آذربایجان اردوسی یوتوقلی بیر شکلده عملیاتلرگه دوام ایتماقده

ارمنستان اردوسی آتشکیسین گه قره مه ی جبهه نینگ تورلی تامانلریده آذربایجان حربیلریگه و مسکونی منطقه لرگه قره ته اوق اوزدی.

آذربایجان مدافعه وزیرلیگی توقنه شوولرنینگ کوپراق جبهه نینگ خواجه وند، فضولی و قبادلی تامانلریده دوام ایتیب تورگن لیگی بیلدیریلدی.

آذربایجان عسکرلری ارمنستان اردوسی نینگ هجوملریگه توسیق بولدی، تلفات بیرگن ارمنستان عسکرلری کیینگه قیتریب یوباریلدی.

ارمنستان اردوسی نینگ 18- ماشیندار پیاده تولی نینگ ایلگریده جایلشگن پوسته سی نینگ آذربایجان اردوسی تامانیدن یوق قیلیب تشلنگن لیگی بو جایده اولگن عسکرلری بیلن بیر قطارده تولی قومندانی نینگ هم بولگن لیگی معلوم قیلیندی.

جبهه نینگ ایریم منطقه لریده ارمنستان اردوسی نینگ 1 ته تی-72 تانک، 4 ته دی-30 و 3 ته دی-20 اوبوس، 1 ته اوسا دافع هوا، 1 ته گراد راکت تیزیمی، 1 ته رادار استیشمی و 6 ته موترنینگ یوق قیلیب تشله گن لیگی انچه پرسونل نینگ تاثیرسیز وضعیت گه کیلتیریلگن لیگی قید ایتیلدی.

جبهه ده وضعیت نینگ آذربایجان اردوسی نینگ کنترولیده ایکن لیگی افاده ایتیلدی.

امریکا قوشمه ایالتلری تامانیدن ارمنستان بیلن آذربایجان نینگ تاغلیق قاره باغده بشری آتشکیسین توغریسیده کیلیشیب الگن لیگی بیلدیریلگندی خوددی شو آتشکیسین 26 اکتوبرده محلی وقت بیلن ساعت 08:00 ده عملی بولیب باشلنگندی.