اسرائیل نینگ هجوم لری

اسرائیل نینگ جون آیی نینگ 12 نچی کونیده باشله تیب یوبارگن هوائی هجوم لری, کیینگی کون لر ده کینگ کولملی پیاده عملیاتی گه ایله نیب کیتدی. خودی منه شو وضعیت نینگ اوزی ایسه خشونت و قیرغین لرنینگ میزانی نی آرتریب یوباردی. شوندای قلیب حقیقی معنی ده بیر اشغال پروسه سی پیدا بولیب قالدی. ایندی اسرائیل بیلن فلسطین آره سیده گی معما بوییچه ینگی بیر پروسه نینگ باشلب کیتگن لیگی کورینماقده. اسرائیل, میلادی 1967 نچی ییلی ده اشغال ایتگن و میلادی 2005 نچی ییلی ده حربی لری نی چیکگن غزه نی قیته باشدن اشغال ایتیب باشله دی. اشغال نینگ ایلک نتیجه سی, یوزلب فلسطین لیک نینگ جان بیریشی, اوی لر و شهر لرنینگ ویران بولیشی, مینگ لب انسان نینگ یاره له نیشی و باشقه مادی و معنوی خساره لر دن عبارت بولدی. اوشبو وضعیت بوییچه اینگ یمان نرسه ایسه, بیر نیچه دولت و جمعیت دن تشقری باشقه هیچ بیر تمان نینگ اسرائیل نینگ خودی منه شو هجوم لری گه قرشی عکس العمل کورستمیتگن لیگی دن عبارت. شوندای قلیب, اسرائیل انسان لر نی قیرغین ایترایکن, سوزده مدنی دنیا نینگ هیچ قندای بیر عکس العمل کورستمیتگن لیگی کورینماقده. سوزده خوف سیزلیک و انسان حق لری تشکیلات لری نینگ هیچ قندای بیر نرسه قیلمه گن لیک لری کوز گه تشلنماقده. اوشبو موضوع بوییچه اینیقسه مسئولیت ایگه سی بیرلشگن ملت لر تشکیلاتی, اوروپا بیرلیگی, اوروپا کینگشی, ناتو و باشقه کوپلب خلق ارا تشکیلات لر سیس سیز بولیب قالدی. عینی دمده اسلام عالمی هم اسرائیل نینگ اوشبو حرکت لری نی توخته ته آله دیگن هیچ قندای بیر فعالیت نی عمل گه آشیرمه دی. اسلام عالمی نینگ اینگ کتته تشکیلات لری دن عبارت اسلام همکارلیک تشکیلاتی و عرب بیرلیگی فقط گینه وضعیت نی تماشا ایتیب کیلماقده خلاص.
براق, دنیا نینگ فرقلی جای لری ده اسرائیل نینگ اوشبو سیاستی گه قرشی عکس العمل کورسه تیلدی. اسرائیل گه عکس العمل کورستگن اولکه لر آره سیده اینگ مهمی نینگ ترکیه دن عبارت ایکن لیگی نی ایسله تیب اوتیشی میز ممکن. ترکیه ده اینگ یوقاری مرتبه لیک مسئول لر دن باشلب اینگ پس ده گی مسئول لرنینگ همه سی نینگ اسرائیل نینگ اوشبو هجوم لری نی قاره لب چیقگن لیگی کوزگه تشلنماقده. ترکیه جمهوریتی باش وزیری رجب طیب اردوغان و حکومت نینگ باشقه مسئول لری قتتیق بیانات لر بیردی. ترکیه جمهوریتی جمهوررئیسی عبدالله گل هم ینه رسمی راق بیر شکل ده اسرائیل نینگ اوشبو هجوم لری نی قاره لب چیقدی. نادولت تشکیلات لر اسرائیل ایلچی لیگی و قونسل گرلیگی نینگ اونگی ده ناراضی چیلیک نمایش لری اوتکزدی. ترکیه جمهوریتی پارلمانی ده گی تورت سیاسی حزب نینگ نماینده لری اسرائیل نینگ قاره له نیشی اوچون بیر اعلامیه ترقتدی. امریکا قوشمه ایالت لری و اوروپا ده گی ایریم شهر لر ده کوپلب کیشی نینگ اشتراکی بیلن ناراضی چیلیک نمایش لری بولیب اوتدی. حتی اوشبو نمایش لرنینگ بیری ده دیندار یهودی لر نینگ اسرائیل نی تنقید ایتگن لیگی کوریندی. امریکا لیک دیندار بیر یهودی نینگ اسرائیل نینگ مشروع بولمه گن بیر دولت دن عبارت ایکن لیگی نی بلدرگن لیگی دقت گه سزاوار بیر موضوع نی تشکیل ایتدی.
