زېلېنىسكىي: ئۇكرائىنانىڭ ئەزا بولۇشى بىلەن ياۋروپا ئىتتىپاقى قۇرۇلۇشى مۇكەممەللىشىدۇ

تۈركىيە ئاۋازى رادىيوسى خەۋىرى: ئۇكرائىنا پىرېزىدېنتى ۋولودىمىر زېلېنسكىي ئىجتىمائىي تاراتقۇدىكى ئادرېسىدا، ئۇكرائىنانىڭ ياۋروپا ئىتتىپاقى ئەزالىقى نامزاتلىقى توغرىسىدا بايانات ئېلان قىلدى.

بۇنىڭدىن بىر يىل بۇرۇن —ئۇكرائىنا-رۇسىيە ئۇرۇشىنىڭ 5-كۈنى — ئۇكرائىنانىڭ ياۋروپا ئىتتىپاقىغا ئەزالىق ئىلتىماسى سۇنغانلىقىنى ئەسكەرتكەن ئۇكرائىنا پىرېزىدېنتى زېلېنسكىي: «نامزاتلىق ھوقۇقىغا ئېرىشتۇق. بۇ يىل ئەزالىق سۆھبەتلىرىنى باشلاش ئۈچۈن قارار چىقىرىش ۋاقتى» دېدى.

ئۇ: «ئۇكرائىنانىڭ ئەزا بولۇشى بىلەن، <تىنچلىقپەرۋەر، ئەركىن ۋە بىر گەۋدىلەشكەن بۈيۈك ياۋروپا قۇرۇلۇشى مۇكەممەللىشىدۇ. كۈرەشتە بىرلىكتىمىز، بۇ غەلىبىدىمۇ بىرلىكتە بولىدىغانلىقىمىزنى كۆرسىتىدۇ. ياشىسۇن ياۋروپا، ياشىسۇن ئەركىنلىك» دېدى.