روسیه دن بیر گروپ هیئات انقره گه تشریف بویوره دی
قاره باغ موضوعی بوییچه جلسه اوتکزیله دی
آذربایجان بیلن ارمنستان اورته سیده بولیب اوتگن قاره باغده کیلیشووی نینگ آرتیدن آلیب باریله دیگن فعالیتلر توغریسیده تخنیکی اوچره شوولر اوتکزیش اوچون 20 کیشی لیک روس هیئات بوگون انقره گه سفر قیلیب کیله دی.
تورکیه جمهوریتی ملی مدافعه وزیری خلوصی آقر روسیه دن کتته بیر گروپ هیئات نینگ بوگون انقره گه کیله جگینی و قاره باغده بولیب اوتگن آتشکیسیندن کیینگی فعالیتلر توغریسیده تخنیکی اوچره شوولر بولیب اوتیشینی بیلدیرگندی.
هیئات نینگ اولاض تشقی ایشلر وزیرلیگیده اوچره شوو اوتکزیشی کویتیلماقده. توشدن کیین ملی مدافعه وزیرلیگی گه اوتیب تخنیکی اوچره شووگه قتنشه دی.
عسکری یوقاری سویه لی هیئاتلر اورته سیده بولیب اوته دیگن جلسه ده، کیلیشوو چوکاتیده تکتیک و تخنیک اوله راق قیسی تامان نینگ قه ییرده توریشی، نیچه نفردن عبارت بولیشی، قیسی فعالیتلرنی آلیب باریشی کبی موضوعلر تیلگه آلینه دی.