اسرائیل نینگ هجوم لری و عکس العمل لرنینگ نتیجه بیرمیتگن لیگی نینگ اساسی سببی, اسرائیل نینگ منفعتی گه اویغون بیر تبعیض نینگ موجود بیر دنیا سیستمی نینگ موجودیتی دن عبارت. تهدابی ایککینچی دنیا اوروشی آرتیدن قویلگن اوشبو دنیا سیستمی ده اسرائیل دولتی نینگ اوستین ایکن لیگی اویلنماقده. شوندای قلیب دنیا سیستمی نینگ مهم اکتور لری دن عبارت غربی اولکه لر, جمعیت لر و اولر نینگ حاکمیتی آستیده گی خلق ارا تشکیلات لرهردایم اسرائیل نینگ هجوم لری نینگ اوستی نی بیرکیتیب کیلگن. خلق ارا اقتصادی سیستم, میدیا ترماق لری, حتی تعلیم و تربیه, سپورت, صنعت, فرهنگ, سلاح سکتوری و سوزده خلق ارا جمعیت لر نینگ اسرائیل نینگ معصوم ایکن لیگی نی معلوم قلرایکن, اسرائیل نینگ حمایه له نیشی کیره ک ایکن لیگی نی بلدریب کیلگن لیگی کورینماقده. اصلی گه قره گنده اسرائیل دولتی, اوشبو دنیا سیستمی نینگ هیچ تیگینیلیشی ممکن بولمه گن "مصنوعی بیر باله" سی دن عبارت.
اوشبو ادعا لر انیق دلیل لر گه تینماقده. اسرائیل دولتی میلادی 1947 نچی ییلی ده بیرلشگن ملت لر تشکیلاتی نینگ 181 سانلی قراری بیلن صهیونیزم آیدیولوژی سی گه اساساً قوریلگن. باشقه چه قلیب ایتگنده اسرائیل دولتی نینگ طبعی بیر شکل ده ایمس, بلکه غربی اولکه لرنینگ حمایه سی ده گی بیرلشگن ملت لر تشکیلاتی نینگ باسیمی نتیجه سیده قوریلگن لیگی بیلینگن بیر حقیقت دن عبارت. شوباعث, اسرائیل دولتی "مصنوعی بیر دولت" دن عبارت. باشقه بیر تماندن ایسه, قوریلگن کون دن بیری کوپلب قانونی بولمه گن ایش لرنی قیلگن لیگی گه قره مسدن, هیچ قندای بیر عکس العمل گه دوچ کیلیب قالمه گن لیگی اوچون اسرائیل دولتی نینگ"نازدانه" بیر دولت دن عبارت ایکن لیگی کورینماقده.
اوشبو دایره ده اینگ مهم موضوع لر دن بیری دنیا سیستمی اکتور لری نینگ اسرائیل نینگ منفعتی و فلسطین نینگ ضدی گه بیر مفکوره گه ایگه بولگن لیگی دن عبارت البته که. انیق قلیب ایتیلگنده اینیقسه غرب دنیا سی ده اسرائیل نینگ معصوم و قورینیشی کیره ک بولگن بیر قرداش, براق فلسطین نینگ ایسه خطرناک بیر تمان دن عبارت ایکن لیگی گه تیگیشلی بیر مفکوره موجود. اوشبو مفکوره دایره سیده اسرائیل نینگ نیمه قلیشی گه قره مسدن حقلی, فلسطین لیک لرنینگ ایسه هیچ بیر نرسه قیلمه سه هم حق سیز ایکن لیگی کورینماقده. شوندای قلیب حاضرگی کونده دنیا سیستمی نینگ اسرائیل نینگ منفعتی گه اویغون بیر سیاست آلیب باریتگن لیگی کورینماقده.
اوشبو معما نینگ مهم تمانی ایسه, دنیا سیستمی ده هیچ قندای بیر تاثیری موجود ایمس دیک کورینیب تورگن اسلام عالمی ده گی یمان وضعیت دن عبارت. بیر یریم میلیارد دن آرتیغراق نفوس, جوده قیمتلی جغرافیه, اقتصاد, تاریخ, فرهنگ و باشقه ارزش لر گه ایگه اسلام اولکه لری نینگ, افسوس که فلسطین مسئله سی بوییچه سیس سیز بولیب قالگن لیگی کورینماقده. بیر یریم میلیارد نفوس, اولر نینگ رهبریتی آستید گی دولت لر و قورگن خلق ارا تشکیلات لری بیلن نادولت تشکیلات لری فلسطین مسئله سی گه بیر ییچیم یولی تاپیش گه قادر بوله آلمه گن.
اسلام عالمی نینگ, دنیا سیستمی ده گی اوشبو وضعیتی نی یخشی لشتره آلمس ایکن, اوز ایچی ده گی نفاق و توقنشو لر اداغگه ییتیشتره آلمه گن لیگی سببلی خلق ارا علاقه لر بوییچه موثر بیر موقف گه ایگه ایمس لیگی کورینماقده. اوشبو وضعیت نینگ باشقه بیر سببی ایسه, اسلام اولکه لری نینگ ایچکی و تشقی سیاست لری ده گی جدی اشتباه لر دن عبارت. سونگگی دورلرده گی سوریه و عراق معما سی سنگری منطقه مقیاسی ده گی پرابلم لر بیلن علاقه لی اشتباه لر, فلسطین معما سی نینگ بوندای بیر وضعیت گه کیلیب قالیشی بوییچه رول اوینه گن. عرب بهاری نینگ موفقیت سیزلیک گه دوچ کیلیب قالیشی, مصرده السیسی کودتا سی و کیین چه لیک اخوان المسلمین نینگ یوق ایتیلیشی گه حرکت ایتیلیشی هم اوشبو فکتور لر آره سیده اورین آلماقده.