جولای آیی نینگ 15 نچی کونی: قاتل روبات لرنینگ کودتا تشبثی

تورکیه نینگ تشقریسیده یشیاتگن کیشی لرنینگ, کنترول دن چیقیب کیتگن روبات لرنینگ, اوزیگه خاص ویروس لر بیریلیب کنترول آستیگه آلینگن انسان لرنینگ یاکه اوز لری گه خاص وظیفه بیریلگن طریقت لرنینگ بشریتگه قره تیلگن تهدیدلری و اونگه قرشی آلیب باریلگن کوره ش نی فقط گینه فلم لر آرقه لی تماشا قیلگن بولیش لری ممکن. 

میلادی 2016 نچی ییلی جولای آیی نینگ 15 نچی کونیده تورکیه ده خوددی شونده ی بیر حادثه یوز بیردی. شونده ی قیلیب تورکیه اوشبو کون نینگ اوزیده فلم لرده گی کبی عادی شرایطده معصوم کورینگن لیکن ویروس یاکه بویروق بیریلگن پیتده وحشی له شیب قالگن فتح الله چی ترور تشکیلاتی  (فتو) نینگ کودتا تشبثی گه دوچ کیلیب قالدی. 

او کیچه نیمه بولدی؟

تورکیه قوراللی کوچلری و تورکیه دولتی نینگ باشقه اداره لری گه کیریب آلگن فتو اعضالری, امریکا قوشمه ایالتلریده یشیاتگن توغری یولدن انحراف قیلگن دینی رهبر لری فتح الله گولن نینگ بویروغی بیلن میلادی 2016 نچی ییلی جولای آیی نینگ 15 نچی کونیده حربی کودتا قیلیش گه تشبث قیلدیلر.  شونده ی قیلیب ایچکریده ایریم آدم لری نینگ همکارلیگی بیلن بعضی دولت اداره لری نی قولگه کیریتدیلر.  تی آر تی و سی ان ان تورک کبی ایریم رادیو و تلویزیون لرنی هم اشغال ایتدیلر.  اوروش لر جریانیده هم بمباردمان قیلینمه گن تورکیه جمهوریتی پارلمانی نی بمباران قیلدیلر.  سیلنگن جمهوررئیسی نی اوشلب آلیش اوچون اونینگ موجود بولگن منطقه گه قره ته هجوم اویوشتیردیلر. میلیونلب عادی اهالی ایسه اوشبو کودتاچی لر گه قرشی کوچه لر گه چیقدیلر.  خوددی شوو کودتاچی لر اوشبو عادی اهالی گه قره ته اوق اوزدی.  عادی اهالی و دولت اداره لری نی بمباران قیلدیلر.  خلق کودتاچی لر نینگ قولیده گی تانک لرنینگ ایچی گه کیردی و اوشبو تانک لرنینگ اونگی گه اوزی نی تشله دی. شونده ی قیلیب کودتا چی لر تاثیر سیز وضعیت گه کیلیتیردی.  بیراق اوشبو حادثه یوزلب کیشی نینگ شهید بولیشی و مینگلب کیشی نینگ ایسه یره له نیشی گه سبب بولدی.    

جهانگه دموکراسی درسی بیریلدی

تورکیه جمهوریتی جمهوررئیسی رجب طیب اردوغان نینگ دعوتی گه بناً خلق دموکراسی سی و کیله جگی نی اسره ب قالیش اوچون قهرمان لر کبی کودتاچی لر گه قرشی کوره ش آلیب باردی.  حتی شونده ی قهرمانانه کوره ش شکلی نی فلم لر ده هم کوریش ممکن ایمس.  تورکیه نینگ همه جاییده میلیونلب کیشی کوچه لر گه چیقدی.  عادی اهالی دولت اداره لری و حربی مرکز لرنی اوره ب آلدی.  فتوچی حربی لرنینگ اوق اوزیش لری گه قره مسدن اوشبو قهرمان خلق آرقه گه قدم تشله مه دی.  اوشه کیچه نینگ اوزیده مین هم کوچه گه چیققن ایدیم. انسان لر بیر گروپ یولدن انحراف قیلگن طریقت اعضا لری تامانیدن تورک ملتی نینگ اسیر قیلیب آلینیشی گه قرشی قهرمان لر کبی کوره ش آلیب باردی. 

تورکیه ده آلدین هم کودتا لر بولگن ایدی.  بیراق, ایلک مراتبه اوز خلقی گه قره ته اوق اوزگن کودتاچی لر گه دوچ کیلیب قالدی.  فرقلی مفکوره لر گه ایگه میلیونلب کیشی بیر نیچه هفته کوچه لرده کودتا گه تشبث قیلگن کیشی لر گه قرشی کوره ش آلیب باردی. شونده ی قیلیب اوشبو کیشی لر دموکراسی سی, کیله جگی و انسان لرنی کودتاچی لر گه قرشی قوریش گه حرکت قیلدی.  میلیونلب کیشی نینگ کوچه گه چیقیشی گه قره مسدن اوشبو کیشی لر اورته سیده هیچ قنده ی بیر منفی حادثه یوز بیرمه دی.  تورک ملتی اینگ وحشیانه کودتا تشبثی نی قنده ی قیلیب توخته تیش کیره ک ایکن لیگی نی جهانگه عملاً کورسه تیب بیردی.

