ئامېرىكا دۇنيا سەھىيە تەشكىلاتىغا بولغان قەرزىنى تۆلەيدىغانلىقىنى بىلدۈردى

تۈركىيە ئاۋازى رادىيوسى خەۋىرى: بلىنكېن، بىرلەشكەن دۆلەتلەر تەشكىلاتى خەۋپسىزلىك كېڭىشىنىڭ «كوۋىد – 19» يۇقۇمى ۋە ۋاكسىنىغا باراۋەرلىك ئاساسىدا ئېرىشىش مەسىلىسى مۇزاكىرە قىلىنغان يىغىنىدا قىلغان سۆزىدە، ئامېرىكا قوشما ئىشتاتلىرىنىڭ «كوۋىد – 19 يۇقۇمى» ۋاكسىنىسى تەتقىق قىلىپ ياساش ۋە تارقىتىشتا، دۇنيا مىقياسىدا شېرىكلىرى بىلەن بىرلىكتە ھەرىكەت قىلىدىغانلىقىنى ئەسكەرتىش بىلەن بىر ۋاقىتتا، «كوۋىد – 19» يۇقۇمىغا قارشى كۈرەشتە ۋە تېخىمۇ كۈچلۈك سەھىيە سىستېمىلىرى بەرپا قىلىشتا دۇنيا سەھىيە تەشكىلاتىنىڭ ئوينايدىغان رولىنىڭ ناھايىتى مۇھىملىقىنى، ئامېرىكا قوشما ئىشتاتلىرىنىڭ، دۇنيا سەھىيە تەشكىلاتىنىڭ يەر شارى خاراكتېرلىك ۋاكسىنا پىلانى بولغان «كوۋىد – 19 يۇقۇمى» ۋاكسىنىسى پىروگراممىسى  (COVAX) غا ئىقتىسادىي جەھەتتىن ياردەم بېرىشنى پىلانلاۋاتقانلىقىنى تەكىتلەپ مۇنداق دېدى: «ئامېرىكا قوشما ئىشتاتلىرى دۇنيا سەھىيە تەشكىلاتىغا بولغان 200 مىليون دوللاردىن ئارتۇق قەرزىنى مۇشۇ ئاينىڭ ئاخىرلىرى تۆلەشنى پىلانلىماقتا.»