آنه لر کونی گه خاص

بیزنی دنیاگه کیلتیرگن آنه لریمیزنینگ هیچ بولمه گنده ییل ده بیر بار ییتیب کیلگن آنه لر کونینی ایسلب قویه میز. شو مناسبت بیلن برچه آنه لرکونی قوتلوغ بولسین...
باله آنه رحمی گه پیدا بولیشی دن باشلب آنه سی بیلن بیرگه کوچلی مناسبت قورگن بوله دی. ساغ قالیب، تغذیه بولیشی و بشقه احتیاج لری آنه تمانیدن تامین ایتیله دی. باله نینگ جان گه کیلیب حرکت ایتیشی آنه سی بیلن مناسبتی نی محکم قیله دی. توغیلگندن کیین آنه باله نبنگ سیسی گه باله ایسه آنه نینگ ایسّی گه عادت قیله دی. کم مدت ده بیر- بیراوی بیلن کوچلی حس و تویغو بیلن مناسبت تامین ایتیب قاله دی. اوشبو کوچلی مناسبت بیر عمر بوییچه دوام ایتیب توره دی.
بیزلر اوچون البته اینگ یقین کیشی آنه میز دیر. آنه میز یانیمیزده بولگنده غم و دردلر اونوتولیب کیتر ایکن، امید و آرزولر تازه بولیب قاله دی. تیلیمزگه عادت بولگن آنه کبی یار، بغداد کبی دیار بولمس دیگن مشهور بیر سوز باردیر. تیلنی آنه دن اور گنه میز انه شو اوچون آنه تیل و آنه وطن دیب ایتیلگن. باله تربیه قیلیش آته نینگ مسوولیت سیزلیگی دن ایمس بلکه بیر مدنیت نینگ پارچه سی بولگن لیگی اوچون آنه باله نی باقیب تربیه قیله دی. باله سی کسل بولگنده خدایا باله کسل بولکونچه مین کسل بولسم ایدی دیب دوعا قیلگن آنه دیر، شو اوچون ییغله سه آنم یغله یدی بشقه کیشی لر یغلاندن ییغله یدی دیگن سوزده هم، آنه لرنینگ باله لریگه بولگن اوز تویغو لرینی ایفاده ایته دی. بیر قیین چیلیک ویا بیر کسل لیکگه دوچ کیلگنده " اوف آنه جان" دیب اوزیمیزنی تسکین ایته میز. باله لرنینگ آنه سیز، آنه لرنینگ ایسه باله سیز قالیشی ممکن ایمس. باله سی عسکر ویا تحصیل اوچون اوزاق مملکت گه کیتگن بولسه اوشبو آنه نینگ وضعیتی یمان بولیب قاله دی. نفس آله دیگن پیتده هم باله سی نینگ حسرتی بیلن یانیب توره دی. غربت ده گی باله اوز اوییگه قیتیب کیلگنده آنه برچه درد و غمینی اونوته دی. باله آنه سی نینگ قولینی اوپه دیگن پیتده ایکّی تمان هم خرسند بوله دی...
اسلامیت گه کوره جنت آنه نینگ ایاق آستیگه دیر. آنه لرگه بیریلتگن اهمیت و احترام جنت نینگ کلیدی دیر. برچه انسانلرنینگ بی بی هوا آنه میزدن یره تیلگن لیگی برچه مقدس دینلر تمانیدن قبول بولیب تورگن دیر. اوز آنه میز کبی بی بی هواگه هم احترام قیله میز. عیسوی لر اوچون مقدس بولگن حضرت عیسی نینگ آنه سی مسلمانلر اوچون هم بی بی مریم  مقدس دیر.
یونان قدیم و روم ده ایلک بهارفصلی نینگ ییتیب کیلیشی بیلن آنه لر کونی نشانله نیب کیلگن دیر.میلادی 1908 نچی ییل ده اننا جرویز آتیده گی امریکا لیک عیال نینگ اوز آنه سی وفات ایتگن لیگی گه بناً خاص بیر کون اویوشتیرگن ایکن، اوشبو کون مشهور بولیب قالدی. میلادی 1919 نچی ییل ده اولاً بار امریکا بیرلشگن دولتلری، آرتیدن برچه اولکه لرده آنه لر کونی تجلیل بولیش گه باشله دی. دنیا بوییچه بوکون آنه لرگه تحفه آلینیب بارماقده دیر. آنه لر اوزاقده بولگنده کیتیب کوریب ویا تیلفون آرقه لی صحبت عملگه آشیریب اوز محبت لرینی نمایان قیله دیلر.
ساووق قالگنده کیلیب اوستیمیزنی یاپیب قویگن آنه جانیمیزنینگ آنه لر کونی قوتلوغ بولسین.