آذربایجانده شهید سانی کوپه ییب کیتدی

آذربایجانده ارمنستان نینگ تحریکی اوق اوزیشلری عاقبتیده یوزبیرگن توقنه شوولرده شهید بولگن حربی نینگ 71 گه ییتگن لیگینی بیلدیردی.

آذربایجان مدافعه وزیرلیگی تامانیدن بیریلگن بیاناتده، شهید سانی کوه یگن لیگی معلوم قیلیندی. بیاناتده 12 سپتامبر کونی کیچه سی بیلن 13 سپتامبر کونی ایرته لب ارمنستان نینگ تحریکی اوق اوزیشلری عاقبتیده یوزبیرگن توقنه شوولرده شهید بولگن حربی نینگ 71 گه ییتگن لیگی قید ایتیلدی.

وزیرلیک تامانیدن بیریلگن آلدینگی بیاناتیده 50 کیشی نینگ شهید بولگن لیگی بیلدیریلگندی.

آذربایجان مدافعه وزیرلیگی 12 سپتامبر کونی کیچه سی بیلن 13 سپتامبر کونی ایرته لب ارمنستان اردوسی نینگ آذربایجان چیگره سیده جایلشگن تاشکیسن، کلبجر، لاچین و زنگیلان تامانلریگه کینگ – کولملی تحریکی اوق اوزگن لیگی معلوم قیلینگندی.

آذربایجان اردوسی نینگ چیگره ده گی بعضی بیر موضعلری و پناهگاهلری هاوان توپلری قاله ویرسه ایریم آغیر قوراللر آرقه لی آتش آستیگه آلینگندی. آذربایجان اردوسی، ارمنستان قوراللی کوچلری نینگ اوق اوزیشینی تو.خته تیش و توقنه شوونینگ اوزه مسلیگی اوچون جواب بیررکن، ارمنی کوچلری آغیر تلفات بیرگندی.

ارمنستان باش وزیری نیکول پشینیان، توقنه شوولرده 105 ته ارومنی حربیسی نینگ اولگن لیگینی بیلدیرگندی.

آذربایجان هم ارمنستان نینگ تحریکلری بیلن باشله گن توقنه شوولرده اولگن 100 ته ارمنی حربیسی نینگ جسدلرینی تسلیم ایتیش گه تیار ایکن لیگینی بیلدیرگندی.