دۇنيا بويىچە يېشى ئەڭ چوڭ ئەر ۋاپات بولدى

تۈركىيە ئاۋازى رادىيوسى خەۋىرى: ئىسپانىيە خەۋەر ئاگېنتلىقى «EFE» نىڭ خەۋىرىدە، تۈنۈگۈن ئۆيىدە قازا قىلغان ساتۇرنىنو دې لا فۇئېرتېنىڭ ئەگەر ياشىغان بولسا، 12-فېۋرالدا 113 ياشقا كىرىدىغانلىقى بىلدۈرۈلدى.

خەۋەردە دې لا فۇئېرتېنىڭ 10-سېنتەبىردە 112 ياش ۋە 211 كۈنلۈك ئۆمۈر كۆرۈش بىلەن جىننېس دۇنيا رېكورتلىرى كىتابىغا «دۇنيادىكى يېشى ئەڭ چوڭ ئادەم» سۈپىتىدە كىرگۈزۈلگەنلىكى ئەسكەرتىلدى.

دې لا فۇئېرتې ئىسپانىيەدە 13 - پادىشاھ ئالفونسو (1886-1941) دەۋرىدە تۇغۇلغان، 1918-يىلدىكى ئىسپانىيە زۇكىمى، 1923-يىلدىكى پرىمو دې رىۋىرا دىكتاتۇرلۇقى دەۋرى، ئىككىنچى جۇمھۇرىيەت (1931-1939)  دەۋرى، ئىچكى ئۇرۇش (1936-1939) ۋە دىكتاتۇر فىرانكو دەۋرلىرىدە (1975-1939) ياشىغان بولۇپ، لېئون شەھىرىدە كوۋىد -19 ۋاكسىناسى ئەملەنگەن تۇنجى كىشى بولغان ئىدى.

8 بالىسى، 14 نەۋرىسى ۋە نەۋرىلىرىنىڭ 22 بالىسى بولغان دې لا فۇئېرتېنىڭ دەپنە مۇراسىمىنىڭ بۈگۈن ئۆتكۈزۈلىدىغانلىقى ئېلان قىلىندى.