S 400 می؟ یاکه امریکا قوشمه ایالتلری نینگ باشقه جهتگه یونه‌لیشی می؟
تحلیل و تیکشیروو
تحلیل تیکشیروو 24
S 400 می؟ یاکه امریکا قوشمه ایالتلری نینگ باشقه جهتگه یونه‌لیشی می؟
تاریخ نینگ معین دورلری ترتیب و نظام تشکیل ایتیش وقتلریدیر. اوشبو مدتلر دوامیده توزیلگن ترتیب و نظاملر ناانیقلیک یاکه ترتیبسیزلیک نینگ ینگی محیطی بولگونگه قدَر دوام ایته‌دی.
اروپاده 30 ییللیک اوروشنی توگه‌تگن ویستفاليا ترتیب و نظامی و ایکّینچی جهان اوروشیدن کیین یلتا کنفراسسی بیلن تشکیل تاپگن "ساووق اوروش" ترتیب و نظامی بیرینچی ایسگه کیلگن گلوبال ترتیب و نظامدیر. یلتا کنفراسسیده انگلستان باش وزیری وینستون چیرچیلل، امریکا قوشمه ایالتلری باشلیغی فرانکلین روزویلت و سوویت اتفاقی باشلیغی جوزیف ستا‌لین 1945 ییلده قریم نینگ کیچیک شهرچه سی یلتا‌ده اوچره‌شدی و بوگونکی کونده ینگیسی تشکیل تاپمه‌گن ساووق اوروش نینگ اساسی قوییلگن ایدی.
انقره ییلدیریم بایزیدعالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.
ینگی گلوبال ترتیب و نظام ایزلنیشلری
"گلوبال ترتیب، عدالتگه، راضیلیککه و انسانیت نینگ عمومي منفعتلریگه اساسلنگن بولیشی شرط ایمس. گلوبال عدالت ترتیبی علیحده بیر مسأله، علیحده ایزلنیش و بیر احتیاجدیر. گلوبال ترتیب و نظامگه کوره، اکتورلر انیق قیلینگن و تامانلر مجبوري روشده یاکه کونگیللی روشده گلوبال تیزیمده ایشلشگه قادر بولگن میکانیزمنی نظرده توته‌‌دیلر. عدالتگه اساسلنیشی شرط ایمس، بولمه‌گن و عموماً بونده‌ی یانداشوو‌لر انیقلنمه‌گن، شو نینگ اوچون نتیجه‌لر نظرده توتیلگن بیر ترتیب و نظامدیر .
انسانیت 21- عصرگه ساووق اوروش ترتیب و نظامی توگه‌گنلیگی، اما ینگی ترتیب و نظام حلی حاضر انیقلنمه‌گنلیگی ینه بیر ناانیقلیککه کیردی. ناتو و ورشو‌وا بیتیملری و غرب و شرق بلاکلری اورته‌سیده‌گی ساووق اوروش سوویت اتفاقی نینگ پارچه‌لنیشی بیلن توگه‌دی.
حالی حاضر، ساووق اوروش نینگ ایکّی قطبلی دنیاسی، اینگ عمومي معناده، تورتته اساسي یونه‌لیش موجوديتینی ایتیش ممکن.
امریکا قوشمه ایالتلری یونه‌لیشی : امریکا قوشمه ایالتلری اوزینی مرکزلشتیره‌دیگن امریکا امپراطورلیگینی سه‌قلب قالیشگه حرکت قیلماقده. شونده‌ی قیلیب، اوّلگی ییللرده‌گی کبی یومشاق کوچ یاکه عموم‌انساني قدریتلر، امریکا آرزوسی کبی آدملر اوچون ینه‌ده کوپراق خوش یاقیشنی اویغاته‌دیگن سیاستلرنی ترک ایتیب، توغریدن-توغری منفعت مرکزلی کوچ سیاست آلیب بارماقده. امریکا قوشمه ایالتلری ایندی ینه ایجابي و ثمره‌لی کون ترتیبی بیلن تکرار گلوبال رقابت بیلن اورته‌گه چیقیشی کوتیلمه‌یدی. شو نینگ اوچون امریکا قوشمه ایالتلری باشقه مملکتلر نینگ گلوبال رقابت شرایطیده مشهور بولیشیگه یول قویمسلیک سیاستینی آلیب بارماقده. شو نقطه‌ی نظردن، امریکا قوشمه ایالتلری، بوندن آلدین گلوباللشوو غایه‌سی بار ایکن حاضرگی پیتده گلوباللشووگه قرشی سیاستلرگه تیا‌نماقده.
