تذکر بیرگندیک، ینگی بیر دنیا تیزیمی قوریلیشی اوچون ایککی اولکه نینگ همکارلیگی انچه مهم دیر. بو همکارلیک نینگ ظرفیت و حجمی اوچون ایککی مملکت اورته سیده گی مسئله نی هم مطرح قیلیشی کیره ک.

اویغور مسئله سی ویا بویوک بیر ستراتیژی نینگ شرطی: تورکیه دن چین دولتی نینگ دعوتی گه بناً ویا خصوصی بارگن هر کیم گه چین نینگ اویغور تورکلری موضوعسی بوییچه انچه حساس ایکن لیکلری بو توغریده سوز ایتیلمس لیگی بوییچه آگاهلنتیرگن ایدیلر. بو آگاهخلنتیروولرگه مین اونچه معنا بیرالمه گن ایدیم. بیر مهم حساس موضوع بولگنده بونی مطرح قیلمس لیک قنچه توغری ایدی؟ بونی قنچه دوام ایتیش ممکن ایدی؟ عین دمده بو موضوع مونچه حساس بولسه ایریم موضوعلرنی مطرح قیلیب آلغه باریش ممکن ایدی می؟ اوزیمیزنی اوتماق بولمه یدی می بو؟ مین کوتگن دیک بولدی. هر تورت اوچره شووده اوچته سیده بو مطرح بولدی. بعضاً چین هیئتلری تامانیدن، بعضاً بیزنینگ هیئتیمیز تامانیدن مطرح بولدی. قیزیق بیر شکلده چین تامانیدن بو موضوعده تورکیه تامانی گه کوره کوپراق حساسیت بولگنینی کوردیک. بیز تاماندن مسئله نینگ قنداغ کوریلگن لیگینی بیله میز. فعالیتلریمیز چین تامانی نینگ بو مسئله گه قنداغ یانداشگنینی کوریشیمیزگه وسیله بولدی. چین تامان بونی غربی مملکتلرنینگ اولرنینگ اتیلگریلب باریشلریگه توسیق بولیش اوچون دامن اورگن لیگینی ایتماقده لر. اویغورلرنینگ بو مملکتلر تامانیدن استفاده قیلینگنینی اویله ماقده لر. بونینگ ایچکی مسئله لری بولگنینی تورکیه نینگ ایچکی مسله لریگه اره لشمس لیگی کیره ک دیب افاده ایتماقده لر. غربی مملکتلرنینگ اولرنی پارچه لش اورونیشی گه شریک بولمس لیگینی خواهله یدیلر.

اویغور منطقه سی تورکیه چین مناسبتی جهتیدن انچه مهم بیر موضوع دیر. اویغورلر بیلن تیگیشلی اوله راق تورکیه بیلن غرب دولتلری نینگ یانداشووی بیر بیریدن انچه فرقلی دیر. بیر قطار غربی مملکتلر قیریم مسئله سیده روسیه ده گی کبی اویغورلرنی چین نینگ رواجلنیشی گه توسیق بولیش اوچون استفاده قیلماقچی بولیشلری ممکن. بو مملکتلر اوچون اویغورلر انسانی بیر جمعیت بولیشلریدن قطعی نظر اولر اوچون رقیبلریگه قرشی ضرر بیریشدن باشقه چه اهمیتی یوق. حال بوکی تورکیه نینگ اویغورلر بیلن بولگن مناسبتی تاریخی و مدنی و قرینداشلیک سببلریدن باعث دیر. تورکیه نینگ ایریم مملکتلرده هم قرینداش لری بار. تورکیه نینگ بو جمعیتلر بیلن بولگن مناسبتی ترجیح ایمس، تاریخی مسؤلیت دیر. تورکیه نینگ بو اولکه لرده گی آماجی ایچکی ایشلریگه اره لشیش ایمس، بو جحمعیتلرنینگ اجتماعی، مدنی و انسانی اوله راق تینچ لیک ایچیده یششلری و یشه گن مملکت نینگ رواجلنیشی گه حصه قوشیش لری دیر. تورکیه بالقانلر، روسیه، اورته شرق، ایران و ایریم مملکتلرده گی تورک موجودیتینی بو مملکتلر بیلن مناسبتینی رواجلنتیریش اوچون بیر فرصت اوله راق کورماقده. تورکیه اویغورلرگه اصلا بعضی بیر مملکتلر کبی یانداشمه یدی. بناً تورکیه نینگ بو مملکتلر کبی یشیرنچی آژانده سی هم یوق.

مشترک فعالیت گروپی: اویغورلرنینگ اولرگه قرشی استفاده قیله یاتگن حساسیتلریگه قرشی چین گه یاردمچی بوله دیگن یگانه مملکت بلکه تورکیه دیر. چین نینگ بوندن آرتیق آچیق لیک سیاستینی تعقیب ایتیشی، تورکیه بیلن کوپراق علاقه ده بولیشی اولرگه قرشی بولگن یانداشوو ویا سیاستنی تاثیرسیز وضعیت گه کیلتیره دی.

بودایره ده ایککی مملکت نینگ بیر بیری گه شبهه بیلن یانداشووی نینگ اورنیده یقین همکارلیک ضرور دیر. بو چوکاتده اویغور منطقه سی بیلن بیر قطارده چین بیلن تورکیه اورته سیده گی معمالرگه ییچیم تاپیش اوچون مشترک فعالیت گروپی ایجاد ایتیش ممکن.

باشقه تاماندن اویغور منطقه سیده یوز بیرگنلرنی کورمه ییشیمیز ممکن ایمس. اونی کورمه ی توریب انیق مناسبت ایجاد ایتیش ممکن ایمس. عهکسینچه یانداشوونینگ نی تورکیه، نی چین و نی اویغورلرگه بیر فایده سی بولمه یدی. اولاً تورکیه چین مناسبتی بیلن تیگیشلی ستراتیژیک بیر غایه تعیین قیلیش کیره ک. اویغورلر تورکیه – چین ستراتیژیک مناسبتی نینگ همه سینی ایمس بیر پارچه سینی تشکیل ایتیشی کیره ک. بو توغریده تامانلرنینگ یقین فعالیتلری و ستراتیژیک بیر یانداشوو بیلن برقرار بوله دی.

نتیجه ده اقتصادی رواجلنیشی، تکنالوژیک رواجلنیشی، دنیاده آرتیب بارگن آغیرلیگی و تورکیه بیلن تولیق همکارلیک ساحه لری قولدن بیریلمه یدی. رد قیلسه لر هم چین سوپر کوچ بولیش اوچون آلغه بارماقده. چین سیاستی، خلق ارا مناسبتی، اقتصادی، اجتماعی اورنی، مدنیتی، ملکی و عسکری تکنالوژیسی و ایریم ساحه لری توغریسیده دولت اداره لریمیز، بیلیم یورتلریمیز، توشونچه اویوشمه لریمیز، خصوصی سکتوریمیزنینگ کوپراق فعالیت قیلیشی و بو توغریده متخصص ییتیشتیریشی مجبوری دیر. یول نینگ باشیده ایکن لیگیزنی بیلیب آلیب مملکتیمیز و نماینده لیگینی قیلگن جایگاهی نینگ گلوبال چاغده ییترلی رولنی آلیشی اوچون چین بیلن مناسبتیمیز توغریسیده توغری معلومات کسب ایتیش اوز پنجره میز دایره سیده ستراتیژیک همکارلیک کیره ک دیر. 

انقره ییلدیریم بایزید عالی بیلیم یورتی سیاست علملر فآقولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.