میلادی 1990 نچی ییل لریده تیانانمن میدانیده, فخرلی چین لیک یاش بیر کیشی چین تانک لری نینگ اونگیده تورگن ایدی.  مییه لری باشقه لری نینگ کنترولی آستیده ایمس لیگی سببلی چین حربی لری آرقه گه قیتگن ایدی.  اوشبو قهرمانانه حرکت نی برچه جهان اولکه لری انعکاس ایتتیریب آلقیشله گن ایدی.  تورکیه ده ایسه منحرف دینی عقیده لری بیلن انسانلیک دن چیققن لیک لری اوچون, فتو اعضا لری, تانک لر بیلن انسان لر نی باسیب کیتدیلر.  بیرته گینه کیشی ایمس, بلکه برچه تورک ملتی نینگ قهرمانانه کوره شی نی ایسه جهان میدیاسی تقریباً هیچ کورمه دی.  خلق ارا جامعه تامانیدن تقدیر ایتیلمه گن لیگی گه قره مسدن, اوشبو قهرمانلیک داستانی نینگ هیچ بیر شکلده ایسدن چیقیشی ممکن ایمس. 

فتو نیمه؟

افسوس که فتو نینگ نیمه دن عبارت ایکن لیگی حاضرگی کونگه قدر خلق ارا جامعه تامانیدن ییترلی مقیاسده درک ایتیلگن ایمس.  فتو (فتح الله چی ترور تشکیلاتی) اعضالرینی, رهبریگه سئوالسیز بیر شکلده باغلب قویگن, اوز منحرف دینی عقیده سی دایره سیده بیر سیستم قوریش نی هدف قیلیب آلگن ترور تشکیلاتیدن عبارت.  اعضالری تامانیدن رهبرلری, سیلنگن بیر نجات بیروچی اوله راق بهالنتیریلماقده.  اوشبو دایره ده سوزده جهان نی نجات بیریش گه انتیلماقده.  خوددی شوو مقصد بیلن برچه اولکه لر, منطقه لر, شهر لر و محلله لرده امام لری موجود.  اعضا لری تامانیدن رهبر لری فتح الله گولن بیر اولکه ایمس بلکه جهان نی نجات بیره دیگن بیر "کائنات امامی" اوله راق بهالنتیریلماقده.  اوشبو جهتدن آلیب قره گنده فتو خلق ارا مقیاسده فعالیت آلیب باریاتگن بیر ترور تشکیلاتیدن عبارت. 

فتو, اعضالرینی خوددی شوو مفکوره گه ایشانتیریش اوچون اولر گه اوزاق بیر مدت بیلن تعلیم بیره دی.  اوشبو پروسه بیلن اعضا لری جامعه دن بوتونلی اوزاقلشتیریله دی.  یعنی فقط گینه اوز فکرداش لری بیلن حیاتی نی دوام ایتتیره دی.  اوشبو دایره ده اعضا لری عایله, ملت و مقدس اسلام دینی دن اوزاق لشتیریله دی.  معلوم بیر تاریخ, عنعنه و مدنیت گه ایگه ایمس لیگی سببلی تامیری بولمه گن بیر حرکت دن عبارت میلادی 1970 نچی ییل لریده فعالیت گه باشله گن فتو اعضا لری اوزلریگه خاص منحرف بیر عقیده گه ایگه بولیب قاله دی. باله لری فتو مکتب لریده اوقیگن عایله لر, انیق تعقیب ایتیش لری تقدیرده, باله لری نینگ اوز عایله لریدن اوزاق له شیب کیته دیگن لیگی نی کوره دی. 

شونده ی قیلیب قیته باشدن شکلله نیش لری آرتیدن فتو اعضالری, اوزیگه خاص و یاشیرینچ بیر وظیفه گه ایگه کیشی لردن عبارت ایکن لیک لری نی اویلی باشلَیدی.  سوزده (به اصطلاح) مقدس هدف لر گه ایگه بولیب قاله دیلر.  اوشبو هدف دایره سیده اولر گه بیریلگن اینگ مهم بویروق ایسه اوز لری نی یاشیریش لریدن عبارت بوله دی.  شونده ی قیلیب اولر جهتی دن اوز لری نی یاشیریش لری و هدف لری گه نایل بولیش لری اوچون استفاده ایتیلیشی ممکن بولگن برچه یوللر مشروع دیر.  شوباعث اوشبو ترور تشکیلاتی اعضا لری نی فرقلی فکرلر, کییم لر و شکل لرده کوریشنگیز ممکن.  مولانا جلال الدین رومی بلخی "یا بولگنینگ دیک کورین, یاکه کورینگنینگ دیک بول" دیگن لر.  لیکن بولر عکسینچه هیچ قچان بولگنی دیک کورینمیدی. نیت لری فرقلی ایکن لیگی سببلی ایسه اساساً کورینگن لیگی دیک هم بولمیدی لر.