روسیه یونه‌لیشی : SSCB ترقه‌لیشیدن سونگ، روسیه اوزینی تیکلنیش اوچون کوره‌شماقده. روسیه هیچ قچان گلوبال مقیاسده جاذبه مرکزی بولمه گنی سببلی، تیکلنیش اوچون اورینیشلری اساسن حربي درجه‌ده و باشقه قتّيق کوچ سیاستلری یوریتماقده.
چین یونه‌لیشی: چین اقتصادي کوچ صفتیده جوده ثمره‌لی طرزده رواجلندی، بیراق سیاسي و حربي کوچ صفتیده میدانگه چیقمه‌گن.
خصوصاً، امریکا قوشمه ایالتلری باشقه اکتورلر حربي و سیاسي کوچلر صفتیده اوز موجوديتینی انیق کورسه‌تمسه هم چین حاضر‌گینه فقط اقتصادي و تکنالوژیک کوچ صفتیده اوزینی نمایان قیلماقده.
گرچه او جوده برقرار بولمه‌سه-ده، حاضرگی پیتده سیاسي یانداشوو‌لردن اوزاق تورماقده. مثال اوچون، امریکا قوشمه ایالتلری هندوستاننی اوزیگه قرشی قوللب-قوّتلر ایکن، او کشمیر مسأله‌سیده هندوستانگه قرشی آچیق یانداشوونی ایگلله‌مه‌یدی.
عدالتگه اساسلنگن ینگی بیر یونه‌لیش گه احتیاج بار
تورتینچی یونه‌لیش ایسه گلوبال عدالتلی یونه‌لیشی . افسوسکی، بونده‌ی بیر یونه‌لیشی حلی حاضر موجود ایمس. یوقاریده ایتیب اوتیلگن اکتورلردن تشقری، گلوبال مقیاسده عدالتگه احتیاج بار. گلوبال عدالت یونه‌لیش فقط خلق‌ارا سیاستنی اساسی درجه‌ده عملگه آشیریشده ایمس، بلکه باشقه منفعت موازنتینی تأمینلشده هم دارلزرب اهمیتگه ایگه.
20- عصرده پیدا بولگن اروپا اتفاقی گلوبال اکتور ایمسلیگی جوده هم انیق. اروپا اتفاقی 21-عصرده اوز موجوديتینی دوام ایتتیریشی انیق ایمس. بیراق، اروپا اتفاقی دولتلری نینگ ایمس، بلکه اروپا اتفاقی قدریتگه اساسلنگن بعضی حرکتلری گلوبال عدالتگه اساسلنگن ترتیب و نظامنی کوریب چیقیشی ممکن.
تورکيه نینگ منطقوي سیاست و گلوبال عدالت اوچون قیلگن فعالیت و چقیریقلری یعنی "جهان بیشدن کتّه‌راقدیر" چقیریقلری ایسه گلوبال عدالت ایزلنیشلری نینگ باشیده کیلماقده. بو نینگ بیلن بیرگه‌لیکده گلوبال عدالتگه اساسلنگن بیر مرکز قیدیریش اوچون فعالیت قیلگن ییترلی درجه‌ده اولکه هم موجود ایمس و آوازلرینی چیقره‌دی دییش هم ممکن ایمس. انسانیت اوچون قدریتگه اساسلنگن تینچلیک و عدالت ترتیبینی تأمینله‌یدیگن بونده‌ی بیر یونه‌لیش نینگ اکتورلری اوزلری نینگ موجودلیگینی کورسه‌تیش اوچون کوپراق فعال و همکارلیک سیاستینی آلیب باریشلری کیره‌ک.
تورکيه و امریکا قوشمه ایالتلری اورته‌سیده‌گی انقراضنی کیلگوسی هفته تحلیل قیلیش گه دوام ایته‌میز. اما حالی حاضر مسأله S 400 موضوعسی ایمسلیگی ، مسأله غرب و غرب طرفداری محورلر نینگ قطعيلیک بیلن تأکیدله‌گنلری نینگ عکسیگه، تورکيه‌دن کوپراق، عمومده غرب و اینیقسه امریکا قوشمه ایالتلری نینگ اوزگرگن گلوبال اوستوار یونه‌لیشلری و اوزلرینی جایلشتیریش شکلیدن یوزه‌گه چیققن مسأله دیب ایتیش کفایه قیله‌دی.
امریکا قوشمه ایالتلری ساووق اوروش دوریدن بوتونله‌ی فرقلیلشگن و باشقه اولکه‌لرنی هیچ حسابگه آلمه‌گن استوار وظیفه‌لری اوزگرگن جریانگه S 400 یاکه اوخشه‌ش انقراضلر هم هر وقت موجود بولیشی ممکن.
انقره ییلدیریم بایزید عالی بیلیم یورتی سیاست علملر فآقولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.
